काठमाडौं : गायिका सरु गौतम सर्वोत्कृष्ट गायिकाको अवार्डबाट सम्मानित भएकी छिन् । आइतबार काठमाडौंमा उपमा सञ्चार प्रा.लि.ले आयोजना गरेको ‘सांस्कृतिक राष्ट्रिय म्युजिक अवार्ड २०८०’मा उनले सर्वोत्कृष्ट गायिकाको अवार्ड जितेकी हुन् ।
‘जाउन माया भागेर’ बोलको गीतबाट गायिका गौतम सर्वोत्कृष्ट गायिकाको अवार्ड जित्न सफल भएकी हुन् ।
राष्ट्रिय सभाका अध्यक्ष गणेश प्रसाद तिमिल्सिनाको प्रमुख आतिथ्यतामा भएको कार्यक्रममा विभिन्न विधागत अवार्डबाट कला क्षेत्रका व्यक्तित्वहरुलाई अवार्ड प्रदान गरिएको थियो ।
अमेरिका : प्रवासमा रहेर नेपाली भाषा साहित्यको संरक्षण र श्रीवृद्धिका निम्ति गीत सिर्जनामार्फत आफ्नो मौलिक पहिचान जोगाउन सकिने हेतुले उत्तर अमेरिकामा रहने गीतकार एवम् सर्जकहरू द्वारा एक गैरमुनाफा संस्था 'इमिग्रेन्ट नेपाली लिरिसिस्ट एसोसिएसन युएसए' आप्रवासी नेपाली गीतकार संघ अमेरिकाको स्थापना गरिएको छ ।
चर्चित एवं लोकप्रिय गीतकार हरि उप्रेतीको नेतृत्वमा संस्था स्थापना गरिएको हो । उप्रेतीको नेतृत्वमा रहेको उक्त संस्थामा लोकप्रिय एवम् प्रसिद्ध साहित्यकार एवम् गीतकार अनु शाह उपाध्यक्षमा रहेकी छन् भने महासचिवमा गीतकार नारद रिजाल, कोषाध्यक्षमा गीतकार रमेश लुइँटेल रहेका छन् ।
त्यसैगरी बोर्ड अफ डाइरेक्टरमा गीतकार डा. राजेश कुमार शाक्य, गीतकार एवम् साहित्यकार केशव बैरागी, गीतकार एवम् गायक तिलचन आचार्य, सुप्रसिद्ध गीतकार सुनिता थापा बस्नेत रहेको संस्थाका अध्यक्ष उप्रेतीले जानकारी गराए । चार प्रमुख कार्यकारीसमेत रहने गरी जम्मा ११ जनाको बोर्ड अफ डाइरेक्टर रहने उक्त संस्थाको विधानमा उल्लेख रहेको छ ।
संस्थालाई अभिभावकत्व प्रदान गर्न तथा संस्थालाई सदैव जीवित राख्न प्रमुख संरक्षकमा वरिष्ठ गीतकार एवम् साहित्यकार ज्ञानेन्द्र गदाललाई सर्वसम्मत रूपमा संस्थाले चयन गरेको छ । त्यसैगरी अन्तराष्ट्रिय संयोजक तथा प्रमुख प्रेस सल्लाहकारमा सञ्चारकर्मी सूर्य चन्द रहेका छन् भने नेपाल संयोजकमा म्युजिक भिडियो निर्देशक तथा कार्यक्रम प्रस्तोता प्रहिल कार्कीलाई मनोनयन गरिएको छ ।
अमेरिकाको ओहायो राज्यमा संस्थाको केन्द्रीय कार्यालय रहनेछ । भविष्यमा अन्य देशहरू तथा अमेरिकाको विभिन्न राज्यहरूमा पनि शाखा कार्यालय स्थापना गरिने अध्यक्ष उप्रेतीले जानकारी दिए । संस्था स्थापना गर्नुको प्रमुख उद्देश्य परदेशमा वा प्रवासमा रहेका गीतकार तथा सर्जकहरूलाई आफ्ना सिर्जना पस्कने आधिकारिक र साझा थलो निर्माण गर्नु रहेको उनको भनाइ छ । त्यसका साथै नेपाली गीत संगीतलाई अन्तर्राष्ट्रिय जगतमा चिनाउनु, सिर्जनामार्फत आफ्नो भाषा साहित्यलाई संरक्षण र प्रवर्द्धन गर्दै पुस्तान्तरण गर्नु पनि संस्थाको उद्देश्य रहेको उनले बताए । आगामी दिनमा नयाँ सर्जकहरूलाई गीत लेखनमा प्रशिक्षण दिइ सिर्जनाको स्तरलाई वृद्धि गर्ने संस्थागत उद्देश्य रहेको उनले बताए ।
गीत सिर्जनामार्फत सर्जकहरूले सामाजिक परिवर्तन गराउन सक्ने र जीवन दर्शनलाई प्रवाहित गर्न सक्ने भएकाले सिर्जना पस्कन निरन्तर प्रोत्साहन गर्ने, प्रवासमा रहेर पनि नेपाली गीत संगीत र साहित्यमा विशिष्ट योगदान पुर्याउने स्रष्टालाई सम्मान गर्दै अगाडि बढ्ने अर्को महत्त्वपूर्ण उद्देश्य रहेको अध्यक्ष उप्रेतीले बताए ।
हालसम्म संस्थाले प्राप्त गर्नुपर्ने आधिकारिक प्रमाणपत्र राज्य सरकारबाट प्राप्त भइसकेको र आन्तरिक राजस्व विभागबाट पनि मान्यता प्रदान भएको अध्यक्ष उप्रेतीले जानकारी गराए ।
काठमाडौं : युवा संगीतकार लक्ष्मण पोखरेल 'सातौं मनास्लु राष्ट्रिय अवार्ड २०८०'बाट सर्वोत्कृष्ट संगीतकारको अवार्डबाट सम्मानित भएका छन् । मनास्लु मिडिया प्रा.लि.ले प्रत्येक वर्ष मनास्लु पोष्टको सातौं स्थापना दिवसको अवसरमा विभिन्न क्षेत्रमा योगदान पुर्याउने व्यक्तिहरुलाई सम्मान र अवार्ड वितरण गर्दै आएकोमा यस वर्ष संगीततर्फ पोखरेललाई उक्त अवार्डसहित सम्मान गरेको हो ।
शनिबार राष्ट्रिय नाचघरमा नेपाल आदिवासी जनजाति आयोगका अध्यक्ष रामबहादुर थापाको प्रमुख आतिथ्यतामा सम्पन्न कार्यक्रममा विभिन्न व्यक्तिहरुलाई सम्मान अवार्ड र आईकन अवार्ड प्रदान गरिएको थियो । कार्यक्रममा मनास्लु पोष्टका प्रधानसम्पादक तथा अध्यक्ष मनबहादुर रोकालागयतका विशिष्ठ व्यक्तिहररुको उपस्थिति रहेको थियो ।
नेपाली गीत संगीतको क्षेत्रमा विषेश योगदान पुर्याएबापत संगीतकार पोखरेललाई उक्त अवार्ड प्रदान गरिएको हो । अहिलेका व्यस्त संगीतकारमा गनिने पोखरेलको संगीतमा सुप्रसिद्ध गायक गायिकाहरु उदित नारायण झा, दिपा नारायण झा, राजेशपायल राई, स्वरुपराज आचार्य, अञ्जु पन्त, शिव परियार, प्रमोद खरेल, मिलन नेवार, रुपक डोटेल, शान्तिश्री परियारदेखि अहिलेका नयाँ गायक गायिका प्रताप दास, एलिना चौहान, समिक्षा अधिकारी, सुरेश लामा, अनु चौधरी, देव राना, स्मिता दाहाल, महेश भण्डारी, रानी शाक्यलगायतले स्वर दिएका छन् । उनका गीतमा सबै किसिमको संगीत सुन्न पाइन्छ ।
लमजुङको पाउदीबजारमा जन्मेका पोखरेलको केही दिनअघि मात्रै अञ्जु पन्तको स्वरमा रहेको गीत 'कहाँ बिराएँ' सार्वजनिक भएको थियो । दर्जनौं गीतमा संगीत दिइसकेका पोखरेलका सार्वजनिक हुने तयारीमा रहेका गीतहरुमा उदित र दिपाको 'थाहा छैन', स्वस्पराज आचार्यको 'दिल रोएको बेला', दिपा नारायण झाको 'धुरुधुरु रुन्छ मन', राजेशपायल राईको 'ग्रेटर नेपाल', प्रताप दासको 'मझधारमा', महेश भण्डारी र स्मिताको 'घाम लागे छाता', 'घामपानी घामपानी', 'रेशमी धागो'लगायत एक दर्जन रहेका छन् ।
उनको संगीतमा छिट्टै एउटा गजल र केही गीतहरुको रेकर्डङि हुँदैछ । गीतकार सरला श्रेष्ठ, टिएन आचार्य, नारायण रेग्मी, सागर उदास, जगदिश्वर पोखरेललगायतका गीतकारहरुका गीतमा पोखरेलको संगीत सुन्न पाइन्छ । उनका चर्चित गीतहरुमा 'दिल रुन्छ भन्छन्', 'आइफोन हरायो', 'दिल रुन्छ जब', 'आँसु दिएर गयौ', 'आधिकार बाँडिदेउ', 'हा बरै हाहाहा', 'रोक्यौ किन'लगायतका रहेका छन् ।
तिलु शर्मा पौडेल/मध्यान्ह
दोहा, कतार : गैरआवासीय नेपाली संघ (एनसीसी) कतार र तमु (गुरुङ) समाज कतारको संयुक्त आयोजनामा आयोजित ‘गैरआवासीय नेपाली तारा सिजन ४’को दोस्रो चरणको अडिसन शुक्रबार फितलो व्यवस्थापनका बीच सम्पन्न भएको छ । गायन र नृत्य विधाबाट अलग अलग गैरआवसीय नेपाली तारा चुन्ने लक्ष्य लिएर आयोजना गरिएको कार्यक्रमको दोस्रो चरणको कार्यक्रम निकै खल्लो भएको छ । यद्यपि गायन प्रतिस्पर्धाबाट १९ जना र नृत्य प्रतिस्पर्धाबाट १० जना तेस्रो चरणमा प्रवेश गरेका छन् ।
मेघा अडिसनमा देखिएका केही कमजोरी भन्दा दोस्रो अडिसनमा झनै बढी फितलो व्यवस्थापन देखियो । प्रतिस्पर्धीले निकै आकर्षक प्रस्तुति दिएको कार्यक्रमका लागि मेघा अडिसनदेखि दोस्रो अडिसनसम्म तयारी गर्न ३ हप्ताको समय राखेको आयोजक कार्यक्रमका लागि सुविधा सम्पन्न र सहज हलको व्यवस्थापन गर्नबाट चुक्यो । कार्यक्रममा पर्यवेक्षक पनि पुरै समय बसेनन् भने केही समयमै आएनन् ।
कतार च्यारिटीले करिब सय जना अट्ने हल निःशुल्क बिहान ९ बजेदेखि २ बजेसम्मका लागि उपलब्ध गराइदियो । तर कार्यक्रम निर्धारित समयभन्दा डेढ घण्टा ढिलो शुरु गरेका कारण उक्त हलमा कार्यक्रम समापन गर्न आयोजकले सकेनन् । कार्यक्रमलाई स्थानान्तरण गरेर च्यारिटीको हलबाट नज्माको अफगान ब्रोदर रेस्टुरेन्टमा पुर्याउन पर्यो । एक दर्जन प्रतिस्पर्धीले प्रस्तुति दिन बाँकी रहँदा हल स्थानान्तरण गर्दा कार्यक्रम अशोभनीय मात्र बनेन बिहान समयमा कार्यक्रम शुरु नगर्नुको नमिठो अनुभव पनि बटुल्यो । कार्यक्रममा आयोजक संस्थाका कार्यसमितिका केही र प्रतिस्पर्धी बाहेक आयोजकले गठन गरेको मूल आयोजक समिति र एक दर्जन उपसमितिका जिम्मेवार मानिसहरू पनि अनुपस्थित रहे l
लोभलाग्दो उपस्थितिसहित कार्यक्रम सम्पन्न गर्न चुकेको आयोजकले च्यारिटीको हलमा प्रतिस्पर्धीलाई उपलब्ध गराउने समय पनि फरक-फरक किसिमको थियो । कसैलाई ३ मिनेट तथा कसैलाई २ मिनेटमा सक्न आग्रह गरिएको थियो । कतार च्यारिटीको हलमै कार्यक्रम सम्पन्न गर्न निकै कोसिस गरेको आयोजकले कार्यक्रम हुने हलका लागि सूचना पनि ४८ घण्टा पहिले मात्र निकालेको थियो । जबकि यो प्रतियोगिताका बारेमा जानकारी दिन आयोजना गरिएको पत्रकार सम्मेलनमा प्रत्येक चरणको प्रतिस्पर्धा हुनुभन्दा एक हप्ता पहिले सामाजिक सञ्जाल र फोनमार्फत हलका बारेमा जानकारी दिने प्रतिबद्धता जनाइएको थियो ।
यति ठूलो र प्रवासकै निकै फरक कार्यक्रममा आयोजकले आफ्नै प्रतिबद्धता पूरा मात्र गर्न सकेनन् आयोजकका कारण प्रतिस्पर्धीलगायत स्वयं आयोजकले समेत झमेला ब्यहोरेका थिए । आयोजक समितिले यातायात संयोजकका रूपमा जिम्मेवारी प्रदान गरेपनि शुक्रबारको कार्यक्रमपश्चात नज्माबाट प्रतिस्पर्धी ट्याक्सी चढेर निवासतर्फ लागेका थिए भने एनसीसी कतारका अध्यक्ष रमेश भट्ट आफैंले समेत यातायातका लागि सहजीकरण गरिरहेका थिए ।
लक्ष्मण पोखरेल/मध्यान्ह
काठमाडौं : भीम चापागाईं गीत संगीत भनेपछि सानैदेखि हुरुक्कै हुन्थे । गाउँघर, मेलापातमा मात्रै होइन स्कुल, बजार जताततै उनलाई गीत गाउन भ्याइनभ्याइ हुन्थ्यो । सानै उमेरमा गाउँघरमा एउटा बेग्लै छाप छोडन सफल भीम त्यस्ता मेला महत्सवमा रमाइरमाइ गीत गाउँथे । उनको गायन प्रतिभा देखेर पर्वतका विभिन्न ठाउँबाट उनलाई गायनका लागि निम्तो आउँथ्यो । हिजोका ती दिन सम्झेर भीम अहिले पनि रमाइलो मान्छन् ।
‘एक किसिमले म त्यो बेला गाउँठाउँ र जिल्लामा चर्चित भइसकेको थिएँ । सबैले माया गरेर गीत गाउन बोलाउनुहुन्थ्यो । सबैको माया आर्शिवादले यो क्षेत्रमा लाग्न प्रेरणा मिलेको छ,’ उनी भन्छन् ।
पर्वतको कुर्घामा जन्मे हुर्केका भीम वि.सं. २०५१ सालबाट औपचारिकरुपमा संगीतमा लागेका एक संगीत साधक हुन् । सानैदेखि गायक बन्ने सपना बोकेर विभिन्न आरोहअवरोह पार गर्दै अघि बढेका भीमले संगीतको शिक्षा गान्धर्व संगीत महाविद्यालय भारतबाट र संगीत प्रेम प्रयाग इलाहावादबाट शास्त्रीय संगीतमा एमम्युज गरेका छन् । साथै गुरुदेव कामत, धन बहादुर कपालीबाट पनि उनले शास्त्रीय संगीतको शिक्षा लिएका छन् ।
रेडियो नेपालबाट २०५१ सालमा स्वर पास गरेका भीम त्यसपछि निरन्तर नेपाली संगीतमा लागि रहेका छन् । ‘साक्षी राख्ने होइन जोवन’ उनको पहिलो गीत हो । हाल चर्चामा रहेको ‘अरे हो काइँली’ गीतका गायकसमेत रहेका भीम संगीतकार लक्षु प्रकाश मल्लको संगीत रहेको उक्त गीतबाट हाल चर्चामा छन् । पाँच दर्जनभन्दा बढी गीतमा स्वर दिइसकेका भीम नेपाली संगीतलाई राम्रोसँग बुझेका गायकमा पर्छन् ।
लोक दोहोरीदेखि गजलसम्मका गीतहरुमा आफ्नो जादुमयी स्वर दिइसकेका भीमका चर्चित एल्बमहरुमा च्वाटमाया, पाल्पा गेटैमा राम्रो ताम्सुरा, बाचा, मुहार तिम्रो यादलगायतका छन् । स्व. सम्राट नारायण गोपाल, गोपाल योञ्जनलगायता स्रष्टाहरुबाट प्रभावित उनी नेपाली संगीतको श्रीवृद्धिमा निरन्तर लागिरहने बताउँछन् ।
सांगीतिक कार्यक्रमको सिलसिलामा विभिन्न देश भारत, चीन, बहराइन, दुबईको भ्रमण गरिसकेका भीम अहिलेको संगीत र हिजोको संगीतमा खासै भिन्नता नभएको बताउँछन् । प्राविधिक हिसावले विश्व संगीतले एउटा फड्को मारिरहेको छ, तर सिर्जनाको हिसाबले हिजो र आजको संगीतमा फरक नभएको उनी बताउँछन् । समयअनुसार गीत संगीतमा नयाँ सर्जक स्रष्टाहरुको सिर्जना आइरहन्छ, यो एउटा नियमित प्रक्रिया रहेको बताउने भीम गीत संगीत कहिल्यै नयाँ र पुरानो नहुने बताउँछन् ।
हाल अमेरिकामा बसोबास गर्दै आएका भीम आफूमा नेपाली गीत संगीतप्रतिको माया अथाह रहेको बताउँछन् । त्यसैले त उनी सात समुद्र पारी भए पनि निरन्तर नेपाली गीत संगीत रेकर्ड गरिरहन्छन् । विभिन्न परिस्थितिका कारण देशबाट अलग भए पनि नेपाली गीत संगीतबाट आफू अलग हुन नसक्ने उनी बताउँछन् । ‘यही नेपाली गीत संगीतले मलाई भीम भनेर चिनायो, कसरी म नेपाली संगीतलाई बिर्सन सक्छु,’ उनी भन्छन् ।
नेपाली संगीतलाई सधैं माया गरिरहने भीम विभिन्न संघसस्थाबाट सम्मानित समेत भइसकेका छन् । सामाजिक कार्यमा पनि उत्तिकै सक्रिय छन्, उनी । सामाजिक कार्य गर्दा बेग्लै किसिमको आन्नद आउने बताउने उनी चर्चा कमाउन उक्त कार्य नगरेको बताउँछन् । हाल ‘अरे हो काइँली’ गीतबाट चर्चामा रहेका उनी उक्त गीतले नेपाली दर्शक स्रोताहरुमाझ पुनः परिचित हुन पाएकोमा दंग छन् ।
तिलु शर्मा पौडेल/मध्यान्ह
दोहा, कतार : गैरआवासीय नेपाली संघ (एनसीसी) कतार र तमु (गुरुङ) समाज कतारको संयुक्त आयोजनामा आयोजित ‘गैरआवासीय नेपाली तारा सिजन ४’को दोस्रो चरणको अडिसन शुक्रबार सम्पन्न भएको छ । ‘नेपाली कला संस्कृतिको सम्मान गरौं, प्रवासमा रहेको प्रतिभाको खोजी गरौं’ भन्ने नाराका साथ राष्ट्रिय आविष्कार केन्द्रको सहयोगार्थ, प्रवासमा लुकेर बसेको कलालाई प्रस्फुटन र उजागर गर्ने उद्देश्यले आयोजित प्रतियोगिताको दोस्रो चरणमा गायन विधाबाट २७ जना र नृत्य विधाबाट १४ जना पुगे पनि गायन विधामा २६ जना र नृत्य विधामा १३ जनाले प्रतिस्पर्धा गरेका थिए । गायन प्रतिस्पर्धाबाट १९ जना र नृत्य प्रतिस्पर्धाबाट १० जना तेस्रो चरणमा प्रवेश गरेका छन् ।
शुक्रबार बिहान अलसलातामा रहेको कतार च्यारिटीको हल र नज्माको सम्पन्न आइडलको प्रतिस्पर्धाको गायन विधाबाट सुजन गुरुङ, बुद्ध सिंह लिम्बू, भीम बहादुर कार्की, जोन विक, असोक गुरुङ, रुष्तम तामाङ, मानसिंह परियार, इसान रेग्मी, सुरज केसी, मालती लामा, बनिता राई, दीपक कुमार घले, गौतम सामी लिम्बू, प्रविन रामदाम, क्षितिज तामाङ, रश्मी विश्वकर्मा, उत्तम राई र सरला तामाङ तेस्रो चरणमा प्रवेश गरेका छन् ।
त्यस्तै नृत्य विधातर्फ जुनुमाया कुमाल, झरना राई, दिया सिंह, जीवन खालिंग राई, अमित राई, रिता श्रेष्ठ, सौजार चाहार, निरु श्रेष्ठ, सरोज लामा र सुनिता शेर्पा अर्को चरणमा प्रवेश गरेका छन् । प्रतिस्पर्धाको गायन विधातर्फ वीरेन्द्र श्रेष्ठ, गुन्जन तामाङ र मंगल विक निर्णायकका रूपमा रहेका थिए भने नृत्य विधातर्फ भबिन तामाङ, भीम प्रसाद गुरुङ र जनक लाफा मगरले निर्णायकको जिम्मेवारी सम्हालेका थिए । कमलमणि गुरागाईं र बुधबल गुरुङ पर्यवेक्षकका रूपमा रहेका थिए ।
बार्बी खड्का, आरुषि रिजाल र आरजु राईले स्वागत नृत्यमार्फत कार्यक्रमको सांगीतिक ढोका उघारेका थिए । एनसीसी कतारका अध्यक्ष रमेश भट्टको सभापतित्व तथा एनआरएनए आईसीसीका उपाध्यक्ष राज रेग्मी अतिथि निर्णायक रहेको कार्यक्रममा तमु (गुरुङ) समाजकी अध्यक्ष टौमाया गुरुङको विशेष आतिथ्यता रहेको थियो । कार्यक्रममा अतिथि जजका रूपमा रहेका रेग्मीले सहभागीहरूले रोजगारीका लागी विदेशमा रहँदा पनि नेपाली कला संस्कृतिको प्रवर्द्धनका लागि गरेको सरहानीय कार्यको प्रशंसा गरेका थिए ।
उनले सहभागीहरूलाई सांगीतिक तथा व्यक्तिगत जीवनमा प्रगतिको कामना गरेका थिए । आफ्नो शुभकामना मन्तव्य राख्दै तमु समाजकी अध्यक्ष गुरुङले भाइचाराका लागि संगीतले पुलको काम गर्ने बताइन् । उनले कलाकार बिनाको संगीत र संगीत बिनाको कलाकारको कल्पना गर्न नसकिने बताइन् ।
एनसीसी कतारका सचिव रोशन अर्याल र तमु समाजका महासचिव ज्ञान बहादुर गुरुङ (डिजन)ले सहजीकरण गरेको कार्यक्रमको समापन गर्दै सभापति भट्टले प्रतिस्पर्धामा सहभागी सबैप्रति शुभकामना व्यक्त गरे । प्रतियोगिताको गायन विधाका विजेताले १ लाख ८१ हजार र नृत्य विधाका विजेताले १ लाख ५० हजार रुपैयाँ नगद पुरस्कारसहित ट्रफी प्राप्त गर्नेछन् भने उपविजेताले ७५ हजार रुपैयाँ प्राप्त गर्नेछन् ।
कार्यक्रमबाट भएको मुनाफाको ६५ प्रतिशत रकम राष्ट्रिय आविष्कार केन्द्रलाई सहयोग गरिने भएको छ । प्रतियोगिताको तेस्रो चरण १२ जनवरी २०२४ र ग्राण्ड फिनाले २ फेब्रुअरी २०२४ मा सम्पन्न गर्ने कार्यतालिका रहेको छ । मध्यान्ह राष्ट्रिय दैनिक उक्त आइडलको मुख्य सञ्चार सहयोगीका रूपमा रहेको छ ।
काठमाडौं : मिस नेपाल श्रीच्छा प्रधानले आफूलाई नेपाली पहिरनमै रुची रहेको बताएकी छन् । नेपाली पहिरनमा ढाका बढी मनपर्ने र प्रयोग गर्ने बताएकी उनले आकर्षक, सजिलो र उचित मूल्यमा नेपाली पहिरन मिल्ने भएकोले सबैलाई प्रयोग गर्नसमेत सुझाएकी छन् ।
शुक्रबारबाट ललितपुरको जावलाखेलमा सञ्चालनमा आएको क्वीन कलेक्सन उद्घाटन गर्दै प्रधानले नेपाली पहिरन सजिलो र स्वास्थ्यको दृष्टिले समेत निर्माण हुने भएकाले प्रयोग गर्न सजिलोसमेत रहेको धारणा राखिन् ।
‘म नेपाली बुटिकहरुकै फेसन प्रयोग गर्छु । किनभने त्यहाँ मूल्य सुहाउँदो र सबैले तिर्न सक्ने हुन्छ’, उनले भनिन्, ‘बुटिकमा आफूले चाहेजस्तो डिजाइन छान्न र बनाउन सकिन्छ ।’ ग्राहकप्रतिको जिम्मेवारीमा अन्यभन्दा बुटिक अलि बढी जिम्मेवार हुने गरेको आफूले पाएको उनले सुनाइन् ।
‘बुटिकका पहिरन एकदमै कलरफुल, युनिक डिजाइन हुन्छ । अहिलेका हामी युवाले पहिलेका कल्चर पहिरन प्रयोग गर्दा अर्कै किसिमको गर्व फिल हुन्छ । त्यही कारणले पनि म नेपाली पहिरनमा रमाउछु,’ उनले थपिन् ।
प्रधान ‘मिस वल्र्ड’को तयारी गरिरहेकी छन् । ‘मिस वल्र्ड’को प्लेटर्फममा पनि उनी नेपाली विभिन्न कलासंस्कृति र वातावरण झल्कने पहिरन प्रयोग गर्ने सोचमा छिन् । त्यसका लागि उनी नेपाली डिजाइनर, त्यो पनि आइआइएफटी स्कुल अफ फेसनसँगको छलफलमा छिन् । मिस नेपालमा पनि आइआइएफटीको सहकार्य रहेकोले मिस वल्र्डका लागि सहकार्य गर्ने सोच बनाएको उनले बताइन् ।
क्वीन कलेक्सन मेनका रानाले सञ्चालनमा ल्याएकी हुन् । मेनका आइआइएफटी स्कुल ओफ फेसन ललितपुरकी विद्यार्थी हुन् । आफूले अध्ययन गरेर सिकेको कुरा प्रयोग गर्ने र फेसनमा सेवा दिने उद्देश्यले क्वीन कलेक्सन सञ्चालनमा ल्याएको रानाले बताइन् ।
‘मलाई सानैदेखि फेसनमा केही गर्नुपर्छ भन्ने हुटहुटी थियो । फेसनको विभिन्न कुरा बुझ्दै जाँदा आइआइएफटी स्कुल अफ फेसनसँग जोडिएँ,’ रानाले भनिन्, ‘त्यहाँ सिकेको कुरा बाहिर ल्याउन र फेसनमा नयाँ टेष्ट दिन बुटिक खोलें ।’ फेसनमा गुणस्तरीय र आकर्षक पहिरन सस्तो मूल्यामा उपलब्ध गराउन बुटिक सञ्चालनमा ल्याएको उनको भनाइ छ ।
‘मेरो बुटिक भीआईपीदेखि सर्वसाधारणसम्म सबैका लागि हो । मेरो उद्देश्य फेसनमा सबैको पहुँच होस् भन्ने छ,’ उनले अगाडि थपिन्, ‘हामी मानिसको इच्छाअनुसारको डिजाइनसमेत तयार गरेर दिन्छौं ।’
कार्यक्रममा आइआइएफटी स्कुल अफ फेसन इन्टेरियर डिजाइनका कार्यकारी प्रबन्धक विपना थापाले आफ्नो स्कुलको विद्यार्थी व्यावसायिकरुपमा अगाडि बढेको देख्दा खुसी लागेको बताइन् । उनले मेनकाको आँट र क्रियाशीलताबाट आफू प्रभावित भएको बताउँदै आवश्यक सहयोग गर्न तयार रहेको धारणा राखिन् ।
क्वीन कलेक्सनमा महिलाले फेसनका लागि सबै प्रकारको सेवा प्राप्त गर्न सक्नेछन् । नेपाली पहिरन र कल्चरलाई विशेष प्रथामिकतामा राखेको यो कलेक्सनमा कल्चरल, फर्मल, पार्टीवेयर, क्याजुअलदेखि सबै प्रकारका ड्रेस पाउनुका साथै नयाँ बनाउन सकिनेछ ।
विश्व बजारमा चलेका र आकर्षक डिजाइनसमेत उपलब्ध हुने बुटिकमा आफूलाई मनपर्ने डिजाइन उचित मूल्यमा तयार गर्न लगाउन पनि सकिने सञ्चालक मेनकाले बताइन् । बुटिकले आफ्नो डिजाइनमा क्वालिटी र रंगसंयोजनमा समेत विशेष ध्यान दिने बताएको छ ।
तिलु शर्मा पौडेल/मध्यान्ह
दोहा, कतार : नेपाल आइडलबाट चर्चामा आएका सर्जक तथा गायक निशान भट्टराई देश विदेशका स्टेज कार्यक्रममा व्यस्त छन् । उनै गायक भट्टराईले आज कतारमा आफ्नो प्रस्तुति दिँदै छन् । अङ्ग्रेजी नयाँ वर्षको पूर्व सन्ध्यामा कतारको दोहाको साना सिग्नल नजिक रहेको ग्रान्ड रिगल होटेलमा अवस्थित अर्मानि एक्स लन्ज एण्ड बारले आयोजना गरेको 'म्युजिक मनियाँ'मा उनले आफ्नो प्रस्तुति दिने भएका हुन् ।
आफ्नो सांगीतिक प्रस्तुति दिन कतार आइपुगेका भट्टराईले कतारमा रहेका सबै नेपाली दाजुभाइ तथा दिदिबहिनीहरुलाई निमन्त्रणा गरेका छन् । कतारको हमाद एयरपोर्टबाट एक भिडियो जारी गर्दै भट्टराईले अङ्ग्रेजी नयाँ वर्ष रमाइलो गरेर मनाउन आफू कतार आएको बताए । भट्टराईको स्वागतका लागि क्लब सञ्चालकद्वय सन्दीप भट्टराई र रमेश केसी, कार्यक्रमका संयोजक रोशन अर्याललगायत सञ्चारकर्मी तथा अन्य व्यक्तिहरू एयरपोर्ट पुगेका थिए ।
आज बिहीबार साँझ हुने कार्यक्रमको ढोका दिउसो दिउँसो ४ बजेबाट खुल्ने र साँझ ६ बजेबाट सांगीतिक कार्यक्रम सुचारु हुने कार्यक्रम संयोजक अर्यालले मध्यान्ह दैनिकलाई जानकारी दिए ।
तिलु शर्मा पौडेल/मध्यान्ह
दोहा, कतार : गैरआवासीय नेपाली संघ (एनसीसी) कतार र तमु (गुरुङ) समाज कतारको संयुक्त आयोजनामा आयोजित ‘गैरआवासीय नेपाली तारा सिजन ४’को दोस्रो चरणको अडिसन भोलि शुक्रबार हुने भएको छ । राष्ट्रिय आविष्कार केन्द्रको सहयोगार्थ आयोजित कार्यक्रमको मेघा अडिसनमार्फत दोस्रो चरणमा गायन विधाबाट २७ जना र नृत्य विधाबाट १४ जना प्रवेश गरेका छन् ।
शुक्रबार बिहान ठिक ९ बजे देखि कतार च्यारिटिको सभा हल न्यु सलतामा सुरु हुने प्रतियोगितामा गायन विधाबाट उत्तम राई, अक्षय लिम्बू, अनमोल ढकाल, भीम बहादुर कार्की, अशोक गुरुङ, बनिता राई, बुद्ध सिंह लिम्बू, चित्र बहादुर राना, गौतम सामी लिम्बू, हरिस चन्द्र नेपाली, ईशान रेग्मी, जोन बिक, किरण बिक, क्षितिज तामाङ, मानसिङ परियार, असलमान राई, रेश्मी विश्वकर्मा, शरला तामाङ, सुजन गुरुङ, सुरज केसी, रुस्तम तामाङ, प्रविन रामदाम, बद्री देवकोटा, मालती लामा, दीपक कुमार घले, एन्जल कुलुङ, अनमोल श्रेष्ठले प्रतिस्पर्धा गर्दै छन् l नृत्य विधा तर्फ सुजन चहार, जुनुमाया कुमाल, झरना राई, सबिना राई, दिया सिंह, जीवन खालिंग राई, सुनिता शेर्पा, ललिता लामा, अमित राई, रिता श्रेष्ठ, निरु श्रेष्ठ, शर्मिला घर्ती, सरोज लामा र रेखा मगरले प्रतिस्पर्धा गर्दैछन् l
'नेपाली कला संस्कृतिको सम्मान गरौं, प्रवासमा रहेको प्रतिभाको खोजी गरौं' भन्ने नाराका साथ प्रवासमा लुकेर बसेको कलालाई प्रस्फुटन र उजागर गर्ने उद्देश्यले आयोजित प्रतियोगिताको गायन विधाका विजेताले १ लाख ८१ हजार र नृत्य विधाका विजेताले १ लाख ५० हजार रुपैयाँ नगद पुरस्कारसहित ट्रफी प्राप्त गर्नेछन् भने उपविजेताले ७५ हजार रुपैयाँ प्राप्त गर्नेछन् । कार्यक्रमबाट भएको मुनाफाको ६५ प्रतिशत रकम राष्ट्रिय आविष्कार केन्द्रलाई सहयोग गरिने भएको छ l
प्रतियोगिताको तेस्रो चरण १२ जनवरि २०२४ र ग्राण्ड फिनाले २ फेब्रुअरी २०२४ मा सम्पन्न गर्ने कार्यतालिका रहेको छ । तेस्रो र ग्राण्ड फिनालेका लागि स्थान र समयका बारेमा एक हप्ता अगाडि सूचनामार्फत जानकारी गराइने आयोजकले जनाएको छ l यसभन्दा अगाडि सन् २०१०/११ र १५ मा सफलतापूर्वक प्रतियोगिता सम्पन्न भइसकेको छ । मध्यान्ह राष्ट्रिय दैनिक उक्त आइडलको सञ्चार सहयोगीका रूपमा रहेको छ l
तिलु शर्मा पौडेल/मध्यान्ह
दोहा, कतार : नेपाल आइडलबाट चर्चामा आएका सर्जक तथा गायक निशान भट्टराई देश विदेशका स्टेज कार्यक्रममा व्यस्त छन् । उनै गायक भट्टराईले आज कतारमा आफ्नो प्रस्तुति दिँदै छन् । अङ्ग्रेजी नयाँ वर्षको पूर्व सन्ध्यामा कतारको दोहाको साना सिग्नल नजिक रहेको ग्रान्ड रिगल होटेलमा अवस्थित अर्मानि एक्स लन्ज एण्ड बारले आयोजना गरेको 'म्युजिक मनियाँ'मा उनले आफ्नो प्रस्तुति दिने भएका हुन् ।
आफ्नो सांगीतिक प्रस्तुति दिन कतार आइपुगेका भट्टराईले कतारमा रहेका सबै नेपाली दाजुभाइ तथा दिदिबहिनीहरुलाई निमन्त्रणा गरेका छन् । कतारको हमाद एयरपोर्टबाट एक भिडियो जारी गर्दै भट्टराईले अङ्ग्रेजी नयाँ वर्ष रमाइलो गरेर मनाउन आफू कतार आएको बताए । भट्टराईको स्वागतका लागि क्लब सञ्चालकद्वय सन्दीप भट्टराई र रमेश केसी, कार्यक्रमका संयोजक रोशन अर्याललगायत सञ्चारकर्मी तथा अन्य व्यक्तिहरू एयरपोर्ट पुगेका थिए ।
आज बिहीबार साँझ हुने कार्यक्रमको ढोका दिउसो दिउँसो ४ बजेबाट खुल्ने र साँझ ६ बजेबाट सांगीतिक कार्यक्रम सुचारु हुने कार्यक्रम संयोजक अर्यालले मध्यान्ह दैनिकलाई जानकारी दिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies