राजकुमार भुजेल/मध्यान्ह
दोलखा : दोलखामा आगामी फागुन २१ गतेदेखि प्रथम बागमती प्रदेशस्तरीय अन्तरपालिका भलिबल प्रतियोगिता हुने भएको छ । दोलखा युवा सञ्जालको आयोजनामा फागुन २१ देखि २५ गतेसम्म खेलमार्फत दोलखाको पर्यटन प्रबर्द्धन गर्ने उद्देश्यका साथ “प्रथम बागमती प्रदेशस्तरीय अन्तरपालिका शहीद कमरेड रितबहादुर खड्का स्मृति भलिबल प्रतियोगिता” हुने भएको हो ।
रित बहादुर खड्का 'प्रताप' को व्यक्तित्व र कृतित्व र स्मृतिको निरन्तरताका लागि सर्वाधिक पुरस्कार राशिको खेल हुन लागेको सञ्जालका अध्यक्ष पुष्कर अधिकारीले बताए ।
त्यस्तै प्रतियोगिताको विषयमा सञ्जालले सदरमुकाम चरिकोटमा पत्रकार सम्मेलनमार्फत जानाकारी गराउने छ । प्रतियोगितामा विजेता, उपविजेता, तृतीय र सान्त्वना हुने टिमलाई क्रमशः २ लाख ५१ हजार, १ लाख ५१ हजार, ५१ हजार र २१ हजार रुपैयाँसहित मेडल र प्रमाणपत्र प्रदान गरिनेछ । खेल सदरमुकाम चरिकोटस्थित भिमेश्वर रंगशालामा हुनेछ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies