काठमाडौं : जेसीबीले आधिकारिक वितरक एमएडब्लू अर्थ मुभर्समार्फत् नेपालमा आफ्नो उपस्थिति थप बलियो बनाउने तयारी गरेको छ । नेपाली बजारलाई सहयोग गर्ने उद्देश्यले जेसीबी इन्डियाले ट्रयाक गरिएका केही एक्साभेटरका लागि ५ वर्ष वा १० हजार घण्टाको वारेन्टी योजना ल्याएको हो ।
एमएडब्लू अर्थ मुभर्सले विगत दुई दशकदेखि नेपालमा जेसीबीका निर्माण उपकरणहरु बिक्री गर्दै आएको छ । नेपाल भ्रमणका क्रममा जेसीबी इन्डियाका प्रमुख कार्यकारी अधिकृत दीपक शेट्टीले दक्षिण एशियाली क्षेत्रमा नेपाल महत्वपूर्ण बजार भएको बताए । नेपालको नौलो पहिचान र स्थानका कारण ग्राहकका लागि सधैँ अत्याधुनिक प्रविधियुक्त र उन्नत उत्पादनहरु प्रस्तुत गर्दै आएको उनले बताए । कम्पनीको आधिकारिक डिलर एमएडब्लू अर्थ मुभर्समार्फत निरन्तर घनिष्ठ सम्बन्ध कायम राख्न सफल भएको उनको भनाइ छ ।
कम्पनीका अनुसार नेपालमा जेसीबीका १० हजार पाँच सय भन्दा धेरै उपकरणहरु सञ्चालनमा छन् । जसमध्ये व्याकहो लोडर्स, एक्साभेटर, विल्ड लोडर्स र टेलिह्यान्डलर्स प्रशिद्ध छन् । यी सम्पूर्ण उपकरणहरुका पार्टपुर्जा र सर्भिसमा एमएडब्लू अर्थ मुभर्सका राष्ट्रव्यापी आउटलेट सञ्जालमार्फत सर्भिस भ्यानहरु परिचालन गरी ग्राहकलाई सेवा सहायता प्रदान गरिने कम्पनीले जनाएको छ ।
नेपाली बजारमा निर्माण प्रक्रियाका विभिन्न चरणहरुमा रहेका पूर्वाधार परियोजनाले गर्दा आगामी वर्षहरुमा वृद्धिको बलियो अवसर रहेको र जेसीबी यस प्रक्रियाको हिस्सा बन्न तत्पर रहेको शेट्टीले बताए । त्यस्तै, एमएडब्लूका प्रिन्सिपल डिलर विष्णु अग्रवालले विश्वस्तरीय जेसीबीका उपकरणबाट ग्राहकलाई सहायता गर्ने बाहेक नेपाली युवा जनशक्तिलाई देशमै रोजगारका अवसरहरु प्रदान गर्न पाउँदा निकै खुसी लागेको बताए ।
काठमाडौं : प्रभु बैंक लिमिटेडका ग्राहकहरूलाई स्काइवाक टावरको टिकट खरिदमा छुट दिन प्रभु बैंक लिमिटेड र वन्डर्स नेपाल प्रा.लि.बीच दुई पक्षीय समझदारी भएको छ । सो समझदारी पत्रमा प्रभु बैंक लिमिटेडका तर्फबाट प्रमुख मार्केटिङ अफिसर रविन्द्र ढकाल र वन्डर्स नेपाल प्रा.लि. (स्काइवाक)का तर्फबाट कार्यकारी निर्देशक पदम प्रसाद न्यौपानेले हस्ताक्षर गरेका छन् ।
यस सम्झौता अन्तर्गत प्रभु बैंकका ग्राहक तथा कर्मचारीहरुले यो सुविधा दुई वर्षसम्म उपभोग गर्न पाउनेछन् । सम्झौताअनुसार प्रभु बैंक लिमिटेडका ग्राहक तथा कर्मचारीहरुले कमलादीस्थित वन्डर्स नेपाल प्रा.लि.को स्वामित्वमा रहेको स्काइवाक टावरको टिकट खरिद गर्दा १० प्रतिशत छुट पाउनेछन् । छुट सुविधा प्राप्त गर्नका लागि बैंकका ग्राहकहरुले टिकट खरिद गर्दा प्रभु बैंक लिमिटेडको मान्य डेबिट कार्ड, क्रेडिट कार्ड तथा प्रिभलेज कार्डमध्ये कुनै एक पेश गर्नुपर्ने छ ।
यस किसिमका ग्राहक लक्षित छुट तथा अन्य सुविधा सम्झौताहरु देशभरका विभिन्न अस्पताल, रेष्टुरेन्ट, होटल, पार्लर, डिपार्टमेन्टल स्टोरहरु लगायत अन्य व्यापारिक इकाइहरुमा समेत भएको प्रभु बैंकले जनाएको छ । स्काइवाक टावर कुल ७८ दशमलव पाँच मिटर अग्लो छ र यस टावरबाट उपत्यकाको तीन सय ६० डिग्रीमा द्दश्यावलोकन गरी मनोरञ्जन लिन सकिन्छ ।
प्रभु बैंकका नेपालभर ३०२ शाखा कार्यालयहरु, २८५ एटीएम साथै ७० एक्सटेन्सन काउन्टरमार्फत करिब ३१ लाख भन्दा बढि ग्राहकहरुलाई ‘विश्वास लिन्छौं, विश्वास दिन्छौं’ भन्ने मूल नाराका साथ अत्याधुनिक प्रविधिमार्फत गुणस्तरीय बैकिङ तथा वित्तीय सेवा प्रवाह गर्दै आएको छ । बैंकले विश्वभरबाट रेमिट्यान्स सेवा दिँदै रेमिट्यान्स खातामार्फत उच्च ब्याजदरमा आफ्ना ग्राहक वर्गहरुलाई सेवा दिँदै आएको छ ।
काठमाडौं - स्थानीय बजारमा पहेँलो धातु सुनको मूल्य आज प्रतितोला एक हजार सात सयले उकालो लागेर कीर्तिमान कायम गरेको छ । लगातार उकालो लागेको सुनको मूल्य आजको वृद्धिपछि हालसम्मकै उच्च विन्दुमा पुगेको हो ।
नेपाल सुनचाँदी व्यवसायी महासंघका अनुसार छापावाल सुन सोमबारको तुलनामा एक हजार सातले उकालो लागेर एक लाख ३९ हजार दुई सय निर्धारण भएको छ । तेजाबी सुन आज प्रतितोला एक लाख ३८ हजार पाँच सय ५० निर्धारण भएको छ ।
छबि सापकोटा/मध्यान्ह
काठमाडौं : नागढुगा–सिस्नेखोला सुरुङमार्ग ‘ब्रेक थ्रु’ भएको (छिचोलिएको) छ । प्रधानमन्त्री पुष्पकमल दाहाल प्रचण्डले सोमबार स्वीच थिचेर सुरुङ मार्गको ‘ब्रेक थ्रु’ गरेका हुन । ‘ब्रेक थ्रु’ समारोहमा प्रधानमन्त्रीसहित उपप्रधानमन्त्री एवं भौतिक पूर्वाधार तथा यातायातमन्त्री रघुवीर महासेठ, सांसद लगायतका सरकारी उच्च अधिकारीको पुगेका थिए ।
‘ब्रेक थ्रु’ संगै धादिङ र काठमाडौँ दुवैतर्फबाट खनिएको सुरुङ एकआपसमा छिचोलिएको हो । धादिङको सिस्नेखोला र काठमाडौँको चन्द्रागिरि नगरपालिका–१ मा रहेको टोटीपाखामा सुरुङ जोडिएको छ । ब्रेक थ्रु भएपनि सुरुङ मार्गमा सवारी साधन गुड्नको लागि अझै १ वर्ष लाग्ने आयोजनका उपनिर्देशक गोविन्द दुमरुले बताए । सुरुङमार्ग सञ्चालनमा आएपछि काठमाडौंको बलम्बु हुँदै धादिङको सिस्नेखोलासम्म जम्मा ३ मिनेटमै पुग्न सकिने छ ।
बि.सं.२०७६ कात्तिकमा निर्माण सुरु भएको सुरुङमार्ग २.६८८ किलोमिटरको छ भने आपतकालीन सुरुङ भने २.५५७ किलोमिटर रहेको छ । सुरुङ मार्ग प्रयोग गर्दा काठमाडौ तर्फ आउदाँ ३३ मिनेट र काठमाडौ बाहिर जादाँ २३ मिनेट समय बचत हुनेछ । नागढुंंगा सुरुङ मार्ग निमार्णको लागि सन् २०१६ डिसेम्बर २२ मा जापान र नेपाल सरकार बिच सफट् ऋण सम्झौता भएको थियो । साढे २२ अर्ब कुल लागत रहेको सुरुङमार्गको १६.६ अर्ब जापानको ऋण सहयोग रहेको छ भने बाँकी लागत नेपाल सरकारको हो । जापान सरकारको जाइका मार्फत प्राप्त भएको ऋणको व्याजदर ०.०१ प्रतिशत तोकिएको छ भने सुरुको १० वर्ष मिनाहा सहित ४० वर्ष भित्र ऋण चुक्ता गर्नु पर्ने छ । काठमाडौ उपत्यका प्रवेश गर्ने मुख्य नाका नौबिसे काठमाडौ सडक खण्डमा पर्ने नागढुंगा सुरुङ मार्ग निमार्ण गर्नका लागि २०६९ माघमा सर्वाेक्षण गरेर आयोजनाको प्रस्ताव गरिएको थियो ।
ब्रेक थु्र सँगै तिब्र गतिमा फिनिसिङको कामसँगै सुरुङभित्र लाइटिङ, अक्सिजन जडान, सडक ढलानको काम गर्ने आयोजनाका उपनिर्देशक दुमरुले बताए । सम्झौताअनुसार आयोजनाको समयावधि २०८० वैशाखमा सक्नु पर्ने थियो । तर कोभिडको कारण एक वर्ष ढिला भएको दुमरुले बताए । सुरुङमार्गको काम तिब्र गतिमा गर्ने हो भने अर्काे वर्ष नागढुंगा उकालोबाट मुक्त हुने सकिनेछ । सुरुङमार्गमा पेट्रोलियम पदार्थ बोक्ने सवारीसाधन, मोटरसाइकल र ओभरलोड सवारीले प्रयोग गर्न पाउने छैनन । सुरुङमार्ग निर्माणको काम जापानी कम्पनी हाज्मा एन्डो कर्पोरेसनले गरिरहेको छ ।
काठमाडौं : पेट्रोल, डिजेल र मट्टितेलमा प्रति लिटर तीन रुपैयाँले मूल्य वृद्धि भएको छ । मंगलबार बिहानदेखि कायम हुने गरी पेट्रोलियम पदार्थ र डिजेलको मूल्यमा वृद्धि भएको हो । नेपाल आयल निगम लिमिटेडले आज जारी गरेको प्रेस विज्ञप्तिअनुसार इण्डियन आयल कर्पाेरेशनबाट प्राप्त नयाँ खरीद मूल्य अनुसार पेट्रोलियम पदार्थकोप्रति लिटर दुई रुपैया ९६ पैसा र डिजेलको प्रतिलिटर तीन रुपैया ४६ पैसा मूल्य बढेको हो ।
नयाँ खुद्रा मूल्यअनुसार पेट्रोलप्रति लिटर रुपैयाँ एक सय ७८, डिजेल र मट्टितेल प्रतिलिटर रुपैयाँ एक सय ६१ पुगेको छ । पहिलो वर्गअन्र्तगतको चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जका लागि पेट्रोलको मूल्य एक सय ७५ रुपैयाँ ५० पैसा तोकिएको छ । यस्तै दोस्रो वर्ग अन्र्तगतको सुर्खेत र दाङका लागि एक सय ७७ रुपैयाँ मूल्य रहेको छ भने तेस्रो वर्गअन्र्तगतको काठमाडौं, पोखरा र दिपायलका लागि पेट्रोलको मूल्य एक सय ६१ रुपैयाँ कायम गरिएको छ ।
काठमाडौं : शिवम् सिमेन्टले नेपाली सिमेन्ट जगतमै इतिहास रच्दै सर्वाधिक १३ करोड ३१ लाख बोरा ओ.पि.सी. सिमेन्ट बिक्री गर्न सफल भएको छ । शिवम् सिमेन्टले ४३ र ५३ ग्रेडमा ओ.पि.सि. सिमेन्ट उत्पादन गर्दै आएको छ ।
शिवम् सिमेन्ट सर्वसाधारणको लागि शेयर जारी गर्ने नेपालको पहिलो सिमेन्ट कम्पनी पनि हो भने कम्पनीले एनएस क्वालिटी अवार्ड २०१९ प्रथमबाट सम्मानित भएको छ । नयाँ वर्ष २०८१ का अवसरमा कम्पनीले उपभोक्ता, बिक्रेता, शेयरधनी, नियामक निकाय तथा शुभचिन्तकहरुमा शुभकामना सन्देश जारी गर्दै कम्पनीको प्रगति र सफलताको हरेक कदममा पाएको अटुट साथ, सहयोग र भरोसाका निम्ति कृतज्ञता ज्ञापन गरेको छ ।
सन् २००३ मा हेटौँडा, मकवानपुरमा स्थापित शिवम् सिमेन्ट उद्योगले स्थानीय चुनढुंगाको प्रयोग गरी दैनिक तीन हजार टन ओ.पि.सी सिमेन्ट उत्पादन गर्दै आएको छ ।
काठमाडौं : सिटिजन्स बैंक इन्टरनेशनलले स्नो याक फाउन्डेशनलाई सहयोग प्रदान गरेको छ । आफ्नो स्थापनाको १७औं वर्ष पूरा गरी १८औं वर्षमा प्रवेश गर्ने क्रममा संस्थागत सामाजिक उत्तरदायित्व अन्तर्गत नेपालभरका पिछडिएका विद्यार्थीहरुलाई गुणस्तरीय शिक्षा प्रदान गर्ने उद्देश्यले स्थापना भएको संस्थालाई बैंकले सहयोग गरेको हो । बैंकले आफ्नो सत्रौं वार्षिकोत्सव यहि बैशाख ७ गते मनाउँदै छ ।
विशेष गरी विपन्न परिवारमा जन्मेका बालबालिकालाई शिक्षा प्राप्त गर्ने आधारभूत अधिकार प्रदान गर्न संस्थालाई निकै कठिन चुनौतीहरुको सामना गर्नुपर्ने हुँदा सञ्चालनमा केही सहजता होस भन्ने हेतुले बैंकले एक समारोहकाबीच एक लाखको चेक संस्थाका संचालक मणिराज शर्मालाई हस्तान्तरण गरेका हुन् ।
बालबालिकाहरुको उज्ज्वल भविष्यको परिकल्पना गर्दै स्नो याक फाउन्डेशनले बिगत एक दशक भन्दा बढी समय गुणस्तरीय शिक्षामा विद्यार्थीको पहुँच बढाउन समर्पित गरेको र उक्त रकम पनि बालबालिकाको शिक्षामा खर्च गर्ने कुरा संस्थाका संचालकले जानकारी दिए । हाल फाउन्डेशनले पाँच सय बालबालिकालाई शिक्षा प्रदान गरिरहेको छ ।
काठमाडौं : खल्तीले नयाँ वर्षको उपलक्ष्यमा आफ्ना प्रयोगकर्ताहरुका लागि ‘क्यासब्याक मेला’ अफर ल्याएको छ । यूनियन पे सँग सहकार्य गर्दै प्रदान गरिएको सो अफरमा खल्ती प्रयोगकर्ताहरुले तोकिएका ब्राण्डहरुको एक सयभन्दा बढी आउटलेटहरुमा यूनियन पे को क्यूआर स्क्यान गरी भुक्तानी गर्दा थुप्रै क्यासब्याक प्राप्त गर्न सक्नेछन् ।
चैत्र १४ देखि वैशाख ३० गतेसम्म लागू हुने सो अफरमा खल्ती प्रयोगकर्ताहरुले यूनियन पे को क्यूआर खल्तीमार्फत् स्क्यान गरी छिटो र सरल तरिकाले भुक्तानी गर्दै १० प्रतिशत क्यासब्याकको लाभ समेत उठाउन सक्ने खल्तीले जनाएको छ ।
विभिन्न मुभी हल, क्याफे तथा रेस्टुरेन्ट, स्वास्थ्य सेवा प्रदायक, फेसन ब्राण्ड, ट्राभल तथा एड्भेन्चर, डिपार्टमेन्टल स्टोरहरुका आउटलेटहरुमा भुक्तानी गर्दा उक्त क्यासब्याकको लाभ लिन सकिने कम्पनीले जनाएको छ । आइएनआइ सिनेमा, न्यू म्यू डल्ले, मोन्स्टर मिल, ई–फार्मेसी, मनकामना दर्शन लगायतका थुप्रै ब्राण्डहरुको आउटलेटहरुमा सो अफर उपलब्ध रहेको कम्पनीले जानकारी दिएको छ ।
काठमाडौं : प्रभु बैंकले पोखरा महानगरपालिका–१५ स्थित नयाँगाउँमा ३ सय २औं शाखा खोली सञ्चालनमा ल्याएको छ । बैंकको नयाँगाउँ शाखा कार्यालयको प्रदेश व्यवसाय केन्द्र अधिकृत शान्ती शेरचन गौचनले गरे ।
बैंकको नयाँगाउँ शाखा कार्यालयको शान्ती शेरचन गौचनले प्रभु बैंकले आफ्नो बैंकको व्यावसायिक सञ्जाल विस्तार गर्दै विभिन्न ठाउँहरुमा आफ्नो शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहजरुपमा बैंकिंङ सेवा विस्तार गरेको बताए ।
प्रभु बैंकको यो अभियानले देशभरी नै बैंकिङ पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको बताउँदै शाखालाई सफलताको शुभकामना व्यक्त गरे ।
बैंकको नयाँगाउँ शाखामार्फत् स्थानीय बासिन्दा, सर्वसाधारणहरु, व्यावसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने बैंकले विश्वास लिएको छ ।
काठमाडौं : ग्लोबल आइएमई बैंक लिमिटेडले क्रेडिट कार्ड प्रयोग गरेर स्वदेश तथा विदेश भ्रमणको प्याकेज खरिद गर्न सकिने योजना ल्याएको छ । आन्तरिक तथा बाह्य पर्यटन प्रवद्र्धन गर्ने उद्देश्यका साथ बैंकले आफ्ना क्रेडिट कार्डबाहक ग्राहकहरुलाई सरल किस्ताबन्दीमा स्वदेश तथा विदेश भ्रमण योजना सार्वजनिक गरेको हो ।
आइएमई ट्राभल्ससँगको सहकार्यमा ल्याइएको यस योजनाअन्तर्गत हाल आन्तरिक पर्यटकीय स्थानहरु अन्नपूर्ण वेस क्याम्प, धार्मिक गन्तव्यको रुपमा स्थापित मुक्तिनाथ तथा अन्तर्राष्ट्रिय टुर प्याकेजमा थाइल्याड, वाली, दुवई भ्रमणको लागि सहुलियत मूल्यको योजनाहरु ल्याएको छ । बैंकले आन्तरिक भ्रमणका लागि न्यूनतम् तीन हजार दुई सय १० रुपैयाँ र विदेश भ्रमणको लागि छ हजार रुपैयाँको सरल किस्ताबन्दी योजना ल्याएको हो ।
बैंकको क्रेडिट कार्डबाहक ग्राहकहरुले आइएमई ट्राभल्समा गई आफूलाई अनुकूल टुर प्याकेज किस्ताबन्दीमा खरिद गर्न सक्ने बैंकले जनाएको छ । साथै, यो योजनामा आवद्ध भई क्रेडिट कार्ड लिन चाहने ग्राहकहरुलाई बैंकले कार्ड जारी शुल्कमा समेत ५० प्रतिशत छुट समेत प्राप्त गर्न सक्ने जनाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies