काठमाडौं : साउदीका जेलमा रहेका नेपालीमध्ये अधिकांशमाथि प्रतिबन्धित मादक पदार्थ ‘रक्सी’ ओसारपसारको अभियोग रहेको छ । साउदी अरेबियास्थित नेपाली दूतावासमा कार्यरत काउन्सिलर श्रम देवेन्द्र कार्कीले जेल तथा थुनुवा केन्द्रहरूको निरीक्षणमा उक्त अवस्था देखिएको बताएका छन् ।
दूतावासको साप्ताहिक फेसबुक कार्यक्रममा काउन्सिलर कार्कीले त्यस्तो अवैधानिक कार्यमा नेपालीले नेपालीलाई नै दुरुपयोग गरेको बताए ।
साउदी अरबमा मदिराको उत्पादन तथा बिक्री अवैधानिक रहेको छ । अवैधानिक कार्यमा लाग्नेलाई कारोबारको परिमाणअनुसार जेल सजाय हुने गरेको छ ।
कुवेतमा पनि अवैध मदिराको उत्पादन तथा बिक्रीमा नेपाली कामदारहरु पटक–पटक पक्राउ पर्ने गरेका छन् । कुवेतमा अवैधानिक अवस्थामा बसेका नेपालीहरू मदिराको अवैध कारोबारमा लाग्ने गरेका छन् ।
 9 chait 2079-Nepali_001.jpg)
