काठमाडौं : बडादशैंको नवौं दिन तथा नवरात्रको अन्तिम दिन आज महानवमी भगवती दुर्गाको नवौं रूप सिद्धिदात्रीको पूजा–आराधना गरि मनाइँदैछ । नौ दिनसम्म गरेको नवरात्र विधि आजकै तिथिमा सम्पन्न गरिन्छ ।
दशैँघर र कोत लगायत विभिन्न शक्तिपीठमा बोका, हाँस, कुखुरा र राँगाको बलिसहित दुर्गा भवानीको विशेष पूजा गरिन्छ । पशुबलि नदिनेले भने आज आ–आफ्नो कुल परम्पराअनुसार कुभिण्डो, घिरौँला, मूला, काँक्रो र नरिवलसमेत बलि दिने चलन छ ।
यस अवसरमा हनुमानढोका दरबारका साथै नेपाली सेनाका ब्यारेक र गुल्महरुमा बाजागाजासहित जङ्गी निशाना पूजा र कोतपूजा गर्ने प्रचलन छ । आजका दिन हनुमानढोकामा राज्यका तर्फबाट ५४ बोका र ५४ राँगाको बलि दिने चलन छ ।
यस वर्ष भने कोरोना संक्रमणको जोखिमलाई मध्यनजर गरी हनुमानढोकामा बलि नदिने बताइएको छ । हनुमानढोका दरबारमा रहेको वर्षमा एक दिन मात्र खुल्ने तलेजु भवानीको मन्दिर पनि आजकै दिन खुल्ने गर्दछ । महानवमीका अवसरमा आज नेवारी समुदायले भने भीमसेनलाई बलिसहित पूजा गर्ने गर्छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies