काठमाडौं : सञ्चारकर्मी गीता अधिकारीको ‘मैले पढेका ५१ पुस्तक’ लोकार्पण गरिएको छ । सोमबार काठमाडौंमा मिलाप पब्लिकेशनको आयोजनमा एक विशेष समारोहबीच उक्त कृतिको लोकार्पण गरिएको हो ।
वरिष्ठ साहित्यकार कथाकार माया ठकुरीको प्रमुख आतिथ्यतामा भएको कार्यक्रममा वरिष्ठ पत्रकार एवम् साहित्यकार पुरुषोत्तम दाहाल, वरिष्ठ साहित्यकार खेमनाथ दाहाल, लेखक गीता अधिकारी, महिला सुरक्षा दबाब समूह अध्यक्ष कल्याणी शाह, सञ्चारिका समूह अध्यक्ष विमला तुम्खेवा, हिमालय टाइम्स दैनिकका कार्यकारी निर्देशक उज्ज्वल शर्मा, अन्तर्राष्ट्रिय नेपाली साहित्य समाजको केन्द्रीय महासचिव विमला निरौला, प्राडा अर्जुनदेव भट्ट, वशिष्ठ कलाकार लय संग्रौला, वरिष्ठ साहित्यकार विमल भौकाजी, पब्लिकेसनका अध्यक्ष कृष्ण भुसाललगायतले उक्त पुस्तकको लोकार्पण गरे ।
कार्यक्रममा अधिकारीले आफूले विभिन्न समयमा पढेका पुस्तकका बारेमा विभिन्न पत्रिकामा प्रकाशित भएका पुस्तक परिचयलाई यसमा समावेश गरेको जानकारी गराइन् ।
किर्तिमानी संगीतकार सन्तोेष श्रेष्ठ, चलचित्र पत्रकार संघका पूर्वअध्यक्ष एवम् गीतकार शान्तिप्रिय, वरिष्ठ संगीतकार राजु सिंह, विशिष्ठ कलाकार लय संग्रौला, वरिष्ठ साहित्यकार दामोदार पुडासैनी अन्तर्र्राष्ट्रिय नेपाली साहित्य समाज ‘अनेसास’ महासचिव विमला निरौला, प्राडा अर्जुनदेव भट्ट लगायतले कृतिका लागि अधिकारीलाई बधाई तथा शुभकामना दिएका थिए ।
सञ्चारकर्मी अधिकारीले आफ्नो जन्मदिनको अवसर पारेर सोमबार कृति पाठकमाझ ल्याएकी हुन् । मिलाप पब्लिकेशन प्रा.लि.ले पाठकमाझ ल्याएको १९२ पेजको यस कृतिको मूल्य ४०० रुपैयाँ राखिएको छ ।
काठमाडौं : पहिलो निर्देशकीय चलचित्र ‘कालोपोथी’ मार्फत अन्तर्राष्ट्रिय चलचित्र महोत्सवमा बलियो उपस्थिति देखाएका निर्देशक मीनबहादुर भामको निर्देशनमा तयार भएको दोस्रो चलचित्र ‘शाम्बाला’ले विश्व प्रतिष्ठित ‘बर्लिन अन्तर्राष्ट्रिय चलचित्र महोत्सव २०२४’ मा अन्तर्राष्ट्रिय चलचित्रको विधाअन्तर्गत छनोट भएको छ ।
आगामी फागुन ३ देखि १३ गतेसम्म चल्ने महोत्सवको ७४औं संस्करण हुँदै गर्दा पहिलोपटक नेपाली चलचित्रले प्रवेश पाएको हो । यस विधामा कूल २० चलचित्र प्रतिस्पर्धामा रहेका छन् ।
निर्देशक भामले यो चलचित्र पूरा गर्न आठ वर्ष लागेको बताए । “हामीले आठ वर्षदेखि यसको निर्माण गरिरहेका छौं, आजको यो सफलता त्यो यात्रामा गरिएको दुःखको प्रतिफल होजस्तो लाग्छ, सहयात्री सबैलाई धन्यवाद छ, नेपाली चलचित्रलाई प्रतिनिधित्व गराउन पाउँदा हर्षित छौं”, निर्देशक भामले भने ।
उनले चलचित्रको शुरुवात गर्दा ‘चिसो वर्ष’ नाम राखेता पनि तयार भएपछि ‘शाम्बाला’ राखिएको जानकारी दिँदै यसमा मौलिकपना नहराओस् भनेर नेपालीसँगै तिब्बतको भाषा प्रयोग गरिएको बताए ।
उच्च हिमाली गाउँकी एक गर्भवतीलाई श्रीमान्ले छाडेपछि आफ्ना देवरलाई लिएर उनको खोजीमा हिँडेको कथा प्रस्तुत गरिएको चलचित्रलाई निर्देशक भामले अविनाश विक्रम शाहसँग मिलेर लेखेका हुन् । डोल्पाको चार हजार दुई सयदेखि छ हजारको उचाइमा दृश्यांकन गरिएको चलचित्रमा थिन्ले ल्हामो, सोनम तोप्द्न, तेन्जिङ डल्हाल, कार्म शाक्यलगायतले अभिनय गरेका छन् ।
निर्देशक भामद्वारा निर्देशित लघु चलचित्र ‘बाँसुल्ली’बाट पहिलोपटक नेपालबाट भेनिस अन्तर्राष्ट्रिय चलचित्र महोत्सवमा प्रवेश भएको थियो भने उनको पहिलो निर्देशकीय चलचित्र ‘कालोपोथी’ले थुप्रै अन्तर्राष्ट्रिय पुरस्कार (अवार्ड) जित्न सफल भएको थियो ।
आठ वर्षमा ४४ मस्यौदा (ड्राफ्ट) लेखेर चलचित्रलाई अन्तिम रुप दिइएको बताउँदै निर्देशक भामले दोस्रो चलचित्रमार्फत इतिहास बनाएका छन् । यसले अन्य अन्तर्राष्ट्रिय चलचित्र महोत्सवमा समेत प्रतिस्पर्धा गर्ने उनले बताए । यसको नेपाल प्रदर्शन तय गरिएको छैन ।
काठमाडौं : गायक निर्मलराज पौडेलको ‘छम्म नाचौं, छप्प नाचौं’ गीत सोमबार एक कार्यक्रमका बीच सार्वजनिक गरिएको छ । गीतमा अभिनय गरेका कलाकारहरुले सामूहिकरुपमा गीतको भिडियो सार्वजनिक गरेका हुन् ।
नेपाल विज्ञापन संघको अध्यक्ष भइसकेका विज्ञापन व्यवसायी पौडेल गायन क्षेत्रमा पनि छन् । बीचमा गाउन छोड्नुभएका पौडेल आज सार्वजनिक भएको गीतमार्फत १५ वर्षपछि उनी पुनः गायनमै फर्किएका छन् ।
विशेष गरेर नेपालका विभिन्न क्षेत्र र वर्गका पर्वमा नाच्ने गरिएको शैलीमा तयार पारिएको यस गीतमा नेपालका चर्चित कलाकारले अभिनय गरेका छन् । आज सार्वजनिक भएको यस गीतमा कलाकारहरु सरोज खनाल, विजय लामा, रमेश उप्रेती, किरण केसी, राजाराम पौडैल, निर्मल शर्मा, धीरेन शाक्य, रवीन्द्र खड्का, गजित विष्ट, गम्भीर विष्ट, सुनील सिलवाल, खुस्बु खड्का, गोपाल ढकाल ‘छन्दे’, रोहित कार्कीलगायत नयाँ र पुराना चर्चित कलाकारले अभिनय गरेका छन् ।
गायक पौडेलकै रचना रहेको गीतलाई मोहित मुनालले संगीत भरेका छन् भने गीतको निर्देशन मनिष पौडेलले गरेका छन् । गीतमा गम्भीर विष्टको कोरियोग्राफी, महेश पौडेलको छायांकन तथा माधव थापाको छायांकन तथा व्यवस्थापन कला रहेको छ ।
गीतको भिडियो सार्वजनिक गर्न आयोजित कार्यक्रममा कलाकारहरु सरोज खनाल, किरण केसी, राजाराम पौडेल र गायक निर्मलराज पौडेलले नेपाली गीतसंगीत क्षेत्रका साथै आज सार्वजनिक भएको गीतका विषयमा चर्चा गरेका थिए । करिब ३५ वर्षअघि हलिउड र बलिउडका विभिन्न गीतलाई नेपाली शैलीमा परिमार्जन गरेर गीत गाई गायन यात्रा शुरु गरेका पौडेलका ‘फेसन यो हो फेसन’, ‘ह्याप्पी लाइफ’, ‘सलल बगेको गण्डकी’ लगायतका गीत चर्चित छन् ।
हालैमात्र पौडेलले नेपालमा विज्ञापन विषय र व्यवसायको इतिहास र वर्तमान अवस्था एवम् विज्ञापन पेसामा आफ्नो अनुभवसमेत समेटेर ‘वेलकम आरोह अवरोह’ पुस्तक पनि प्रकाशन गरेका छन् ।
तिलु शर्मा पौडेल/मध्यान्ह
दोहा, कतार : अन्तरजातीय प्रेममा परेका एक जोडी आफ्नो जीवन जिउन संघर्ष गरिरहेका हुन्छन् । 'लिभिङ टुगेदर'को सम्बन्धलाई विवाहमा परिणत गर्न कोसिस गरिरहँदा आफ्नो प्रेमिकालाई 'कान्छी तिम्रो बाबाले हाम्रो प्रेम स्वीकार्दैनन् भागेर बिहे गरौं' भन्ने केटाको अनुरोधलाई केटीले धुमधामसँग बिहे गर्ने चाहाना राखेसँगै शुरु हुन्छ कथा ।
यो कथा 'बागलुङ तमाना' पञ्चेबाजा गीतले बोलेको छ । गीतले बागलुङको तमाना र म्याग्दीको बेनी बगरसहित विभिन्न ठाउँलाई शब्दबाट वर्णन गरेको छ । म्याग्दीको मङ्गला गाउँपालिका–५ अर्मनमा जन्मिएका राम गगनले उक्त ठाउँलाई समेट्दै कोरेका शब्दले अहिले चर्चा पाउँदै गइरहेको छ ।
गगनको संगीत रहेको उक्त गीतमा चर्चित गायिका शान्ति श्री परियार र गगनकै स्वर रहेको छ । एचबीएन किस्मतले संगीत संयोजन गरेको गीतको भिडियोमा वसन्त विश्वकर्मा र नारायणी खत्रीको अभिनय देख्न सकिन्छ । मौसम हिमालीको कथा तथा निर्देशन रहेको भिडियोलाई नवीन घर्ती मगरले सम्पादन गरेका हुन् भने बुद्ध थापाले खिचेका हुन् । केही समय पहिले 'जाम भो साइँली' बजारमा ल्याएका गगनले 'हेर्दामा राम्रो बेनीको बजार', 'घर छोड्दाको रात', 'जिन्दगी', 'सङ्क्रान्ति मेलामा', 'डिभोर्स', 'पश्चिम हिँडियो', 'सालैजो'सहित दर्जनौं गीत बजारमा ल्याएका छन् । सांगीतिक पस्तुति दिनकै लागि गगन मलेसिया र बहराइनसमेत पुगेका छन् ।
काठमाडौं : लोकप्रिय गायक शिव परियारले आफ्नो नयाँ गीत ‘भतभती मुटु पोलिरहेछ’ सार्वजनिक गरेका छन् । गीतकार विमला तुलाचन र चर्चित संगीतकार शंकर थापा ‘स्माइल’सँगको सहकार्यमा गायक परियारले गीत बजारमा ल्याएका हुन् । गीतमा विषम आचार्यको एरेन्ज रहेको छ ।
एलिसा राई र कृश गुरुङको अभिनय रहेको गीतको म्युजिक भिडियोलाई रामजी लामिछानेले निर्देशन गरेका हुन् । मानकृष्ण महर्जनको सिनेमाटोग्राफी र बान्दे प्रसादको सम्पादन रहेको भिडियोमा राजेन्द्र मोक्तानको रंग संयोजन रहेको छ । शिव परियारको आफ्नै युट्युब च्यानलबाट सार्वजनिक गरिएको गीतमा माया प्रेम र बिछोडको पीडाले कसरी ‘भतभती मुटु पोलिरहेछ’ भनेर देखाउन खोजिएको छ । यसअघि गायक शिव परियार र संगीतकार शंकर थापा ‘स्माइल’को सहकार्यमा धेरै चर्चित गीतहरु सार्वजनिक भइसकेका छन् ।
गायिका समेत रहेकी गीतकार तुलाचन पछिल्लो समय टुहुरा बालबालिकाको पढाइको लागि निरनतर खटिरहेकी छिन् भने संगीतकार स्माइल पनि संगीतदेखि गायनसम्म त्यतिकै पोख्त छन् । उनले गरेका चलचित्रदेखि सुगम संगीतसम्मका गीतहरु दर्शकको रोजाइमा पर्दै आएका छन् ।
काठमाडौं : फिल्म ‘पर्खि बसेँ तिमीलाई’ हलमा लागिरहँदा नायक राजवल्लभ कोइरालालाई दर्शकले निकै सम्झिए । फिल्म ‘पर्खि बसेँ’बाट रजतपटमा प्रवेश गरेका यी नायक राम्रैसँग छाए । उनले अभिनय गरेका फिल्मले पनि बक्स अफिसमा राम्रै कमाई गर्दा उनको अभिनयको तारिफ धेरै भयो ।
तर फिल्म ‘हाइवे टू धम्पुस’को छायाँकनका लागि राजवल्लभ अमेरिका पुगे । यसपछि भने उनले नेपाली फिल्ममा निरन्तरता दिन सकेनन् । अब उनै नायक फिल्म ‘एक्टर’बाट फिल्म क्षेत्रमा कमब्याक गर्दैछन् ।
नायक प्रदीप खड्काको मुख्य भूमिका रहने फिल्म ‘एक्टर’मा राजवल्लभ काम गर्न तयार भएका हुन् । निर्माणपक्षले यो फिल्ममा नायकको रुपमा प्रदीप खड्का र नायिकाको रुपमा आना शर्मालाई फाइनल गरिसकेका छ ।
राजन भुसालको निर्देशनमा तयार हुन लागेको यो फिल्ममा थमन कुमार भण्डारीको लगानी छ । अदृत फिल्मसको प्रस्तुतिमा निर्माण हुन लागेको यो फिल्मको सह–निर्मातामा एनिस भुसाल र सार्थक के सी छन् । फिल्ममा पोष्टर डिजाइन र पब्लिसिटी डिजाइन ट्राइडेन्ट कन्सेप्टको रहेको छ ।
यो फिल्मको छायाँकन केही महिनामा नै शुरु हुनेछ । फिल्मलाई सन् २०२५ भित्र रिलिज गर्ने तयारीमा निर्माण पक्ष छ । यो फिल्ममा नरेन्द्र मैनालीको छायांकन रहनेछ । फिल्ममा रीत बोहोरा सहयोगी निर्देशकको रुपमा छन् ।
फिल्म ‘एक्टर’लाई लिएर आफू निकै नै उत्साहित भएको राजबल्भ कोइरालाले बताएका छन् । आना र प्रदीपको जोडीलाई लिएर दर्शकमा पनि उत्साह थपिने निश्चित छ ।
काठमाडौं : गायक तथा संगीतकार योगेश वैद्यको निधन भएको छ । उनको ७७ वर्षको उमेरमा बिहीबार राति साढे १२ बजे काठमाडौं भ्याली अस्पताल सुन्धारामा निधन भएको हो । वैद्य लामो समयदेखि मधुमेहबाट पीडित थिए ।
उनका ‘सपना भुलाइ सारा’, ‘मेरो आँशुमा नहाँसे’, ‘नेपाल मेरो उपहार भो’ लगायतका गीतहरू लोकप्रिय छन् । उनका नेपाल भाषाका गीत पनि लोकप्रिय छन् । नेपाल भाषामा ‘जय नमो सिरि बुद्ध भगवान’ र ‘जिमि यःम्ह थौ जिथाय् वइ’ लोकप्रिय छन् ।
बनस्पतीशास्त्रमा एमएससी गरेका वैद्यले ३३ वर्षसम्म सरकारी सेवामा बिताएका थिए । उनी २०६१ सालमा सहसचिव पदबाट अवकाश भएका थिए ।
वैद्यलाई संगीतकर्मीले अन्तिम श्रद्धाञ्जली दिएका छन् । उनको पार्थिव शरीरलाई श्रद्धाञ्जलीका लागि नक्सालस्थित संगीत तथा नाट्य प्रज्ञा प्रतिष्ठानमा राखिएको थियो ।
शवमा पुष्पगुच्छा अर्पण गर्दै संगीतकर्मीले नेपाली संगीतमा वैद्यले पुर्याएको योगदानको स्मरण गरे । वरिष्ठ संगीतकार शम्भुजीत बास्कोटा, संगीतकारहरु चेतन सापकोटा, बसन्त सापकोटा, महेश खड्का, मिलन मोक्तान लगायतले फूलमाला समर्पण गरेर वैद्यप्रति श्रद्धाञ्जली व्यक्त गरे ।
तिलु शर्मा पौडेल/मध्यान्ह
दोहा, कतार : निकै पुरानो भाकालाई पछिल्लो समय प्रत्यक्ष दोहोरीमा प्रयोग गर्न थालेपछि चर्चामा आएको हो ‘रेलै सलल’ । यही भाकामा आएको नयाँ गीत अहिले सामाजिक सञ्जालमा निकै हिट भइरहेको छ । अमेरिकामा बसोबास गर्दै आएका बागलुङका राजन क्षेत्रीले सञ्चालन गर्ने ई–नेपाल रोधी घरको युट्युबबाट उक्त गीत बुधवार राति बजारमा आएको हो ।
द्वन्द्वकाल माया प्रेम र लाहुरेको कथा बोलेको मौलिक गीतका शब्द संकलन बालकुमार श्रेष्ठले गरेका हुन् भने रामेश्वर ढकालले संगीत संकलन गरेका छन् । माया गुरुङ, जमुना राना, सिता श्रेष्ठ, रबी कार्की, श्याम राना र स्वयं श्रेष्ठले स्वर दिएको गीतको संगीत संयोजन कृष्ण केसीले गरेका हुन् । केसीले सिर्जना गरेको संगीत अहिले टिकटकमा सर्वाधिक रुचाइएको छ । घुम्ती घुम्ती रोड गीतमा जँडियाको आवाजमा गीत गाउँदै अभिनय गरेर ह्वात चर्चामा आएका म्याग्देली कमेडीयन तथा गायक कार्कीले यस गीतमा आवाजसहित डबल रोलमा अभिनय गरेका छन् । उनको अभिनयले यस गीतमा पनि विशेष आकर्षण पाएको छ ।
सुरेश श्रेष्ठ र सञ्जीव खनालले खिचेको भिडियोमा दर्जनौं स्थानीयहरूलाई समेत देख्न सकिन्छ । गीतको भिडियोको कथाले गाउँ छोडेर कहीँ जान नसक्ने र लाहुरे पनी गाउँमै बस्नुपर्ने सन्देश दिएको छ । विष्णु शर्माको निर्देशन तथा सम्पादनमा तयार भएको भिडियोको कोरीयोग्राफी प्रवीन थापाले गरेका हुन् । गायक गायिकाका अलावा भिडियोमा सुमन परियार विशेष आकर्षणको रूपमा फिचर्ड छन् ।
तिलु शर्मा पौडेल/मध्यान्ह
दोहा, कतार : नेपाल मगर संघ शाखा कतारको आयोजनामा आगामी शुक्रबार माघ्या सकराटी-२०२४ बृहत् वनभोज तथा सांस्कृतिक कार्यक्रम हुने भएको छ l उक्त कार्यक्रममा सांगीतिक प्रस्तुति दिन नेपालबाट चार जना कलाकार कतार आउने क्रम शुरु भइसकेको छ l जसमध्ये लोक दोहोरी गायक तथा हास्य कलाकार अर्जुन कुँवर केही दिन पहिले नै कतार आइपुगेका छन् भने बुधबार बिहान लोक तथा दोहोरी गायिका रुसमा सिजांली मगर (रुपी) र मोडल तथा डान्सर अस्मिता राना मगर कतार आइपुगेका छन् ।
आमन्त्रित कलाकारहरूलाई स्वागत गर्न संघका अध्यक्ष, महासचिव सहित कार्यसमितिका पदाधिकारीहरू हमाद अन्तर्राष्ट्रिय विमानस्थलमा पुगेका थिए । शुक्रबार बिहान १० बजेबाट अल अरबी स्पोर्ट्स क्लबमा सञ्चालन हुने कार्यक्रममा मगरहरूको ऐतिहासिक दौडेर बाङ (राजा) छान्ने परम्परालाई निरन्तरता दिइने भएको छ l महिलाहरूका लागि म्युजिकल चेयर र पुरुषहरूका लागि डोरी तान्ने खेल समेत खेलाइने भएको छ l कार्यक्रममा मगर समुदायको मौलिक नाच सालै जो, कौराह, झ्याउरे, हुर्रा, भुम्या तथा लोकदोहोरी मगर फिल्मी र आधुनिक गीतहरूमा नृत्य तथा गायन प्रस्तुत गर्ने आयोजक संघले जनाएको छ l कार्यक्रममा आउन जानको लागी कतारको दोहा, सनैया, अल्खोर, सहानिया तथा अन्य स्थानहरूबाट निःशुल्क यातायातको व्यवस्था समेत गरिएको छ l
नेपालबाट आमन्त्रित अर्का चर्चित गायक सर्जक तथा संगीतकार डोलराज बार्हघरे नेपाल मगर संघ शाखा यूएईले आयोजना गरेको माघ्या सकराटी मेला तथा सांस्कृतिक साँझ २०८० मा सांगीतिक प्रस्तुति दिएर यूएईबाट बुधबार राति दोहा आइपुग्ने जानकारी कार्यक्रम संयोजक देवी कुमारी मगरले मध्यान्ह दैनिकलाई जानकारी दिइन् l बाह्रघरे कतार आएसँगै कार्यक्रमको तयारी पनि पूरा हुने उनको भनाइ छ l
काठमाडौं : ‘आइसी डिजाइनर रनवे’ सिजन–१३ का लागि २४ मोडल छानिएका छन् । दरबारमार्गस्थित होटल याक एण्ड यतिमा आयोजित अडिसनबाट १८ महिला र ६ पुरुष गरेर २४ मोडल छानिएका हुन् ।
अडिसनमा ३५० भन्दा बढी मोडलको सहभागिता रहेको थियो । अभिनेत्री प्रियंका कार्की, सविता कार्की, नेक्स्ट मोडल्स नेपालका सीईओ रवि धमला, कमर्सियल फोटोग्राफर राजभाइ सुवाल, मिष्टर नेपाल विजेता समर्पण कार्की, आइसी कलेजकी प्रबन्ध निर्देशक शैलजा अधिकारी र राजश्री थापालगायतका निर्णायकले मोडल छानेका हुन् । छानिएका मोडल आगामी चैत १६ (मार्च २९) गते होटल याक एण्ड यतिमा आयोजना हुने ‘आइसी डिजाइनर रनवे’ नामक फेसन सोमा ¥याम्पमा प्रस्तुत हुनेछन् ।
शोमा विभिन्न फरक फरक देशका १२ जना अन्तर्राष्ट्रिय मोडलको पनि सहभागिता रहनेछ । फेसन शोको म्यानेजमेन्ट जिम्मेवारी नेक्स्ट मोडल्स नेपालले बहन गर्दैछ । अहिलेसम्मकै राम्रो र उत्कृष्ट फेसन शोको रुपमा ‘आइससी डिजाइनर रनवे’को आगामी सिजन आफूले प्रस्तुत गर्न लागेको नेक्स्ट मोडल्स नेपालका सीईओ धमलाले जानकारी दिए ।
‘आइसी डिजाइनर रनवे’ एक उत्कृष्ट फेसन सो हो । विगत धेरै वर्षदेखि नियमित आयोजना हुँदै आएको यो फेसन सोको अबको सिजमा आइसी कलेजका २०२१ ब्याजका विद्यार्थी डिजाइनरहरुले तयार पारेका फरक–फरक पहिरन १५ सिक्वेलमा प्रदर्शन हुनेछ ।
‘आइसी डिजाइनर रनवे’को मुख्य उद्देश्य नेपाली फेसन डिजाइनरको प्रचारप्रसार गर्दै उनीहरुले डिजाइन गरेका नेपाली फेसनका आकर्षक डिजाइन अन्तर्राष्ट्रिय स्तरमा पु¥याउनु रहेको आयोजक आइसी कलेजकी प्रबन्ध निर्देशक अधिकारीले जानकारी दिइन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies