एकपछि अर्कोगरी असंवैधानिक कदम चालिरहेका काम चलाउ सरकारका प्रधानमन्त्री केपी शर्मा ओलीको आपत्तिजनक अभिव्यक्ति रोकिएको छैन । आइतबार पनि ओलीले संसद् विघटनको विपक्षमा उत्रिएको जनमासलाई देशद्रोही भएको आरोप लगाए । संविधानमै नभएको धारा प्रयोग गरेर संसद् विघटन गरेका अोली आफू बाहेक सवैलाई मूर्ख ठान्ने गरेका छन् । आफ्नो आलोचना गर्ने पत्रकारलाई नर्कमा जाने आरोप लगाएका ओलीले संर्वोच्च अदालतलाई पनि प्रभाव पार्ने गरिरहेका छन् । संसद् विघटनको विपक्षमा सर्वोच्चमा बहस गरेका ९४ वर्षीय बरिष्ठ अधिबक्ताले त ओलीले तमासा गर्न गएको अभिव्यक्ति दिएका थिए । ओलीको निशानामा सहयोद्धा पुष्पकमल दाहाल प्रचण्ड र माधवकुमार नेपाल त परेकै छन् । अन्य संवैधानिक अंग, नागरिक अगुवा, पत्रकार, कानून व्यावसायी कोही पनि छुटेका छैनन् ।
अर्थात्, ओली सीमा भन्दा धेरै अगाडि बढेका छन् । जबकी, यसबेला उनले पाँच वर्षे स्थिर सरकारको अनुभूति जनतालाई दिलाउनेतिर लाग्नुपर्ने थियो । कोभिड महामारीबाट संकटमा फसेको देश र जनतालाई सामान्यकालतिर फर्काउने भगिरथ प्रयत्नमा लाग्नुपर्ने थियो । तर, ओलीले त्यसो गरेनन् । असंवैधानिक कदम चालेर संसद् विघटन गरिदिए । अहिले मध्यावधि निर्वाचनको बाटो रोजे, आफ्नै पार्टी नेकपा विभाजन गरे । कोभिड महामारी रोकथाम गर्न १२० दिन लामो देशब्यापी लकडाउन र त्यसपछिको निषेधाज्ञाले नराम्रोसँग बिग्रिएको अर्थतन्त्रमा ओली अहिले ३० अर्व बढी खर्च गरेर मध्यावधि निर्वाचन भनिरहेका छन् । सर्वोच्च अदालतमा संसद् विघटनको मुद्दा विचाराधीन रहेका बेला ओली भने यसलाई प्रभावित गर्नेगरी मध्यावधि निर्वाचनको प्रक्रिया नरोक्न निर्देशात्मक अभिव्यक्ति दिइरहेका छन् ।
अभिव्यक्ति र निर्णय मार्फत् ओली तानाशाहकै यात्रामा सवार देखिन्छन् । उनको हरेक कदमको कसैले विरोध जनाए मात्रै पनि ओली भित्तामै पुग्नेगरी कुनै सीमा नराखी आरोप लगाउँदै आएका छन् । यसले युवा पंक्तिमा राजनीतिलाई हेर्ने दृष्टिकोण नै नकारात्मक बन्न प्रेरित गरिएको छ । अहिले सनककै भरमा जस्ता अभिव्यक्ति र निर्णय गर्दैछन्, यसले स्वयम् ओलीलाई इतिहासले एक खराब पात्र र प्रवृत्ति भएको नेताका रुपमा मात्रै चिन्ने छैनन्, मुलुकलाई गलत दिशातिर उन्मुख समेत गराउँदैछन् । सीमाहीन अभिव्यक्ति र निर्णय मार्फत् ओली मुलुकलाई फेरिपनि प्रतिगमणतिरै धकेल्ने प्रयासमा देखिन्छन् । यो प्रयास नरोकिए मुलुक फेरि पनि दुर्घटनामा जाने भय छदैछ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies