काठमाडौं : विश्वमा कोरोना संक्रमणका कारण मृत्यु हुनेको संख्या ५३ हजार १ सय नाघेको छ । भाइरसबाट १० लाख १५ हजारभन्दा बढी संक्रमित भइसकेका छन् । विश्वभर २ लाख १२ हजारभन्दा बढी संक्रमित उपचारपछि निको भएर घर फर्किएका छन् ।
अमेरिकामा मात्रै संक्रमितको संख्या २ लाख ४४ हजार नाघेको छ भने ६ हजार ७० जनाको मृत्यु भइसकेको छ । यसैगरी, इटलीमा संक्रमित हुनेको संख्या १ लाख १५ हजार नाघेको छ । त्यहाँ १३ हजार ९ सय १५ जनाको मृत्यु भइसकेको छ ।
संक्रमितको संख्या स्पेनमा १ लाख १२ हजार नाघेको छ । त्यहाँ १० हजार ३४८ जनाको मृत्यु भइसकेको छ । पछिल्लो २४ घण्टामा ९ सय ६१ जनाको मृत्यु भएको छ ।
जर्मनीमा संक्रमितको संख्या ८४ हजार नाघेको छ भने करिब एक हजार १ सय ७ जनाको मृत्यु भएको छ । त्यस्तै फ्रान्समा संक्रमितको संख्या ५९ हजार नाघेको छ भने मृत्यु हुनेको संख्या ५ हजार ३ सय ८७ नाघेको छ ।
इरानमा संक्रमितको संख्या ५० हजार ५ सयभन्दा बढी पुगेको छ भने ३ हजार १ सयभन्दा बढीको मृत्यु भइसकेको छ । बेलायतमा पनि संक्रमण फैलदो क्रममा रहेको छ । त्यहाँ ३३ हजार सात सय भन्दा बढीलाई संक्रमण भएको छ भने २ हजार ९ सय २१ जनाको मृत्यु भइसकेको छ ।
दक्षिण एसियाली राष्ट्रहरुमा समेत संक्रमितको संख्या बढ्दो छ । पाकिस्तानमा संक्रमितको संख्या २ हजार ४ सय नाघेको छ भने ३४ जनाले ज्यान गुमाएका छन् । त्यस्तै भारतमा दुई हजार ५ सय ४३ जना संक्रमित भएका छन् भने ७२ जनाको मृत्यु भएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies