काठमाडौं : प्रदेश २ को नाम मधेश प्रदेश र स्थायी राजधानी जनकपुरधाम कायम भएको छ । प्रदेश सभा सचिवालयमा सोमबार भएको मतदानबाट मधेस नाम र जनकपुरधाम राजधानी दुई तिहाइले स्वीकृत भएको हो । झण्डै चार वर्षपछि प्रदेश २ को नामाकरण र स्थायी राजधानी टुंगो लगेको हो ।
प्रदेशको नामाकरणसम्बन्धी प्रस्तावमा सोमबार भएको मतदानमा ९९ मत खसेको थियो । जसको पक्षमा ८० मत खसेको थियो । यो प्रदेशभसा बैठकको दुई तिहाई बहुमतभन्दा बढी हो । मधेस नामकरणको विपक्षमा १९ जना सांसद उभिए ।
जनकपुरलाई राजधानी बनाउने प्रस्तावमा उपस्थित ९९ प्रदेश सभा सदस्यमध्ये ७८ जनाले मत हालेका थिए । सो मत प्रदेश सभामा कायम सदस्यको दुई तिहाइ हो । प्रदेशसभा भएका १ सय ४ कुल सदस्यमध्ये ९९ जना मात्र मतदानमा सहभागी भएका हुन् ।
प्रदेशसभाले दुबै प्रस्ताव दुईतिहाइले पारित गरेपछि अन्य प्रस्तावहरु स्वत: निष्कृय भएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies