चितवन : उद्योग, वाणिज्य तथा आपूर्तिमन्त्री दामोदर भण्डारीले विभिन्न कारणले बन्द हुन पुगेका र रुग्ण अवस्थाका उद्योग सञ्चालनका लागि सरकारले चाँडै नयाँ नीति ल्याउने बताएका छन् ।
उद्योग वाणिज्य संघ र कम्प्युटर एशोसिएशन नेपाल महासंघ, चितवनले भरतपुर महानगरपालिका–१० मा आयोजना गरेको पाँच दिने औद्योगिक प्रदर्शनी तथा सूचना प्रविधि मेलाको उद्घाटन कार्यक्रममा उनले विभिन्न समयमा बन्द भएका र रुग्ण उद्योग सञ्चालन कसरी गर्न सकिन्छ भने मिहीन ढंगले छलफल गरी नीति ल्याइने बताए ।
मन्त्री भण्डारीले आगामी आर्थिक वर्षको नीति तथा कार्यक्रम र बजेटबाट प्रत्येक प्रदेशमा कम्तीमा पनि एउटा औद्योगिक क्षेत्र विस्तारको कार्यक्रम ल्याइने जानकारी गराए । उनले भने, “उद्योगी व्यवसायीले निराश हुनुपर्ने स्थिती आउन नदिन सरकार लागिपरेको छ, हामी अहिले देखिएको निराशालाई आशामा बदल्छौँ ।”
अहिले सरकार मुख्यतः लगानी सम्मेलनमा केन्द्रित रहेको उल्लेख गर्दै भण्डारीले उद्योगी व्यवसायीले महसुस गर्ने गरी आगामी नीति तथा कार्यक्रम र बजेट ल्याइने बताए । उनले भने, “मन्त्रालयले स्वदेशी वस्तु उपभोगसम्बन्धी नीति र ‘स्टार्टअप’ कार्यक्रम चाँडै ल्याउँदैछ, आन्तरिक उत्पादन बढाउन उद्योग नीति पनि समयसापेक्ष परिवर्तन गर्नुपर्ने छ ।”
तीन तहका सरकारबीच नीतिगत समस्याले पनि आर्थिक गतिविधि बढ्न नसकेको उल्लेख गर्दै उनले सरकार सबै यस्ता समस्या अन्त्य गरेर अगाडि बढ्ने बताए । मन्त्री भण्डारीले विगतका दुई लगानी सम्मेलनको अनुभवलाई आत्मसात गर्दै सरकार अहिलेको सम्मेलनलाई अझ सफल बनाउन लागिपरेको जानकारी गराए ।
काठमाडौं : स्थानीय बजारमा सुनको मूल्य आज पनि उकालो लागेको छ । नेपाल सुनचाँदी व्यवसायी महासंघका अनुसार, छापावाला सुन प्रतितोला सात सय रुपैयाँले उकालो लागेको छ ।
बिहीबार प्रतितोला एक लाख ३८ हजार ६ सय रुपैयाँमा कारोबार भएकामा आजका लागि भने एक लाख ३९ हजार ३ सय रुपैयाँ मूल्य निर्धारण भएको छ । यस्तै तेजाबी सुन बिहीबार तोलामा एक लाख ३७ हजार ९ सय ५० रुपैयाँमा कारोबार भएकोमा आजका लागि भने एक लाख ३८ हजार ६ सय ५० रुपैयाँ निर्धारण भएको छ ।
त्यस्तै चाँदीको मूल्य भने सामान्य गिरावट भएको छ । बिहीबार प्रतितोला एक हजार सात सय २५ रुपैयाँमा कारोबार भएकामा आजका लागि भने एक हजार ७ सय २० रुपैयाँ निर्धारण भएको छ ।
काठमाडौं : स्वास्थ्य उपचार सामग्रीमध्ये महत्वपूर्ण र अनिवार्य मानिने सिरिन्ज नेपालमै पहिलो पटक उत्पादन शुरु भएको छ । ललितपुरको चुनिखेलमा ६ वर्ष अगाडि स्थापित फरच्युना हेल्थ केयर प्रा.लि.ले फरच्युना सिरिन्ज उत्पादन शुरु गरेको हो ।
सो प्रा.लि.ले आफ्नो उत्पादन फरच्युना सिरिन्ज विश्व गुणस्तरीय भएको दाबी गरेको छ । नेपाललाई सिरिन्ज उत्पादनमा आत्मनिर्भर बनाउने उद्देश्य कम्पनीले राखेको छ । मुलुकको औद्योगिक विकास, आयात प्रतिस्थापन तथा गुणस्तरीय उत्पादनको प्रतिबद्धतासहित फरच्युना हेल्थकेयरले स्वदेशी अस्पताल, क्लिनिक तथा निजी प्रयोजनका लागि आवश्यक सिरिन्जहरुको उत्पादन थालेको छ ।
फरच्युना सिरिन्ज एक एमएलदेखि ५० एमएलसम्म र इन्सुलिन सिरिन्ज समेत उत्पादन हुनेछ । कम्पनीले चाँडै नै आईभी क्यानुला, हाइ क्वालिटी ग्लभ्स, ब्लड कलेक्सन ट्युव, आईभी क्यानुला फिक्सटर, एब्जर्बेन्ट कटन उल आईपी, गज, आईभी सेट, यूरीन ब्याग, क्रेप एन्ड रोल ब्यान्डेजलगायतका उत्पादन बजारमा ल्याउने तयारी गरिरहेको छ ।
‘स्वस्थ जीवन समृद्ध नेपाल’ भन्ने लक्षका साथ करिब ८० करोडको लगानीमा सञ्चालित फरच्युना हेल्थकेयर प्रा.लि.को उद्योगमा सय जनाभन्दा बढीलाई रोजगारी दिइएको छ । नेपालमा १५ भन्दा बढी मुलुकबाट सिरिन्ज आउने गरेको भएपनि विदेशी कम्पनीलाई विस्थापित गर्ने उद्देश्यको साथ कम्पनीले उत्पादन थालेको हो । कम्पनीले आफ्ना उत्पादन विश्व स्वास्थ्य संगठनले औषधि उद्योगका लागि तोकेको मापदण्ड जीएमपीमा आधारित रही आईएसओ मापदण्डको स्ट्यान्डर्ड पूरा गरिसकेको र नेपाल गुणस्तर चिह्नसमेत प्राप्त गरेको कम्पनीले जनाएको छ ।
उद्योगबाट दैनिक ३ देखि ५ लाख सिरिन्ज उत्पादन गर्ने लक्ष्य राखिएको छ । उद्योगको अध्यक्षमा भवानी राणा, प्रबन्ध सञ्चालकमा ईश्वर जिसी र सञ्चालकमा भरत आचार्य र बाबुकाजी कार्की रहेका छन् । फरच्युना सिरिन्जको उपप्रधान एवम् स्वास्थ्य तथा जनसंख्यामन्त्री उपेन्द्र यादवले बिहीबार एक विशेष समारोहबीच उद्घाटन गरे ।
यस्तै कार्यक्रम उद्योग मन्त्रालयका सचिव कृष्णबहादुर राउत, नेपाल उद्योग वाणिज्य महासंघका अध्यक्ष चन्द्र ढकाल, औषधि व्यवस्था विभागका महानिर्देशक नारायणप्रसाद ढकाललगायतले नेपालमै सिरिन्ज उत्पादन भएकोमा खुसी व्यक्त गर्दै सफलताको शुभकामना व्यक्त गरेका थिए ।
सो अवसरमा स्वागत मन्तव्य राख्दै फरच्युना हेल्थकेयर प्रा.लि.की अध्यक्ष एवम् नेपाल उद्योग वाणिज्य महासंघकी पूर्वअध्यक्ष भवानी राणाले औद्योगिक क्षेत्रमा उत्पन्न निराशाहरुका बीच नयाँ वर्षको आगमनसँगै आफूहरुले स्वास्थ्य सामग्रीमध्ये महत्वपूर्ण सिरिन्ज नेपालमै उत्पादन गरेर बजारमा ल्याएको बताइन् ।
यस्तै सो प्रा.लि.का प्रबन्ध सञ्चालक डा. ईश्वर जिसीले धन्यवाद ज्ञापन गर्दै उद्योगलाई अगाडि बढाउन र अन्तर्राष्ट्रिय बजारमा प्रतिस्पर्धी बनाउन सरकार र निजी क्षेत्रको पूर्ण सहयोगको आवश्यकता रहेको बताए ।
पूर्वमिस नेपाल सुगारिका केसीले सञ्चालन गरेको कार्यक्रममा उद्योग मन्त्रालय र स्वास्थ्य मन्त्रालयका उच्च अधिकारीहरु, वरिष्ठ डाक्टर, मेडिकल व्यवसायीहरु, उद्योगका शेयर धनी तथा कर्मचारीहरुका साथै लव्ध प्रतिष्ठित व्यक्तित्वहरुको उपस्थिति रहेको थियो ।
मनीषा अवस्थी/मध्यान्ह
काठमाडौं : बुहचर्चित आयोजना बुढीगण्डकी निर्माणका लागि १ खर्ब बढी रकम संकलन भए पनि आयोजना भने अन्योलमै छ । सरकारले आयोजनाका लागि पेट्रोलियम उपभोक्ताबाट १ खर्ब बढी रकम संकलन गरिसकेको छ । १२ सय मेगावाटको बूढीगण्डकी जलाशय जलविद्युत आयोजनाको पूर्वाधार निर्माणका लागि चालू आर्थिक वर्ष ९ महिनासम्ममा १ खर्ब २० अर्ब रूपैयाँ संकलन भइसकेको छ । आर्थिक वर्ष २०७२÷०७३ सालदेखि पूर्वाधार कर नाम दिएर बुढीगण्डकीको नाममा रकम संकलन गर्न थालेको हो ।
तत्कालीन अर्थमन्त्री विष्णुप्रसाद पौडेलले आर्थिक वर्ष २०७३/७४ को बजेट वक्तव्यमार्फत् डिजेल र पेट्रोल आयात गर्दा भन्सार बिन्दुमा नै बुढीगण्डकीका लागि कर संकलन गर्ने घोषणा गरेका थिए । त्यतिबेला उक्त कर बापत प्रतिलिटर ५ रूपैयाँ तिर्नुपर्ने थियो ।
अर्को आर्थिक वर्ष २०७४/०७५ को वार्षिक बजेटमा केपी ओली नेतृत्वको तत्कालीन सरकारका अर्थमन्त्री युवराज खतिवडाले पनि पूर्वाधारमा लाग्दै आएको करलाई बढाएर प्रतिलिटर १० रुपैयाँ कायम गरे ।
प्रतिलिटर इन्धनको मूल्यमा १० रूपैयाँ बुढीगण्डकीका नामा तिर्दै आएका उपभोक्ताले २०८० कात्तिकदेखि पुनः ५ रूपैयाँमा झरिएको छ । यसरी पछिल्ल ७ वर्षदेखि जनताले निरन्तर कर संकलन गरिरहेको पनि आयोजना अझै अलपत्र छ ।
अस्थीर राजनीतिको चंगुलमा
बुढीगण्डकी आयोजना निर्माण सुरुवातको प्रयास ११ वर्ष पुगिसकेको छ । आर्थिक वर्ष २०६९/७० मा ९४ महिनामा सम्पन्न गर्ने गरी आयोजना अघि सारिएको हो ।
२०७४ जेठ मा आयोजना निर्माणको जिम्मा चाइना गेजुवा वाटर एण्ड पावर कम्पनीलाई दिने निर्णय तत्कालीन पुष्पकमल दाहाल नेतृत्वको सरकारले गरेको थियो । त्यसपछि करिब ९ महिनामै २०७४ कात्तिक तत्कालीन शेरबहादुर देउवा नेतृत्वको सरकारले स्वदेशी लगानीमै बनाउने भन्दै आयोजना गेजुवाबाट खोस्यो । पुनः २०७५ असोजमा तत्कालीन केपी ओली नेतृत्वको सरकारले पुनः गेजुवालाई दिने गरी छलफल गर्यो ।
त्यसपछि २०७८ चैतमा स्वदेशी लगानीमै निर्माण गर्ने निर्णय नै सरकारले गर्यो । आयोजना कम्पनी मोडलमा बन्ने भन्दै बुढीगण्डकी जलविद्युत पब्लिक कम्पनी लिमिडेटको नामबाट २०७९ भदौमा दर्ता भएको थियो ।
वर्षौं मुआब्जाको अलमलमा
आयोजनाको कुल अनुमानित लागत २५ सय ९३ मिलियन अमेरिकी डलर अर्थात् करीब साढे ३ खर्ब थियो । आयोजनाको मुआब्जाका नाममा मात्रै हालसम्म करिब ४३ अर्ब रूपैयाँ खर्च भइसकेको तथ्यांकले देखाउँछ । आर्थिक वर्ष २०७९/८० सम्म गोरखा र धादिङका ४९ हजार ९५ रोपनी जग्गाको मुआब्जा वितरण गरिएको थियो । मुआब्जाका लागि मात्रै एक दशक लामो समय बितेको छ ।
गोरखा र धादिङको सिमानामा रहेको बुढीगण्डकी र त्रिशूली नदीको दोभानभन्दा १.५ किलोमिटर माथि बनाइने यो जलाशययुक्त जलविद्युत आयोजनालाई सरकारले राष्ट्रिय गौरवको आयोजना मानेको छ ।
आयोजनाको पूर्व सम्भाव्यता अध्ययन २०४१ सालमै भएको थियो । त्यसपछि २०६९ मंसिरमा तत्कालिन प्रधानमन्त्री डा. बाबुराम भट्टराई नेतृत्वको सरकारले काम अघि बढाउने प्रयास रेका थिए । त, आर्थिक वर्ष २०७०/७१ मा मात्रै आयोजनाको विस्तृत डिजाइन र वातावरणीय अध्ययनको लागि भनेर बजेट विनियोजन गरिएको थियो ।
कृष्णानन्द भट्ट/मध्यान्ह
काठमाडौं : सरकारले वैशाख १६ र १७ गते आयोजना गर्न लागेको तेस्रो लगानी सम्मेलनमा ३६ देशका ४ सय ६५ जनाको सहभागिता हुने भएका छन् । बोर्डका प्रवक्ता प्रद्युम्न उपाध्यायका अनुसार नेपालले सम्मेलनमा सहभागी हुनेको लागि १३ सय ५५ जनालाई औपचारिक पत्र पठाएको छ । त्यसमध्ये ४ सय ६५ जना आउने निश्चित भएको हो ।
सहभागिताका लागि कुटनीतिज्ञ, संस्थाका प्रतिनिधि र लगानीकर्ताले सहभागिताको लागि कन्फर्मेसन पठाएका छन् । लगानी बोर्डकाअनुसार अहिलेसम्म लगानी सम्मेलनमा सबैभन्दा धेरै चीनबाट ६४ जनालाई कन्फर्मेसन पठाएको छ । यसैगरी भारतबाट ५७, जर्मनीबाट १२, बेलायतबाट ११, अमेरिका र बंगलादेश १०-१० जना, युएई र जापानबाट ८-८ जना, दक्षिण कोरियाबाट ७ जना, पाकिस्तान र अस्ट्रेलियाबाट ६–६ जनाले सहभागिता हुने र सोको लागि कन्फर्मेसन पठाएको छ ।
सिंगापुर, मलेसिया, रसिया, फिनल्यान्ड, कोलम्बिया, क्यानडा, कतार, बेल्जियम, बहराइन, अस्ट्रिया, भियतनाम, थाइल्यान्ड, स्विट्जरल्यान्ड, साउदी अरेबिया, श्रीलंका लगायतका मुलुकबाट पनि लगानी सम्मेलनमा सहभागिताको लागि कन्फर्मेसन आएको लगानी बोर्डले जनाएको छ । बोर्डका अनुसार सम्मेलनमा अहिलेसम्मको कन्फर्मेसन अनुसार सबैभन्दा धेरै नेपाली लगानीकर्ता सहभागी हुनेछन् भने इयू र विश्वका विभिन्न अन्तर्राष्ट्रिय कम्पनी तथा संस्थाका ६० भन्दा धेरै प्रतिनिधिको पनि सहभागीताको लागि कन्फर्मेसन पठाएका छन् ।
लगानी सम्मेलन शुरु हुन अझै १० दिन बाँकी रहेकोले कन्फर्मेसनको संख्या बढ्दै जाने लगानी बोर्डका प्रवक्ता उपाध्यायले बताए । बोर्डको तथ्यांक अनुसार यस अघि सन् २०१७ मा भएको पहिलो लगानी सम्मेलनमा २१ देशका २ सय ५७ जना विदेशी र पाँच सय जना नेपाली लगानी कर्ताको सहभागिता भएको थियो । यसैगरी सन् २०१९ मा भएको दोस्रो लगानी सम्मेलनमा ४० देशका ७ सय ३५ जना विदेशी र ६ सय जना नेपाली लगानी कर्ताको सहभागिता रहेको थियो ।
काठमाडौं : स्वास्थ्य उपचार सामग्रीमध्ये महत्वपूर्ण र अनिवार्य मानिने सिरिन्ज नेपालमै पहिलो पटक उत्पादन शुरु भएको छ । ललितपुरको चुनिखेलमा ६ वर्ष अगाडि स्थापित फरच्युना हेल्थ केयर प्रा.लि.ले फरच्युना सिरिन्ज उत्पादन शुरु गरेको हो ।
सो प्रा.लि.ले आफ्नो उत्पादन फरच्युना सिरिन्ज विश्व गुणस्तरीय भएको दाबी गरेको छ । नेपाललाई सिरिन्ज उत्पादनमा आत्मनिर्भर बनाउने उद्देश्य कम्पनीले राखेको छ । मुलुकको औद्योगिक विकास, आयात प्रतिस्थापन तथा गुणस्तरीय उत्पादनको प्रतिबद्धतासहित फरच्युना हेल्थकेयरले स्वदेशी अस्पताल, क्लिनिक तथा निजी प्रयोजनका लागि आवश्यक सिरिन्जहरुको उत्पादन थालेको छ ।
फरच्युना सिरिन्ज एक एमएलदेखि ५० एमएलसम्म र इन्सुलिन सिरिन्ज समेत उत्पादन हुनेछ । कम्पनीले चाँडै नै आईभी क्यानुला, हाइ क्वालिटी ग्लभ्स, ब्लड कलेक्सन ट्युव, आईभी क्यानुला फिक्सटर, एब्जर्बेन्ट कटन उल आईपी, गज, आईभी सेट, यूरीन ब्याग, क्रेप एन्ड रोल ब्यान्डेजलगायतका उत्पादन बजारमा ल्याउने तयारी गरिरहेको छ ।
‘स्वस्थ जीवन समृद्ध नेपाल’ भन्ने लक्षका साथ करिब ८० करोडको लगानीमा सञ्चालित फरच्युना हेल्थकेयर प्रा.लि.को उद्योगमा सय जनाभन्दा बढीलाई रोजगारी दिइएको छ । नेपालमा १५ भन्दा बढी मुलुकबाट सिरिन्ज आउने गरेको भएपनि विदेशी कम्पनीलाई विस्थापित गर्ने उद्देश्यको साथ कम्पनीले उत्पादन थालेको हो । कम्पनीले आफ्ना उत्पादन विश्व स्वास्थ्य संगठनले औषधि उद्योगका लागि तोकेको मापदण्ड जीएमपीमा आधारित रही आईएसओ मापदण्डको स्ट्यान्डर्ड पूरा गरिसकेको र नेपाल गुणस्तर चिह्नसमेत प्राप्त गरेको कम्पनीले जनाएको छ ।
उद्योगबाट दैनिक ३ देखि ५ लाख सिरिन्ज उत्पादन गर्ने लक्ष्य राखिएको छ । उद्योगको अध्यक्षमा भवानी राणा, प्रबन्ध सञ्चालकमा ईश्वर जिसी र सञ्चालकमा भरत आचार्य र बाबुकाजी कार्की रहेका छन् । फरच्युना सिरिन्जको उपप्रधान एवम् स्वास्थ्य तथा जनसंख्यामन्त्री उपेन्द्र यादवले बिहीबार एक विशेष समारोहबीच उद्घाटन गरे ।
यस्तै कार्यक्रम उद्योग मन्त्रालयका सचिव कृष्णबहादुर राउत, नेपाल उद्योग वाणिज्य महासंघका अध्यक्ष चन्द्र ढकाल, औषधि व्यवस्था विभागका महानिर्देशक नारायणप्रसाद ढकाललगायतले नेपालमै सिरिन्ज उत्पादन भएकोमा खुसी व्यक्त गर्दै सफलताको शुभकामना व्यक्त गरेका थिए ।
सो अवसरमा स्वागत मन्तव्य राख्दै फरच्युना हेल्थकेयर प्रा.लि.की अध्यक्ष एवम् नेपाल उद्योग वाणिज्य महासंघकी पूर्वअध्यक्ष भवानी राणाले औद्योगिक क्षेत्रमा उत्पन्न निराशाहरुका बीच नयाँ वर्षको आगमनसँगै आफूहरुले स्वास्थ्य सामग्रीमध्ये महत्वपूर्ण सिरिन्ज नेपालमै उत्पादन गरेर बजारमा ल्याएको बताइन् ।
यस्तै सो प्रा.लि.का प्रबन्ध सञ्चालक डा. ईश्वर जिसीले धन्यवाद ज्ञापन गर्दै उद्योगलाई अगाडि बढाउन र अन्तर्राष्ट्रिय बजारमा प्रतिस्पर्धी बनाउन सरकार र निजी क्षेत्रको पूर्ण सहयोगको आवश्यकता रहेको बताए ।
पूर्वमिस नेपाल सुगारिका केसीले सञ्चालन गरेको कार्यक्रममा उद्योग मन्त्रालय र स्वास्थ्य मन्त्रालयका उच्च अधिकारीहरु, वरिष्ठ डाक्टर, मेडिकल व्यवसायीहरु, उद्योगका शेयर धनी तथा कर्मचारीहरुका साथै लव्ध प्रतिष्ठित व्यक्तित्वहरुको उपस्थिति रहेको थियो ।
काठमाडौं : शंकर ग्रुपको सहायक कम्पनी जगदम्बा मोबाइल्सले भारतीय वेरेबल ब्राण्डबोल्टसँग सहकार्य गरेको छ । यो सँगै जगदम्बा मोबाइल्स अब नेपालको लागि बोल्टको आधिकारिक वितरक भएको छ ।
सहकार्यले नेपालमा स्मार्टवाच र इयरबड्स्जस्ता वेरेबल उत्पादनहरुको बजारलाई नयाँ आयाम दिने विश्वास कम्पनीले लिएको छ । सहकार्यसँगै अब नेपाली उपभोक्ताहरूको विभिन्न आवश्यकता र प्राथमिकता अनुसारका स्मार्टवाच र टिडब्लुएस (ट्रूवायरलेस स्टेरियो) इयरबडहरु बजारमा उपलब्ध रहेका छन्।
बोल्टका स्मार्टवाच अन्तर्गत रिपल, क्राउन आर प्रो, ड्रिफ्ट टु, क्राउन र डाइभ एक्स मोडलहरु उपलब्ध रहेका छन भने टिडब्लुएस्, इयरबड्स अन्तर्गत म्याभरिक, एक्स १० प्रो, के ४५, के ३५, के ६०, एक्स ७० र एक्स ४५ मोडलहरु रहेका छन् । जगदम्बा मोबाइल्सका कार्यकारी निर्देशक सक्षम जाटियाले भने, “भारतको अग्रणी वेरेबल ब्राण्ड बोल्टसँग सहकार्य गर्न पाउँदा हामी अत्यन्तै उत्साहित छौँ । यो सहकार्यले हाम्रा ग्राहकहरूलाई नवीनतम प्रविधि उपलब्ध गराउने हाम्रो प्रतिबद्धतालाई अझ बलियो बनाएको छ ।”
बोल्टका सह–संस्थापक वरुण गुप्ताले भने “जगदम्बा मोबाइल्स प्रा.लि.सँग विशेष सहकार्य गर्न पाउँदा हामी अत्यन्तै हर्षित छौँ । यो सहकार्यले नेपाली युवाहरुलाई अत्याधुनिक वेरेबल प्रविधिहरू प्रदान गर्ने हाम्रो साझा प्रतिबद्धतालाई प्रतिविम्बित गरेको छ । जगदम्बा मोबाइलको व्यापक सञ्जालले अत्याधुनिक प्रविधिलाई सबैका लागि थप पहुँचयोग्य बनाउने छ भन्ने हाम्रो विश्वास रहेको छ । साथै यसले हाम्रो विश्वव्यापी बजार विस्तार गर्न पनि सघाउ पुर्याउनेछ भन्ने हामीले आशा राखेका छौँ ।”
काठमाडौ : सिटिजन्स बैंक इन्टरनेशनलले १७ सय जनालाई भोजन गराएको छ । बैंकको सत्रौं वार्षिकोत्सवको अवसरमा घरबारविहीन र मानसिक सन्तुलन गुमाएर सडकमा आश्रय लिइ वसेका १७ सय व्यक्तिहरुलाई १७ दिन भोजनको व्यवस्था गरेको हो । बैंकले आफ्नो सत्रौं वार्षिक उत्सव शुक्रबार मनाउँदै छ ।
भोटुस इन्दिरा समाज कल्याण संस्थासंगको सहकार्यमा काठमाडौंका जोरपाटी, चाबहिल, बौद्ध, मैतीदेवी, सेतोपुल, पुरानो बानेश्वर, भीमसेनगोला, बत्तीसपुतली, सिनामंगल, गौशालालगायतका स्थानमा नदीकिनार, सडक छेउमा र पुलमुनि बस्ने घरबारविहीन मानिसहरुलाई बैंकले भोजन वितरण गरेको हो ।
काठमाडौ : नेपालमा विभिन्न ब्राण्डका सवारी साधन बिक्री गर्दै आएको जी मोटर्सले आधिकारिक बितरकको रुपमा चाईनाको स्काईवेल प्रिमियम लक्जरी ईभी यसयुभि नेपालमा सार्वजनिक गरेको छ । ६२० किमी रेन्ज दिने, ५ स्टार सेफ्टी रेटिङ प्राप्त रियल इभी यसयुभि जी मोटर्सले भक्तपुरको राधेराधेमा स्थित स्काईवेल शोरुमबाट सार्वजनिक गरेको हो सार्वजनिक गरेसंगै ९ थान गाडी ग्राहक डेलिभरी समेत गरेको छ ।
नेपालस्थित चिनियाँ दूतवासका ईकोनोमिक एन्ड कमर्शियल कन्सुलर सि यु, स्काईवेल न्यु ईनर्जी भेहिकलका चिनिया प्रतीनिधी थोमस जु र जी मोटर्सका अध्यक्ष दुर्गा प्रसाद गेलालबाट संयुक्त रुपमा शोरुमको समुदघाटन गर्दे नयाँ गाडिको सार्वजनिक गरेका हुन् । नाडाबाट औपचारिक बुकिङ एबम ब्रान्डको बिक्री शुरुवात गरेको जि मोटर्सले छोटो समयमा स्काईवेलको प्रेमियम एबम नेपालमै सबैभन्दा धेरै रेन्ज दिने ६२० किमीको दुरी एक सिंङल चार्जमा तय गर्ने र १५० किलोवाट आवरको ब्याट्री प्याकले ग्राह्कलाई सोचे भन्दा आरामदायी यात्रा तय गराउने कम्पनीको दाबी छ ।
गाडी सार्वजनिक गर्दै आम ग्राहकको उत्साहजनक सहभागितालाई मध्यनजर गर्दै १ बर्षको निःशुल्क बिमा, सडक कर, एक्सचेन्ज सुबिधामा आकर्षक बोनस र बिशेष छुट सुविधा बैशाख महिना भरी रहेको कम्पनी प्रबन्ध निर्देशक कैलाश बाबु गेलालले बताए । विद्युतीय सवारी प्रति उपभोक्ताको बढ्दो चाहनालाई सम्बोधन गर्न कम्पनीले प्रिमियम ब्रान्डको विद्युतीय एसयूभी ल्याएको हो । स्काइवेलका विद्युतीय सवारी जर्मनि, इजरायल्, टर्की र रसिया लगायत ५८ भन्दा बढी देशमा बिक्री हुँदै आएको छ।
स्काईवेल ईभी ५ को नेपाली बजार मुल्य रु. १ करोड ९ लाख रहेको कम्पनीले जनएको छ । २०७४ मा स्थापना भएको जी मोटर्सले यस अघि नेपाली बजारमा विभिन्न ब्रान्ड सवारी स्थानीय डिलरका रूपमा बिक्री गर्दै आएको छ । जी मोटर्सले काठमाडौं र इटहरीमा ८ वटाभन्दा बढी शोरूमबाट २ हजार उपभोक्तालाई सेवा उपलब्ध गराइसकेको छ । पछिल्लो समय विद्युतीय सवारी प्रति बढ्दो उपभोक्ता चाहनालाई सम्बोधन गर्न जी मोटर्सले जी ईभीमार्फत स्वाइवेल ब्रान्ड आधिकारिक रूपमा ल्याएको हो ।
काठमाडौं : उद्योग, वाणिज्य तथा आपूर्तिमन्त्री दामोदर भण्डारीले केही समयदेखि अर्थतन्त्रमा देखिएको शिथिलतामा सुधार आउन थालेकोे बताएका छन् ।
नेपाल चार्टर्ड एकाउन्टेन्ट्स संस्थाले आयोजना गरेको ‘सस्टेनेवल अकाउन्टिङ प्राक्टिसेस’ विषयक तेस्रो राष्ट्रिय लेखाव्यवसायी सम्मेलनको उद्घाटन समारोहमा उनले अर्थतन्त्रका केही परिसूचक सुधारोन्मुख रहेको वर्तमान अवस्थामा व्यापार व्यवसाय तथा स्वदेशी उद्योग धन्दा विकासको माध्यमबाट अर्थतन्त्रलाई अझ चलायमान बनाउन आवश्यक देखिएको बताए ।
मन्त्री भण्डारीले भने, “सक्षम अर्थतन्त्रको विकासका लागि उद्योगी व्यवसायीहरुको आत्मबल बढाउँदै नयाँ आर्थिक अवसरको सिर्जना गर्न आवश्यक देखिएको छ, यसले एकातिर अर्थतन्त्रमा सकारात्मक सन्देश प्रवाह गर्छ भने अर्कोतिर देशभित्रै रोजगारीका अवसर सिर्जना हुन्छ, यस कार्यमा लेखा व्यवसायी त्यसमा पनि नेपाल चार्टर्ड एकाउन्टेन्ट्स संस्थाको भूमिका अझ महत्वपूर्ण हुने मैले विश्वास लिएको छु ।”
उनले विश्वमा कतिपय सफल मानिएका व्यवसाय गलत लेखाङ्कन र लेखाका सर्वमान्य सिद्धान्तको प्रयोग नगरिनाले सदाका लागि व्यवसाय बन्द गर्नुपरेको उदाहरण दिँदै गलत लेखाङ्कनले देशको अर्थतन्त्रलाई प्रत्यक्ष नकारात्मक असर पर्ने उल्लेख गरे ।
आर्थिक क्षेत्रको विकास विना देशको समग्र विकास सम्भव नहुने उल्लेख गर्दै मन्त्री भण्डारीले भने, “आर्थिक क्षेत्रको विकासमा लेखा व्यवसायीको अहम् एवं प्रत्यक्ष भूमिका रहने कुरा सर्वविदितै छ, लेखा राख्नु नियमित काम भए पनि त्यसको विश्वसनीयता र पारदर्शिता समग्र आर्थिक विकासका लागि अत्यन्तै महत्वपूर्ण हुन्छ ।”
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies