काठमाडौं : दक्षिण कोरियामास्पोर्टस ग्लोबल टुरिजम कन्भेन्स सम्पन्न भएको छ । खेल पर्यटनमार्फत नेपालको विकासलाई अगाडि बढाउन नेपालको प्राकृतिक तथा भौगोलिक पर्यावरणअनुसारको पर्यटक खेलकुदलाई सम्बर्द्धन तथा प्रवर्धन गर्ने उद्देश्यले दक्षिण कोरियमा ‘स्पोर्टस ग्लोबल टुरिजम कन्भेन्सन २०२४’ (एसजीटी–२०२४) को सम्मेलन आयोजना गरिएको हो ।
मंगलबार राजधानी सोलस्थित हान्याङ विश्वविद्यालयमा नेपाली राजदूतावास, ग्लोबल एनआरएन फाउण्डेसन र हान्याङ विश्वविद्यालयको संयुक्त आयोजनामा सम्पन्न सो सम्मेलनलाई नेपालका प्रधानमन्त्री प्रचण्डदेखि विभिन्न व्यक्तिहरुले शुभकामना दिएका थिए ।
प्रधानमन्त्री प्रचण्डले सम्मेलनमा शुभकामना सन्देश दिँदै अपार सम्भावना बोकेको नेपाली खेलकुद पर्यटनको विकासका लागि चाँसो र सोचसहितको सम्मेलन गरेकोमा आफू निकै खुसी व्यक्त गरे । विश्वमा एक सुन्दर पहिचान बोकेको नेपालसँग एक अर्को महत्वपूर्ण आर्थिक र समृद्धिको आधर खेलकुद पर्यटनको सम्मभावना रहेको उल्लेख गर्दै प्रधानमन्त्रीको शुभकामना सन्देशमा भनिएको छ, ‘हाम्रो राष्ट्रको उन्नतिको लागि खेलकुद पर्यटनको अपार सम्भावनालाई सदुपयोग गर्ने हाम्रो यात्रामा यो सम्मेलन एउटा महत्वपूर्ण कोसेढुंगातर्फ सावित हुनेछ ।’
प्रधानमन्त्रीले खेल क्षेत्रको व्यापकता खेलमा मात्रै नभएर यसले आर्थिक, सामाजिक र संस्कृतिक विकास र उन्नतिमा पनि उत्तिनै महत्वपूण भूमिका खेल्ने भएकोले यसलाई नेपाल जस्तो अपार सुन्दरतासँग जोडेर लग्न सकिने भएपनि अझै नसकिएको उल्लेख गरिएको छ ।
कार्यक्रममा परराष्ट्रमन्त्री नारायण प्रकाश साउदले पनि सम्मेलनलाई शुभकामना दिँदै दक्षिण कोरियाले औद्योगिक र प्रविधिमा मात्रै विकास नगरेर खेलकुदको क्षेत्र र संस्कृति तथा पर्यटन क्षेत्रमा पनि अभूतपूर्व विकास गरेको र नेपालीले त्यसबाट धेरै सिक्न सकिने बताएका छन् । नेपाल पनि अथाह पर्यटकि खेलको सम्मभावना बोकेकोले यस विषयमा सम्मेलन गरेकोमा आयोजकलाई धन्यबादसमेत दिएका छन् ।
संस्कृति,पर्यटन तथा नागरिक उड्डयन राज्यमन्त्री सुशिला सेर्पाली ठकुरीले सम्मेलनमा सरोकारवाला पक्षकारुपमासँगै बसेर छलफल गर्न पाउँदा निकै खुसि भएको बताइन् ।
त्यसैगरी राष्ट्रिय खेलकुन परिषदका सदस्य सचिव टंकलाल घिसिङले आयोजकलाई धन्यवाद दिँदै नेपाल बिस्तारै खेल क्षेत्रमा प्रगति गर्दै गरेको मुलुक भएको र पर्यटन खेलकुदमा पनि जोड दिएको बताए ।
सम्मेलनका मुख्य वक्ता ग्लोबल एनआरएनए फाउण्डसनका संरक्षक डा.शेश घलेले नेपालजस्तो प्राकृतिक सुन्दरताले भरिपूर्ण देशको विकासका लागि पहिलो कुरा उचित नीति–नियम अख्तियार गर्ने, त्यपछि पर्यटन क्षेत्रका क्षमतावान तथा जानकार मान्छे भर्ति गर्ने र विश्वभरीका पर्यटनसँग सम्बद्ध ख्याति प्राप्त संघसंस्थासँग सहकार्य गर्न जरुरी रहेको बताए ।
कार्यक्रममा एनआरएन आईसीसीका अध्यक्ष विनोद कुँवारले सम्मेलनको मुख्य उद्देश्य नै पर्यटनमा खेलक्षेत्र जोडेर आर्थिक, सामाजिक र संस्कृतिक क्षेत्रको उन्नती गरेर नेपाललाई समृद्धिका साथै विश्वमा थप परिचय बनाउनु रहेको धारणा राखे ।
अयोजक संस्था ग्लोबल एनआरएन फाउण्डेसनका अध्यक्षसमेत रहेका कुँवरले हिमालयमा गल्फ, प्याराग्लाइडिङ, ह्वाइट वाटर र्फ्टीङ, साहसिक खेलहरु लगायतका खेलहरु खेलेर विश्वभरबाट पर्यटक भित्र्याउन सकिने धारणा राखे । हिमाली स्वर्गकोरुपमा विश्मा परिचित नेपालका हिामाली तथा पहाडी क्षेत्रमा अनेकन खेलहरु खेल्न सकिने धारणा व्यक्त गरे ।
सम्मेलनमा कोरियाको हान्याङ विश्वविद्यालयका अध्यक्ष डा.कि–जेओङ लीले खेलकुद पर्यटनको लागि निकै नै सम्भावना भएको नेपालको बारेमा आफ्नो विश्वविद्यालयमा सम्मेलन गर्न पाउँदा निकै खुसि लागेको बताए । खेल र पर्यटन क्षेत्रबीच आन्योन्याश्रीत सम्बन्ध हुनेभएकाले त्यको उजागर गर्न सम्मेलन सफल हुने विश्वास लिए ।
कार्यक्रममा एनआरएन आईसीसीकी महासचिब जानकी गुरुङले अफूरुले विश्वभरका नेपालीहरुलाई नेपालको पर्यटनलाई खेलक्षेत्रमा जोड्न सहयोगको लागि अपिल गरिन् ।
नेपाल खेलकुद अनुसन्धान तथा प्रवर्द्धन प्रतिष्ठान(नेस्पो)का अध्यक्ष साम्राज्यविक्रम पाण्डेले बहुआयामीक उद्देश्यसहित भएको सम्मेलनले नेपाल र नेपालीको आर्थिक तथा सांस्कृतिक क्षेत्रमा नयाँ आयाम ल्याउने विश्वास व्यक्त गरे ।
एनआरएन आईसीसी कोरियाका अध्यक्ष बिपिन कुमार गुरुङले सम्मेलनले कोरिया र नेपालबीचको सम्बन्धलाई अझै प्रगढ बनाउन सहयोग पुग्ने धारणा राखे ।
हान्याङ विश्वविद्यालयका खेलकुद उद्योग तथा विज्ञान विभाग प्रमुख तथा कार्यक्रम अध्यक्ष डा.जोङ–ही किम, सो वश्वविद्यालयका एसोसियट प्रोफेसर तथा कार्यक्रम संयोजक सिद्धार्थ विक्रम पाण्डे र सो विद्यालयमा ‘ग्लोबल हेल्थ एण्ड डेभलपमेन्ट’विषयमा विद्यावारिदी गरिरहेकी तथा कार्यक्रमकी सह–संयोजक संगिता कुवरले स्वागत मन्तव्य दिएका थिए ।
हान्याङ विश्वविद्यालयको कलेज अफ पर्फमिङ अर्टस एण्ड स्पोर्टसका डिन प्राध्यापक सेओङ–नो लीले केभिड–१९ पछि विश्मा आर्थिक, सामाजिक र संस्कृतिक हरेक हिसाबले परिवर्तन भएको परिवेशमा मानव जीवनलाई त्यही ढंगले अगाडी बढाउनु पर्ने धारणा राखे ।
सम्मेलनमा सेजोङ विश्वविद्यालयका डिपाटमेन्ट अफ होटल एण्ड टूरिजम म्यानेजमेन्टका प्रोफेसर होयुङगोङ किमले पछिल्लो समयमा पर्यटन क्षेत्रमा सबैभन्दाबढी समस्या आएकोले यसलाई माथि उठाउन खेलकुद क्षेत्र जोड्दा सफल हुने धारणा राखे ।
ग्लोबल एनआरएन फाउण्डेसन उपाध्यक्ष भोमादेवी लिम्बुले नेपाल प्राकृतिक तथा संस्कृतिक सम्पदाको धनी देश भएकाले यसमा पर्यटन जोड्दा अझ बढी सफलता मिल्ने बताईन् ।
संस्कृति, पर्यटन तथा नागरिक उड्डयन मन्त्रालयकी उपसचिव कृष्णकुमारी श्रेष्ठले सन २००८ को १५ औं आवधिक नीति तथा कार्यक्रममा नेपालको मुख्य अर्थिक आधारका रुपमा पर्यटनलाई पनि मानिएको र त्यसमा खेलक्षेत्र जोड्दा थप बिलयो हुने विश्वास रहेको बताइन् ।
डालिम् मोनोरेलका प्रमुख कार्यकारी अधिकृत सोङ्ग बु–सोपले अटोनोमस ड्राइभिङ मोनोरेल सिस्टम हिमाली तथा पहाडी क्षेत्रमा उचित हुने र नेपालमा त्यस किसिमको प्रविधी सहतिको मोनोरेलको व्यवस्थाले पर्यटनमा सघाउने सुझाए ।
पुसान न्यास्नल युनिभर्सिटीका डिपार्टमेन्ट अफ स्पोर्टस साइनसका प्रोफेसर डा.डेभि ओसुलिभानले सम्मेलनको सत्र सञ्चालन गरेका थिए ।
हान्याङ विश्वविद्यालयका डिभिजन अफ स्पोर्टस इन्डस्ट्री एण्ड साइन्सका प्राध्यापक डा.सुङ मिन किम,अमेरिकाको वासिङ्टन राज्यका लागि नेपालका अवैतनिक महावाँणिज्य दूत एसी र्षेर्पा, अमेरिकाको ३६० भ्यू रिसोर्ट एलएलसीका निर्देशक स्यामबहादुर तामाङले नेपाल खेलकुद पर्यटनको लागि अति उत्तम भएकाले त्यसको विकासमा ध्यान पुर्याउन सुझाए ।
त्यसैगरी, हान्याङ विश्वविद्यालयको ग्लोबल हेल्थ एण्ड डेभलपमेन्टका अध्याक्ष डा.दोङउन हान, सिओल न्यास्नल युनिभर्सिटी अफ साइन्स एण्ड टेक्नोलोजीका प्राध्यापक तथा सोलुसनएक्स को.लिमिटेडका संस्थापक तथा प्रमुख कार्यकारी अधिकृत डा.सेवान चोई, एमआईटी ग्रुप पाउण्डेसनकी फाउण्डर जमुना गुरुङलगायतले खेलकुद पर्यटन सम्मेलनले आर्थिक, सामाजिक तथा संस्कृतिक क्षेत्रको बहुआयामिक विकासमा नयाँ दृष्टिकोणको विकास गरेको धारणा राखेका थिए ।
दक्षिण कोरियाको राजधानी सियोलस्थित हान्याङ विश्वविद्यालयमा भएको सम्पन्न सम्मेलनको कोरियाका लागि नेपाली राजदूतावास सियोल, ग्लोबल एनआरएन फाउण्डेसन, हान्याङ यूनिभर्सिटी र एमआईटी ग्रुप फाउण्डेसन मेलबर्न अस्ट्रेलियाले संयुक्तरुपमा आयोजान गरेका थिए भने नेपाल खेलकुद अनुसन्धान तथा प्रबद्धन प्रतिष्ठान (नेस्पो)ले सहजकर्ताको भूमिका खेलेको थियो ।
सम्मेलनको प्रायोजन मेल्बर्न इन्स्टीच्युट अफ टेक्नोलोजी, एभरेष्ट १०० रेष्टुरेन्ट दुबाई, मे, इन्टरनेष्नल शेर्पा गाईडस, नेस्पो, ह्युमेन केयर रोबोट सिस्टम, यूनिभर्षल टुर्स एण्ड ट्राभल्स, माया मार्ट किन कर्पोरेसन, योर सक्सेस आओर प्रारिटी, नेपाल मोनोरेल, ट्राभल्स एण्ड टुर्स, दर्शन नमस्ते इण्डियन एण्ड नेपाली फूड रोष्टुरेण्ट, नेकोमज, लाईफ साइन्स टेक्नोलोजी, केम फोरेक्स रेमिट्यान्स, फास्ट पोङग, योर बिल्डिङ काउन्टस वाइवीसी सर्भिस वेलायत, रिति र विभिन्न कोरियन संस्थाहरुले प्रायोजन गरेका थिए ।
प्रदिप ज्ञवाली/मध्यान्ह
सैनामैना : रुपन्देही जिल्लाको सैनामैना नगरपालिका वडा नं ५ मा प्रथम वडा कप २०८० शुरु भएको छ । "स्वास्थ्यका लागि खेलकुद राष्ट्रका लागि खेलकुद" भन्ने मूल नाराका साथ प्रथम वडा कप शुरु भएको हो । "युवाहरुमा दिगो विकास, सकारात्मक परिवर्तनमा सक्रियता, सैनामैना -५ युवा क्लबको प्रतिबद्धता" भन्ने मन्त्रलाई आत्मसाथ गर्दै स्थापित यस क्लबले प्रथम वडा कप खेलकुद कार्यक्रम आयोजना गरेको हो ।
कार्यक्रममा बोल्दै प्रमुख अतिथि तथा सैनामैना नगरपालिकाका प्रमुख फडिन्द्र प्रसाद शर्माले खेलाडी उत्पादनको नर्सरी नै वडा कप भएको बताउँदै कुलतबाट सत्मार्गमा ल्याउन पनि युवा क्लब र यस्ता कार्यक्रमले भूमिका खेल्ने बताए । कार्यक्रममा नगर उपप्रमुख विना रानाले नगरपालिकाले 'एक वडा एक व्यवस्थित खेल मैदान र एक पालिका एक व्यवस्थित रंगशाला' भन्ने नारा निकै पहिलेबाट अगाडि बढाएको भन्दै वडाको संयुक्त क्लब बनाएर काम गर्दा पालिकालाई सहयोग गर्न सहज हुने र कार्यक्रम गर्न वडालाई पनि सहज हुने बताइन् । क्लबले खेलकुदसँगै सामाजिक काम पनि सञ्चालन गर्नुपर्ने र सामाजिक रुपान्तरण प्रमुख एजेन्डासहित परिवर्तनशील कार्यको सुत्रपात गर्नुपर्ने बताइन् ।
वडामा भएका युवाको खेलकुदका क्षेत्रमा रहेको क्षमता चिन्दै अवसर प्रदान गर्ने र खेलकुदमार्फत असल आचरण सिकाउने ध्येय राखेर कार्यक्रम गरिएको सैनामैना ५ का वडा अध्यक्ष धन प्रसाद पाैडेलले बताए । सैनामैना खेलकुद समिति संयोजक खिम श्रेष्ठले खेलकुदका क्षेत्रमा वडाले नविन कार्यक्रम सञ्चालन गरेको भन्दै यस्ता कार्यक्रम नगरपालिकाले गर्ने राष्ट्रपति रनिङ शील्ड भन्दा अगाडि गर्न सुझाव दिए ।
वडाभित्रका युवामा खेलकुदको विकास गर्दै खेलाडी उत्पादनमा यस वडा कप कोसेढुंगा सावित हुने युवा सञ्जाल सैनामैनाका अध्यक्ष राजेन्द्र घिमिरेले बताए ।
वडा कप तथा खेल सप्ताह अन्तर्गत विभिन्न विधामा खेल हुनेछन् । जसमा तेक्वान्दो र ब्याडमिन्टन सेरुवामा हुनेछ । महिला र पुरुष भलिबल गडवामा, फुटबल बक्सडमा र क्रिकेट बयरकट्टीमा हुनेछ ।
कार्यक्रम सैनामेना ५ मा रहेको युवा सञ्जालको आयोजना तथा सैनामैना ५ वडा कार्यालको समन्वयम हुन लागेको हो । औपचारिक कार्यक्रम क्लबका अध्यक्ष राजेन्द्र घिमिरेको अध्यक्षता, सैनामैना नगरपालिकाका प्रमुख फडिन्द्र शर्माको प्रमुख आतिथ्यता, उपप्रमुख विना रानाको विशिष्ट आतिथ्यता, वडा अध्यक्ष धन प्रसाद पाैडेल, कार्यपालिका सदस्य एवम् वडा सदस्य मनकुमारी राई, अन्य जनप्रतिनिधि, विभिन्न संघ संस्थाका प्रतिनिधिलगायतको आतिथ्यता रहेको थियो । कार्यक्रम क्लबका उपाध्यक्ष मेघराज अर्यालको स्वागत एवम् सचिव विजय सुनारको सञ्चालनमा पशुपति सामुदायिक भवन सेरुवामा सम्पन्न भएको हो ।
हेटौंडा : चितवनमा निर्माणाधीन गौतमबुद्ध अन्तर्राष्ट्रिय क्रिकेट रंगशाला निर्माणको ७० प्रतिशत खर्च बागमती प्रदेश सरकारले व्यहोर्ने भएको छ । आज बसेको प्रदेश सरकारको मन्त्रिपरिषद् बैठकले रंगशाला निर्माणका लागि भरतपुर महानगरसँगको सम्झौताअनुसारको स्रोत सुनिश्चितता गर्ने निर्णय गरेको हो ।
बागमती प्रदेश सरकारका मुख्यमन्त्री शालिकराम जम्कट्टेलले महानगरपालिकासँगको सम्झौताअनुसार प्रदेश सरकारले रंगशालाका लागि रु ५२ करोड ५० लाखको स्रोत सुनिश्चितता गरेको जानकारी दिए । गत कात्तिक २१ गते मुख्यमन्त्री तथा मन्त्रिपरिषद् कार्यालय हेटौंडामा सो रंगशाला निर्माणका लागि भरतपुर महानगरपालिकाले तयार गरेको रु ७५ करोडको लागत अनुमानमा प्रदेश सरकारले ७० र महानगरपालिकाले ३० प्रतिशत लागत व्यहोर्ने सम्झौता भएको थियो ।
महानगरपालिकाले तयार पारेको पहिलो चरणको लागत अनुमानको प्रस्तावअनुसार १० हजार दर्शक अट्ने प्याराफिट र क्रिकेट मैदान निर्माण गर्ने निर्णय भएको मुख्यमन्त्री जम्कट्टेलले बताए । बैठकले भरतपुर महानगरपालिकालाई रंगशाला निर्माणका लागि ठेक्का प्रक्रिया अघि बढाउन समेत आग्रह गरेको छ ।
आजको बैठकले राष्ट्रिय योजना आयोगले माग गरेअनुसार संघीय समपूरक र विशेष अनुदानका लागि योजना सिफारिस गर्ने निर्णय गरेको छ । बैठकले समपूरक र विशेष अनुदानका लागि १०/१० वटा योजना सिफारिस गर्ने निर्णय गरेको हो ।
बैठकले अघिल्लो आर्थिक वर्षमा निर्माण सम्पन्न भइ भुक्तानी बाँकी आयोजनाको भुक्तानी दिने पनि निर्णय गरेको छ । मुख्यमन्त्री जम्कट्टेलका अनुसार केही प्रक्रियाहरु पूरा गर्नु परेका कारण निर्माण सम्पन्न भए पनि भुक्तानीमा ढिलाइ भएको र हाल भुक्तानीको प्रक्रिया बढाइएको हो ।
काठमाडौं : जापानले नेपाल जुडो संघलाई दुई सय ४० थान जुडो पोशाक सहयोगस्वरुप प्रदान गरेको छ । नेपालस्थित जापानी दूतावासमा आज आयोजित कार्यक्रममा नेपालका लागि जापानका राजदूत किकुता युताकाले उक्त सामग्री जुडो संघका अध्यक्ष दीपकहर्ष बज्राचार्यलाई हस्तान्तरण गरे ।
त्यस अवसरमा नेपाल जुडो संघका पदाधिकारी तथा सदस्य, राष्ट्रिय अन्तर्राष्ट्रिय खेलाडीलगायत सहभागी थिए । राजदूत किकुताले यस सहयोगबाट एसियाली खेलकुद ऐची–नागोया २०२६ लाई लक्षित गरी प्रशिक्षण गरिरहेका नेपालका जुडो खेलाडीलाई प्रोत्साहन हुने विश्वास व्यक्त गरे । उक्त सामग्री अल जापान जुडो फेडेरेसन र ‘जुडोज’द्वारा प्रदान गरिएको हो ।
सो अवसरमा राजदूत किकुताले जुडोले खेलाडीका लागि कौशलता स्वस्थ शरीरका साथै युवाहरूको शारीरिक र मानसिक विकासमा समेत मद्दत गर्न योगदान गर्ने उल्लेख गरे । जुडो संघका अध्यक्ष बज्राचार्यले उक्त सहयोगले नेपालका जुडो खेलाडीहरू प्रोत्साहन हुने बताउँदै सहयोगका लागि जापानप्रति आभार व्यक्त गरे ।
काठमाडौं : नेपालले यही साता फेब्रुअरी ८ तारिकदेखि १२ तारिकसम्म क्यानडासँग एकदिवसीय सिरिज खेल्दैछ । यस्तै नेपालले अर्को साता फेब्रुअरी १५ तारिकदेखि २४ तारिकसम्म आईसीसी क्रिकेट विश्वकप लिग–२ अन्तर्गत नेदरल्याण्ड्स र नामिबियासँग सिरिज खेल्दैछ । यी दुवै सिरिज नेपालले घरेलु मैदनमा खेल्दैछ ।
दुवै सिरिजका लागि नेपाली राष्ट्रिय क्रिकेट टोलीको घोषणा भएको छ । नेपाल क्रिकेट संघ (क्यान)ले कप्तान रोहित पौडेलको नेतृत्वमा दुई फरक टोली घोषणा गरेको छ । क्यानडाविरुद्ध सिरिजमा युवा नयाँ खेलाडीहरुलाई अवसर दिइएको छ । यस्तै लिग–२ सिरिजका लागि भने पहिलाकै टोलीमा केही नयाँ खेलाडीलाई पनि अवसर दिइएको छ ।
क्यानडा सिरिजका लागि नेपाल यु–१९ का कप्तान देव खनालसहित तीव्र गतिका आकाश चन्द र हेमन्त धामी टोलीमा रहेका छन् । त्यस्तै बागमती प्रदेशका बलर रिजन ढकाल पनि टोलीमा छन् । पवन सर्राफ र अनिल शाहले टोलीमा पुनरागमन गरेका छन् । क्यानडा सिरिजमा अलराउन्डर दीपेन्द्रसिंह ऐरी, करण केसी, गुलशन झा लगायतलाई विश्राम दिइएको छ ।
त्यस्तै त्रिकोणात्मक सिरिजका लागि भने रिजन ढकाल टोलीमा कायम छन् । अर्जुन साउद १५ सदस्यीय टोलीमा दोस्रो विकेटकिपरको रुपमा रहेका छन् । अनिल साह, प्रतिस जिसी, देव खनाल र विवेक यादव वैकल्पिक सूचीमा छन् ।
क्यानडा सिरिजका लागि नेपाली टोलीमा कप्तान रोहित पौडेल, आसिफ शेख, कुशल भुर्तेल, देव खनाल, कुशल मल्ल, भीम सार्की, आरिफ शेख, पवन सर्राफ, सोमपाल कामी, हेमन्त धामी, रिजन ढकाल, सूर्य तामाङ, ललित राजवंशी, आकाश चन्द र अनिल साह रहेका छन् ।
यस्तै लिग–२ सिरिजका लागि नेपाली टोलीमा कप्तान रोहित पौडेल, आसिफ शेख, कुशल भुर्तेत, कुशल मल्ल, आरिफ शेख, पवन सर्राफ, भीम सार्की, अर्जुन साउद, दीपेन्द्रसिंह ऐरी, गुल्शन झा, सोमपाल कामी, करण केसी, ललित राजवंशी, सूर्य तामाङ र रिजन ढकाल रहेका छन् ।
महेश कार्की/मध्यान्ह
बाजुरा : जिल्लास्तरीय राष्ट्रपति रनिङ शिल्डको उपाधि बुढीनन्दा नगरपालिकाले जित्न सफल भएको छ । बाजुरा जिल्लास्तरीय १४औं राष्ट्रपति रनिङ शिल्ड प्रतियोगिता सम्पन्न भएको छ । माघ १५ गतेदेखि बुढीनन्दा नगरपालिकाको कोल्टीस्थित जनप्रकाश माविमा सञ्चालन भएको प्रतियोगिता आइतबार सम्पन्न भएको हो ।
१४औं जिल्लास्तरीय राष्ट्रपति रनिङ शिल्डमा एथेलेटिक्स, कबड्डी, भलिबल र मार्सलआर्टलगायतका अलग-अलग समूहमा १ हजार २९ जना खेलाडीहरुले प्रतिस्पर्धा गरेका थिए । यस वर्षको जिल्लास्तरीय राष्ट्रपति रनिङ शिल्डको उपाधि बुढीनन्दा नगरपालिकाले हात पारेको छ । नगरपालिकाले १८ स्वर्ण र २१ रजतसहित प्रथम भएको जिल्ला खेलकुद विकास समितिले जनाएको छ ।
त्यस्तै १८ स्वर्ण, १४ रजत र ६ कास्यसहित बडिमालिका नगरपालिका द्वितीय भएको छ भने ८ स्वर्ण, १४ रजत र ४ कास्यसहित खप्तड छेडेदह गाउँपालिका तृतीय भएको छ । त्यसैगरी प्रतियोगितामा बुढीगंगा नगरपालिकाले ७ स्वर्ण, १ रजत र ३ कास्य, त्रिवेणी नगरपालिकाले २ स्वर्ण, ८ रजत र ६ कास्य, स्वामिकार्तिक खापर गाउँपालिकाले ६ स्वर्ण, २ रजत र ४ कास्य हासिल गरेको छ ।
त्यस्तै गौमुल गाउँपालिकाले ४ स्वर्ण र ३ रजत, जगन्नाथ गाउँपालिकाले २ स्वर्ण, २ रजत र ४ कास्य र हिमाली गाउँपालिकाले १ कास्य हासिल प्राप्त गरेको छ । करिब ७ दिनसम्म सञ्चालन भएको १४औं जिल्लास्तरीय राष्ट्रपति रनिङ शिल्ड प्रतियोगिता शान्त वातावरणमा समापन भएको खेलकुद समितिले जनाएको छ । २०८१ मा हुने १५औं राष्ट्रपति रनिङ सिल्ड बुढीगंगा नगरपालिकामा हुने समितिले जनाएको छ ।
तिलु शर्मा पौडेल/मध्यान्ह
दोहा, कतार : उपाधि दाबेदार टोली अस्ट्रेलियामाथि अतिरिक्त समयमा जित हासिल गर्दै दक्षिण कोरिया कतारमा जारी एसियन कपको सेमिफाइनलमा प्रवेश गरेको छ । १० जनामा सीमित अस्ट्रेलियामाथि दक्षिण कोरियाले २-१ को जित निकाल्न सफल भएको हो । त्यस्तै जोर्डनले शुक्रबार नै ताजिकिस्तानविरुद्ध जित हासिल गर्दै अन्तिम चारमा आफ्नो स्थान सुरक्षित गरेको छ ।
शनिबार सम्पन्न अर्को खेलमा जापानमाथि नाटकीय जित दर्ता गर्दै इरान एएफसी एसियन कपको सेमिफाइनलमा प्रवेश गरेको छ । शनिबार साँझ भएको क्वाटरफाइनल खेलमा इरानले जापानमाथि २-१ को रोमाञ्चक पुनरागमन जित दर्ता गरेको हो । खेलमा जापानले शुरुवाती अग्रता लिएको थियो । खेलको २८औं मिनेटमा हिडेमासा मोरिटाले गोल गर्दै जापानलाई शुरुवाती अग्रता दिलाएका थिए । खेलको ५५औं मिनेटमा इरानले खेलमा बराबरी गोल गर्यो । सरदार आजमुनको अशिष्टमा मोहम्मद मोहेबिले गोल गर्दै खेल बराबरीमा ल्याए । खेलको इन्ज्युरी समयमा इरानले पेनाल्टीमार्फत गोल गर्दै जित हासिल गर्यो । को इटाकुराले बक्स भित्रबाट फाउल गरेपछि इरानले पेनाल्टी पाएको थियो । पेनाल्टीमा अलिरेजा जाहान बक्सले गोल गर्दै इरानको अन्तिम चारमा स्थान सुरक्षित गरे l
शनिबार सम्पन्न अर्को खेलमा गोलरक्षक मिसाल बार्शामले पेनाल्टी सुटआउटमा ३ वटा बचाउ गरेपछि साविक विजेता तथा जारी एसियन कपको आयोजक कतार सेमिफाइनलमा पुग्ने अन्तिम टोली बनेको छ । बार्शामको उत्कृष्ट प्रदर्शनमा उज्बेकिस्तानमाथि टाइब्रेकरमा ३-२ को जित निकाल्दै कतार अन्तिम चारमा पुगेको हो । निर्धारित समय र अतिरिक्त समय १-१ को बराबरीमा सकिएपछि खेल पेनाल्टी सुटआउटमा पुगेको थियो । टाइब्रेकरमा बार्शामले उज्बेकिस्तानका अशुरमाटोभ अब्दिराहमाटोभ र माशारिपोभको पेनाल्टी रोक्न सफल भएका थिए ।
सेमिफाइनलको पहिलो खेल जोर्डन र दक्षिण कोरियाबीच मंगलबार साँझ ६ बजेबाट अहमद बिन अलि स्टेडियम अल रैयानमा हुनेछ भने बुधबार साँझ ६ बजेबाट कतारले इरानविरुद्ध अल थुमामा स्टेडियममा खेल्नेछ l
काठमाडौं : यु–१९ विश्वकप क्रिकेटको सुपर सिक्स खेलमा नेपाल भारतसँग १३२ रनले पराजित भएको छ । भारतले दिएको २९८ रनको लक्ष्य पछ्याएको नेपालले निर्धारित ५० ओभरमा १६५ रनमात्र बनाउन सक्यो । विशाल लक्ष्य पाएको नेपालको शुरुवात राम्रो भए पनि मध्यक्रमका ब्याट्सम्यान नचल्दा नेपाल हार व्यहोर्न बाध्य भयो ।
नेपालका लागि कप्तान देव खनालले सर्वाधिक ३३ रन जोडे । उनले ५३ बलमा २ चौकाको मद्दतमा ३३ रन बनाएका हुन् । यस्तै ओपनर अर्जुन कुमालले ६४ बलमा ३ चौकाको मद्दतमा २६ रन बनाए । अर्का ओपनर दीपक बोहोराले ४२ बलमा ३ चौकाको मद्दतमा २२ रनको योगदान दिए ।
यस्तै दुर्गेश गुप्ताले ४३ बलमा १ छक्का र २ चौकाको मद्दतमा २९ रन जोडे । आकाश चन्दले ३५ बलमा १८ रन बनाए । यस्तै उत्तम थापामगरले २० बलमा ८ रन जोडे भने सुवास भण्डारीले १८ बलमा ५ रन बनाए । गुल्शन झा र विशाल केसी १–१ रन बनाएर आउट हुँदा दीपक डुम्रे र दीपेश कंडेल शून्य रनमै आउट भए । भारतका लागि सौम्य पाण्डेले सर्वाधिक ४ विकेट लिए भने आर्सिन कुलकर्नीले २ विकेट लिए ।
त्यसअघि दक्षिण अफ्रिकाको माङ्गाउगं ओभल क्रिकेट मैदानमा टस जितेर पहिले ब्याटिङ रोजेको भारतले निर्धारित ५० ओभरमा पाँच विकेट गुमाउँदै २९७ रनको योगफल बनाएको थियो ।
भारतका लागि सचिन दासले सर्वाधिक ११६ रनको योगदान दिए । उनले १०१ बलमा ११ चौका र ३ छक्का प्रहार गरे । कप्तान उदय सहरानले १०७ बलमा ९ चौकाको सहायताले एक सय रन बनाए । त्यसैगरी आदर्श सिहले २१ रन बनाउँदा प्रियान्सु मोलियाले १९ तथा अर्सिन कुलकर्नीले १८ रन बनाए । मुसहिर खानले अविजित ९ रन बनाए । नेपालका लागि गुल्शन झाले ३ विकेट लिए भने आकाश चन्दले १ विकेट झारे ।
काठमाडौं : भारतले आईसीसी यु–१९ विश्वकपमा नेपाललाई २९८ रनको बलियो लक्ष्य दिएको छ । दक्षिण अफ्रिकाको माङ्गाउङ ओभलमा टस जितेर पहिला ब्याटिङ रोजेको भारतले निर्धारित ५० ओभरमा ५ विकेट गुमाउँदै २९७ रन बनायो ।
भारतका सचिन दासले १०१ बलमा ११ चौका र ३ छक्कासहित ११६ रनको सानदार शतकीय इनिङ खेले । कप्तान उदय सहारान १०७ बलमा ९ चौकासहित १०० रनमा आउट भए ।
नेपालका गुलशन झाले १० ओभरमा ५६ रन खर्चेर ३ विकेट लिए । आकाश चन्दले ९ ओभरमा ६५ रन खर्चेर १ विकेट लिए ।
तिलु शर्मा पौडेल/मध्यान्ह
दोहा, कतार : कतारमा जारी एसियन कपको क्वाटरफाइनल समीकरण पूरा भएको छ । बुधवार सम्पन्न दुई अलग अलग खेलमा इरानले सिरियामाथि टाइब्रेकरमा ५-३ र बहराइनमाथि जापान ३-१ ले विजयी भएसँगै क्वाटरफाइनल समीकरण पूरा भएको हो l
बुधबार दोहास्थित अल-थुमामा स्टेडियममा भएको खेलमा जापान ३-१ ले विजयी भएको हो । खेलको ३१औं मिनेटमा रित्सु दोआनले रिबाउण्डमा गोल गर्दै जापानलाई शुरुवाती अग्रता दिलाएका थिए । ४९औं मिनेटमा ताकेफुसा कुबोले गोल गर्दै अग्रता दोब्बर बनाए । खेलको ६४औं मिनेटमा बहराइनले एक गोल फर्काउन सफल भयो । जापान गोलरक्षक जायन सुजुकीले बचाउ गरेपछि दोस्रो पटकमा आफ्नै डिफेन्डरसँग सम्पर्क नमिलेपछि उनले समात्न खोजेको बल आफ्नै जालिमा हालेका थिए । तर ७२औं मिनेटमा आयासे युएडाले गोल गर्दै दुई गोलको अन्तर कायम गर्दै जित सुनिश्चित गरे ।
बुधबार राति सम्पन्न अर्को अन्तिम प्रिक्वाटरफाइनलमा इरानले सिरियामाथि टाइब्रेकरमा ५-३ को जित निकालेको हो । निर्धारित ९० मिनेटको खेल १-१ को र अतिरिक्त समयमा पनि सोही स्कोर रहेपछि खेल टाइब्रेकरमा गएको थियो । टाइब्रेकरमा सिरियाका फहाद युसेफको पेनाल्टी इरान गोलरक्षक अलिरेजाले बचाएका थिए । ३४औं मिनेटमा मेहदी तरेमीले पेनाल्टीमा गोल गर्दै इरानलाई अग्रता दिलाएका थिए । सिरियाका ओमार ख्रिविनले ६४औं मिनेटमा पेनाल्टीमा नै गोल गर्दै खेल बराबरीमा ल्याएका थिए ।
शुक्रबारबाट क्वाटरफाइनलका खेल शुरु हुँदैछ । शुक्रबार क्वाटरफाइनलमा ताजिकिस्तानले जोर्डनसँग र अस्ट्रेलियाले दक्षिण कोरियाको सामना गर्नेछन् । तीन पटकको कप विजेता इरानले चार पटक विजेता बनेको जापानविरुद्ध र कतारले उज्बेकिस्तानविरुद्ध शनिबार खेल्नेछन् l
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies