उत्कृष्ट शब्द, संगीतको मात्र भिडियो निर्माण, निर्देशन गर्दै आइरहेकी बबिता श्रेष्ठले निर्देशन गरेको पछिल्लो म्युजिक भिडियो अहिले सर्वत्र रुचाइएको छ । यहाँ दैनिक दर्जनौं नयाँ म्युजिक भिडियो बन्ने गर्छन् । लकडाउनको समय केही सुस्ताए झैं भएपनि अहिले एकपछि अर्को भिडियो सार्वजनिक गर्दै आइरहेकी निर्देशक हुन्, बबिता श्रेष्ठ । पछिल्लो समय सबैभन्दा बढी भिडियो निर्देशन गर्ने महिलामध्येमा पर्छिन् उनी । विगत एक दशकदेखि म्युजिक भिडियो निर्देशनलाई निरन्तरता दिँदै आइरहेकी बबिताले हालसम्म हजारौं भिडियो निर्देशन गरिसकेकी छन् । ललितपुर पुल्चोककी बबिता भबिष्यमा पनि म्युजिक भिडियो निर्देशनलाई नै निरन्तरता दिने बताउँछिन् ।
बबिता टिपिकल नेवारी परिवेशमा हुर्के, बढेकी र त्यही संस्कारमा रमाउँदै गरेकी भएकीले लोक दोहरी भन्दा पनि पप, अंग्रेजी र हिन्दी गीत बढी सुन्थिन्, दोहरी भन्ने नै थाहा थिएन । समयले उनलाई लोक दोहरी प्रति आकर्षित गरायो र निर्देशकसम्म बन्न पुगिन् । उनले सिन्दुर पोते, प्रदेशी चेली, नसिबैमा नलेखिएको कुरा, झुठो पिरती, बिधुवा, खोज्दै खोज्दै आउछु, पागल हुन्छु, नलाउ झुठो पिरती भाग २, लगायत अन्य सयौंै चर्चित लोक गीतका म्युजिक भिडियोहरु निर्देशन गरिसकेकी छन् । उनले निकट भविष्यमै ठूलो पर्दाको चलचित्र निर्देशन गर्ने सोच बनाएकी छन् । बबिता श्रेष्ठ निर्देशित हालै सार्वजनिक भएको ‘तिमि हिड्ने बाटो’ बोलको गीत हो । जसमा शब्द राजेन्द्र पुरीको छ भने लोक दोहरीकी चर्चित गायिका बिष्णु माझी, जया देवकोटाको स्वर रहेको छ ।
गीत, संगीतको माध्येमबाट पु¥याएको योगदानको कदरस्वरुप उनी संगीतकर्मी संघ म्युजिक अवार्ड, बोष्टर म्युजिक अवार्ड, नाट्यस्वरी म्युजिक अवार्ड, नेशनल पावर न्युज म्युजिक अवार्ड, बक्स अफिस म्युजिक भिडियो अवार्ड, सुन्दरादेवी म्युजिक अवार्ड, डकुमेन्ट्री फिल्म फेस्टिभल सम्मान, शिखर नेपाल सम्मान, पावर इन्टरनेश्नल मिडिया कला सम्मान, लिटल मिस एण्ड मिस्टर नेपाल आइकन २०१९ को जज लगायतका सम्मानबाट सम्मानित भइसकेकी छन् । अहिलेका ब्यस्त भिडियो निर्देशक बबिता श्रेष्ठले मध्यान्ह दैनिकको लागि सानु श्रेष्ठसँग गरेको संक्षिप्त कुराकानीः
केमा व्यस्त हुनुहन्छ ?
कोरना कहरका कारण केही समय बसेर नै बिताइयो । त्यही बीचमा अत्याधुनिक स्टुडियो खोलियो अहिले म्युजिक भिडियो निर्देशनमै व्यस्त छु ।
यस क्षेत्रमा आउँदाको अनुभव कस्तो छ ?
सजिलो, असजिलो मिश्रित अनुभव छ । महिला भएकै कारण काम गराउन अप्ठेरो मान्ने, प्राबिधिक र कलाकारले नपत्याउने आफुलाई भनेजस्तो सहयोग नगर्नेजस्ता थुप्रै समस्याको सामना गर्नुप¥यो । मेरो निर्देशनमा एउटा भिडियो बनेको थियो त्यतिबेला, त्यो भिडियोलाई सबैतिरबाट रुचाइयो । यस्तै अरु भिडियो बनाएर अघि बढ्ने सोचसँगै बिस्तारै काम गर्दै आज यो स्थानमा पुग्न सफल भएकी छु । अथक प्रयासले यो प्रतिष्ठा बनाएकी हुँ । हिजो मसँग काम गर्न हिचकिचाउनेहरु आज मसँग काम गर्न आतुर छन् । बिगत बिर्सेर वर्तमानमा कसरी समय सुहाउदो दर्शक रुचीको गीत, संगीत पस्कने भन्ने प्रति बढि चिन्तिछु ।
यस क्षेत्रमा प्रवेश गर्नुभएको कति भयो ?
सुरु त अलि पहिले नै गरेकी हुँ । यसैमा पुर्णरुपले लागेकी चाँही दशक भयो ।
तपाईंद्वारा निर्देशित प्रायः सबै भिडियो चर्चामा रह्योे । आफैलाई मन परेको चाहीँ कुन हो ?
हजार भन्दा बढी भिडियो बनाई सकेको छु । आफुले जन्माएका सृर्जनाहरु सबै सुन्दर लाग्नु स्वभाबिक भएपनि अहिलेसम्म थुप्रै चर्चित भिडियोहरु मध्ये गत साता सार्वजनिक भएको ‘तिमि हिड्ने बाटो..’ बोलको गीत मन पर्छ । जसमा शब्द राजेन्द्र पुरीको छ भने लोक दोहरीकी चर्चित गायिका बिष्णु माझी, जया देवकोटाको स्वर रहेको छ । मर्मश्पर्धी शब्द, सुहाउदो भिडियो ।
लोक, आधुनिक, पप कुनको भिडियो बढी बनाउन मनपर्छ ?
सबैलाई थाहा नै छ केही समय अघि मैले नेपालको महिला रेस्लर भगवती खड्कालाई लिएर एक्शन भिडियो बनाएकी थिए । जुन भिडियोले चर्चा पाएको थियो । आधुनिक गीतको पनि भिडियो बनाएकी छु । पछिल्लो समय दोहोरी गीत,संगीत प्रति सकृय भएकीले बबिताले दोहरी गीतकोमात्र भिडियो बनाउछे भन्ने परेको छ, शुभ चिन्तकहरुमा ।
कसले दियो त पहिलो भिडियो बनाउन ?
म मिडियामा काम गर्ने र रेडियोमा कार्यक्रम चलाउने भएकोले कलाकर्मीहरुसँग नजिक थिए । यसै मेसोमा एक जना गायकले म्युजिक भिडियो बनाउने बिचार गर्नु भएको रहेछ । कुरै कुरामा उहाँले मलाई के देखेर भिडियो निर्देशन गर्न दिनुभयो थाहा भएन । तर, कामको प्रतिफल भने राम्रै आयोे । सबैले राम्रो छ, यत्तिको क्षमता भएको मान्छेले भने जस्तो म्युजिक भिडियो निर्देशन गर्न सक्छ भनेर उहाँहरुको हौसलाले आत्मवल बढ्यो । उहाँहरुको आशिर्वादले आज आफ्नो पहिचानको उचाई बढेको महशुस गरेकी छु ।
दिनमा कति वटासम्म भिडियो गर्नु हुन्छ ?
सकेसम्म दिनमा एउटा भिडियो गर्दा राम्रो । कहिले काही परिस्थिति कस्ता बनिदिन्छ भने एकपछि अर्को गर्नु पर्ने हुन्छ । मैले दिनमै दुई/तीन वटासम्म म्युजिक भिडियो निर्देशन गरेकी छु । संख्यात्मक भन्दा पनि गुणात्मक काम राम्रो हुन्छ ।
भिडियो निर्देशनमा त तपाईंमात्र सकृय महिला निर्देशक हुनुहुन्छ नि ?
निर्देशन भनेको क्रियटिभ काम हो । त्यसैले महिलाले गर्न सक्दैन कि भन्ने भ्रम अरुमा हुन सक्छ । महिलालाई सुरुमा पत्याउँदैनन् । आफ्नो काम गर्ने तौरतरिका र खुबी देखाउदै उहाँहरुको मन जित्दै अघि बढ्ने हो कसले के भन्छ भन्ने कुराको वास्ता नगरी आफ्नो कर्ममा लाग्नु पर्छ । कर्ममा विश्वास गर्ने मानिस असफल हुँदैनन् । जहाँसम्म महिला निर्देशकको कुरा छ म एक्लो देखिएको जस्तोमात्र हो ।
लोक, दोहोरी क्षेत्रमा छाडापन बढिभो भन्छन् नि ?
म्युजिक भिडियोभन्दा पनि स्टेज कार्यक्रममा कलाकारहरुले प्रस्तुत गर्ने शब्द र अश्लिल हाउभाउका कारण छाडापन देखिएको हो । यस हिसाबले भन्नु पर्दा लोकदोहरी गीत, संगीतमा छाडापन देखिन्छ । त्यसो हुनुहुदैन । लोक कलासंस्कृति भनेको हाम्रो पहिचान हो, यसलाई सम्बद्र्धन र संरक्षण गर्नु सबैको दायित्व हुन्छ । हामीले बनाउने भिडियो गीतको मर्म अनुसारको हुन्छ, त्यसमा कुनै छाडापन हुन्न ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies