–लक्ष्मण पोखरल
इमान र जमानहरु हराएका
जमातहरुले भरिएको
देश हो यो देश
यो देशमा इमानमा बाँच्नेहरु
लुकेर हिडछन्
कसैले नदेख्नेगरी
भागेर हिड्छन्
इमान जमान
बेचेर खोक्नेहरुकै
खोकी ठूलो छ
भुक्नेहरुकै भूँडी ठूलो छ
यो देशमा
इमान जमान
बेच्नका लागि
कुनै रात कुर्नु पर्दैन्
खुलेआम बजारमा
किन्न र बेच्न पाईन्छ
इमान र जमानहरु
लुट्नका लागि
यो देशमा
आफ्नो अर्को तेरो मेरो
केहि भन्नु पर्दैन
जसले सक्छ उसैले लुट्छ
लुट्नका सक्नेहरुका लागि
हो यो देश
खोक्न सक्नेहरुका लागि
हो यो देश
इमान र जमानहरु
रात्रिक्लबका वेश्यालयहरुमा
लिलाम गर्नेहरुले नै
स्वाभिमान र स्वधर्महरु
सेलमा व्यापार गरेको
देख्न पाइने देश हो
यो देश
देश बेच्नका लागि
देशै छोडेर हिड्नु पर्ने
देश होइन यो देश
यो लुट्न सक्नेहरुकै
खोक्न सक्नेहरुकै
देश हो यो देश
लाज डर इमान र जमान
गोजीमा हाल्नेहरुकै
देश हो यो देश
हाजमुला चमाउन सक्नेहरुकै
देश हो यो देश
तीनै हाजमुलाका गोटीहरुले
ठेक्कामा दौडाईरहेको
देश हो यो देश
यो देश लुट्न सक्नेहरुकै लागि
भुक्न सक्नेहरुकै लागि
हो यो देश
त्यसैले साथीहरु हो
सक्छौ भने यो देशमा
लुट्नका लागि बस्
सक्दैनौ भने
कतार र साउदीतिर कुद
कोही सत्तामा बसेर लुट्छन
कोही सत्ता बाहिर बसेर लुट्छन्
चियादेखि सिया पसलसम्म
नुनदेखि सुन पसलसम्म
स्कुलदेखि कलेजसम्म
डाक्टरदेखि अस्पतालसम्म
घरदेखि टोलसम्म
गा“उदेखि शहरसम्म
लुट्नहरुको कमि छैन
यो देशमा
सासुले बुहारी लुट्ने
बुहारीले सासु चुट्ने
जसले सक्छ त्यसैले लुट्छ
लुट्न सक्नेहरुका लागि
हो यो देश
यो देशमा
पानीपुरी र चट्पटेका नाममा
लुट्न छुट भएको
देश हो यो देश
त्यसैले साथीहरु
सक्छौ भने
यो देशमा
लुट्नका लागि बस
सक्दैनौ भने
कतार र साउदीतिर कुद
यो देशमा शासन र शासकहरु
प्रत्येक साल
(००७ साल ०१५ साल ०४६ साल र ०६२,०६३ साल)
क्रान्तिको नाममा
शान्तिको नाममा
भ्रान्तिको नाममा
देशका छोटे राजाहरु
महाराजा भएर उदाए
देशलाई लुट्ने नाममा
टु“डिखेल र सिंहदरवारका
आलिसान महलहरुबाट
देश लुट्ने
जनता चुटने
कसम खाएका खाएका छन्
महाराजहरुका
दिव्यावाणिहरुमा
तालि पिट्न सक्नेहरु
यही देशमा
देश लुट्न बसेका छन्
तालि पिट्न नसक्नेहरु
कतार र साउदीतिर
कुदेका छन्
देशले देश लुट्न
देश बेच्नेहरु पालेको छ
फालेको छैन्
बरु
देश लुट्न लुटेराहरुलाई
खेद्नेहरु फालेको छ
तीनैकै पछि कुद्नेहरु पालेको छ
देश
लुट्नेहरुले घेरीएको छ
तीनकै फरियाले बेरिएको छ
त्यसैले साथीहरु हो
सक्छौ भने यो देशमा
लुट्नकालागि बस
सक्दैनौ भने
कतार र साउदीतिर कुद ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies