काठमाडौं : ६९ औं संस्करणको मिस वल्र्डमा नेपालले मल्टी मिडियो अवार्ड जितेको छ । नेपालकी मिस वल्र्ड नेपाल २०१९ कि विजेता अनुष्का श्रेष्ठले यो अवार्ड जितेकी हुन् । मल्टिमिडिया अवार्ड जित्दै अनुष्काले मिस वल्र्ड २०१९ मा उपाधीका लागि बलियो स्थान बनाएकी छन् । यसअघि उनले हेड टु हेड च्यालेञ्ज समेत जितेकी थिए । उक्त अवार्ड जितेर एक सय १२ देशका प्रतिस्पर्धी सुन्दरीमाझ उनी टप ४० मा परेकी थिइन् ।
नेपालले भोटिङमा सबैभन्दा बढी मत पाएमा सिधै टप २० मा प्रवेश गर्नेछ । त्यसको लागि बढिभन्दा बढी भोट गर्नुपर्ने हुन्छ । १४ डिसेम्बरमा सम्पन्न हुने पाइनलमा उत्कृष्ट १० सुन्दरीबीच प्रतिस्पर्धा हुनेछ । उनीहरू मध्ये टप ५ जनालाई मात्र मिस वल्र्डको उपाधीका लागि सहभागी गराइने मिस वल्र्डको नियम छ ।
मिस वर्ल्डमा एउटा इभेन्ट ‘ब्युटी विथ पर्पोज’ महत्वपूर्ण मानिन्छ । यसलाई मिस वल्र्डको उपाधीपछिको महत्वपूर्ण इभेन्ट मानिन्छ । यसका लागि अनुष्काले तीन महिना अघिदेखि नै ब्युटी विथ पर्पोजको प्रोजेक्ट तयारी गरेको बताएकी थिइन् ।
काठमाडौं : सञ्चार तथा सूचना प्रविधि मन्त्री गोकुलप्रसाद बाँस्कोटाले चलचित्र विकास बोर्डद्वारा प्रकाशित ‘फिल्मिङ इन नेपाल, द अल्टिमेट ट्राभल गाईड टु फिल्मस् साईटस्– भोलुम १’को शुक्रबार चलचित्र विकास बोर्डको हलमा लोकार्पण गरेका छन् । सोही कार्यक्रममा मन्त्री बाँस्कोटाको रोहबरमा चलचित्र विकास बोर्ड र ब्रिटिश काउन्सिल बीच चलचित्र संग्रहालय तथा अन्य सहकार्यका लागि समझदारी पत्र (एम.ओ.यु.)मा हस्ताक्षर भयो।
कार्यक्रममा बोल्दै मन्त्री बाँस्कोटाले नेपाल आफैं फिल्म छायाङ्कनको लागि प्राकृतिक स्टुडियो भएको बताए। उनले यो पुस्तकले नेपालको सुन्दरता बारे देश विदेशमा जानकारी गराउने विश्वास लिएको बताए। विदेशीहरुलाई नेपालको सुन्दरता र यहाँ छायाङ्कन गर्ने सुविधा बारे जानकारी गराउन हरेक देशमा भएका नेपाली कुटनीतिक नियोग मार्फत् यो पुस्तक ती देशका सिनेकर्मीको हातमा पुर्याउन पनि उनले सल्लाह दिए । पुस्तकमा भएका तस्बिर र सूचनाहरु वेवसाईट बनाएर राख्न पनि सुझाव दिए।
भारत : बलिउड सुपरस्टार सलमान खानको फिल्म ‘दबंग–३’ विवादमा फसेको छ । हिन्दु जनजागृति समितिले फिल्मको शिर्ष गीत ‘हुड हुड दबंग’प्रति आपत्ति जनाएको छ । यो गीतमा ऋषिहरुले सलमानसँग आपत्तिजनक तरिकाले डान्स गरेको भन्दै समितिले फिल्मलाई प्रतिबन्ध लगाउन माग गरेका छन् ।
समितिले एक पत्र लेख्दै यो गीतले हिन्दू समुदायको धार्मिक भावनामाथि प्रहार गरेको दाबी गरेको छ । हिन्दु जनजागृति समितिल ऋषिहरुलाई तल देखाउनुका साथै ऋषिमुनिको छविलाई पनि खराब गरेको दाबी गरेको छ । यो गीतमा भगवान शिव, विष्णु र ब्रम्हाको रुपमा पेश गरिएको तीन व्यक्तिसँग आशिर्वाद लिएको पनि देखाइएको छ । यस्तो सीनप्रति केही धार्मिक संस्थाले पनि आपत्ति जनाएका छन् ।
यो विषयमा सलमान खान वा फिल्मसँग सम्बन्धित कसैको पनि प्रतिक्रिया आएको छैन । प्रभुदेवा निर्देशित गरेको फिल्ममा सलमानसँगै सोनाक्षी सिन्हा, सई मन्जरेकर र किच्चा सुदिप लगायत कलाकारहरुको अभिनय रहेको छ । यो फिल्म डिसेम्बर २० देखि प्रदर्शन हुँदैछ । यसअघि सलमान खानको फिल्म ‘लभयात्री’ पनि विवादमा फसेको थियो । विवादमा फसेपछि सो फिल्मको नाम नै परिवर्तन गर्नुपरेको थियो । पहिले ‘लभरात्री’ नाम दिइएको सो फिल्मलाई पछि लभयात्री बनाइएको थियो ।
काठमाडौं : गायिका दीपा तामाङको स्वरमा रहेको ‘म त छम्म छम्म’ बोलको गीतको विश्वव्यापी कभर डान्स प्रतियोगिताको उपाधि अमेरिकामा रहेको ‘क्रिएटिभ भुटनिज सर्कल’ले जितेको छ ।
आरबिएनके डान्स स्टुडियोको आयोजनामा भएको प्रतियोगिताको विजेताले ६० हजार रुपैयाँ नगद र विभिन्न नृत्य स्कुलबाट नृत्य छात्रवृत्तिका साथै अन्य अवसरहरु प्राप्त गरेका छन् । प्रतियोेगितामा क्यानडा, अमेरिका र नेपालबाट सहभागी थिए ।
प्रतियोगिताका लागि गत अगस्ट ३१ देखि अक्टोबर १२ सम्म कभर डान्स पठाइ संकलन गरिएको थियो । प्रतियोगितामा सहभागीमध्ये ६० प्रतिशत निर्णायक मण्डल र ४० प्रतिशत युट्युब भ्युजको आधारमा कभर गीतको मूल्यांकन गरिएको आयोजकले जनाएको छ ।
प्रतियोगिताको जजमा कोरियोग्राफर तथा मोडल गम्भीर विष्ट, नेपाल–अमेरिका फिल्म आर्टिस्ट एसोसिएसनका प्रमुख नवराज श्रेष्ठ, आरबिनके डान्स स्टुडियोका फाउण्डर तथा नृत्य प्रशिक्षक प्रकाश तामाङ, भक्त खड्का, प्रशिक्षक चन्द कार्की र अमासी राई रहेका थिए ।
ओम के कार्की र रुद्र बानियाको सहयोग रहेको प्रतियोगितालाई रोनक ज्वेलरी एण्ड गिफ्ट हाउस अमेरिका प्रायोजक तथा हिमालयन ग्रोसेरी एण्ड ड्रागन एसियन मार्केटले सहप्रायोजक रहेको थियो ।
जिल्ला अदालत काठमाडौँले अभिनेत्री शिल्पा पोखरेललाई बहुविवाह मुद्दामा साधारण तारेखमा बस्न आदेश दिएको छ । न्यायाधीश मुकेश उपाध्यायको इजलाशले पोखरेललाई साधारण तारेखमा बस्न आदेश गरेको हो ।
निर्माता छवि ओझासँगको बहुविवाह मुद्दामा पोखरेल आज अदालतमा हाजिर भएपछि सो आदेश भएको हो । निर्माता ओझाको प्रथम पत्नी हेमाकुमारी ओझाले बहुविवाहको मुद्दा दायर गरेकी थिइन् । जिल्ला अदालतले पोखरेललाई यसअघि पक्राय पुर्जी जारी गरेको थियो ।
वीरगञ्ज : राष्ट्रपति विद्यादेवी भण्डारीले तराईको उर्वरभूमि, पहाडका सुन्दर शृङ्खला, कलकल बग्ने हिमनदी तथा वैभवताले परिपूर्ण दृष्यलाई चलचित्रका माध्यमबाट प्रचार गरी अन्तरराष्ट्रिय क्षेत्रसम्म पु¥याउनुपर्ने बताएकी छिन् । नेपाली चलचित्र प्रदर्शन ५४ औँ वर्षमा प्रवेश गरेका उपलक्ष्यमा वीरगञ्जमा आयोजित ‘नेपाली चलचित्र स्वर्णीम महोत्सव २०७६’ को आज उद्घाटन गर्दै राष्ट्रपति भण्डारीले मुलुकको सांस्कृतिक, भाषिक क्षेत्रको विकासमा ठूलो योगदान पु¥याएको नेपाली चलचित्र जगत्लाई अगाडि बढाउनुपर्नेमा जोड दिएकी हुन् । तीन दिनसम्म चल्ने महोत्सवमा ६ भन्दा बढी चलचित्र प्रदर्शन गरिने छन् ।
“प्राकृतिक छटाले भरिपूर्ण रहेको तथा प्रकृतिको काखमा अवस्थित यो प्रदेशमा आयोजित यस कार्यक्रमले चलचित्र क्षेत्रको विकासमा थप टेवा थपेको छ”, राष्ट्रपति भण्डारीले भनिन् , “चलचित्रको कारण देशको गौरवको बढेकाले यसलाई सबै क्षेत्रबाट सहयोगको आवश्यकता छ ।” चलचित्र क्षेत्रलाई उद्योगका रुपमा विकास गर्नुपर्ने पनि बताइन् । स्वच्छ, स्वस्थ, स्वतन्त्र रुपमा निर्माण गर्नुपर्ने बताउँदै निर्माताहरुलाई समाजमा व्याप्त रहेको बोक्सी प्रथा, बालविबाह, दाइजो प्रथा जस्ता कुरीतिको विरोधमा सकारात्मक चलचित्र बनाउन उनको सुझाव छ ।
सो अवसरमा राष्ट्रपति भण्डारीले नेपाली चलचित्रका प्रथम छायाकार बैकुण्ठ मास्के र सम्पादक तीर्थराज श्रेष्ठलाई स्वर्णीम सम्मान प्रदान गरेकी हुन् । कार्यक्रममा सञ्चार तथा सूचना प्रविधिमन्त्री गोकुलप्रसाद बाँस्कोटाले चलचित्र क्षेत्रलाई मनोरञ्जनका रुपमा मात्र नलिएर यसमा नयाँनयाँ सिर्जना गरी हिमाल, पहाड र तराईलाई भावनात्मक रुपमा जोड्नुपर्ने तथा चलचित्र क्षेत्रको विकासमा सरकार मात्र नभएर निजी क्षेत्र पनि अग्रसर हुनुपर्ने उनले बताइन् । चलचित्र निर्मातालाई सिर्जनात्मक तथा नेपालीपन एवं मौलिकतालाई ध्यानमा राखी चलचित्र निर्माण गर्न पनि उनले आह्यवान गरिन् ।
प्रदेश नं २ का मुख्यमन्त्री लालबाबु राउतले भारतीय सिने स्टार गोविन्दाको नाम लिनेहरु कार्यक्रममा बढी देखिएको तर हाम्रै देशमा रहेका कलाकारलाई बिर्सिने गरेको बताउँदै निर्माताले चलचित्र बनाउँदा समाजले मागेको कथावस्तु दिन सक्नुपर्छ भनेर सुझाव दिएका छन् । सो अवसरमा नेपाल उद्योग वाणिज्य महासङ्घका अध्यक्ष भवानी राणा, नेपाल चलचित्र निर्माता सङ्घका अध्यक्ष आकाश अधिकारी, वीरगञ्ज महानगरपालिकाका प्रमुख विजय सरावगी, वीरगञ्ज उद्योग वाणिज्य सङ्घका अध्यक्ष गोपाल केडियालगायतले पनि बोलेका थिए ।
– कृष्णराज गौतम
काठमाडौं : साहित्यकार झमक घिमिरेको कृति ‘जीवन काँडा कि फूल’ मा आधारित चलचित्र यही कात्तिक २२ गतेदेखि देशभर प्रदर्शनमा आउँदैछ । उक्त कृतिमा आधारित रही चलचित्र निर्देशक विनोद विष्टले घिमिरेको जन्मदेखि मदन पुरस्कार प्राप्त गरेको समयसम्मलाई समेटिएको छ ।
विष्ट व्रदर फिल्म प्रालिको ब्यानरमा निर्माण गरिएको चलचित्रमा मुक्ति उपाध्याय बरालको पटकथा-संवाद रहेको छ भने झमक र प्रकाश सिवाकोटीको गीत रहेको छ । गीतमा जुनु गौतमको स्वर छ । उनी यो चलचित्रको सह निर्माता समेत हुन् । गत चैत २२ गते प्रदर्शनमा ल्याउने तयारी गरिएको चलचित्रलाई त्यस समय अष्ट्रेलियाको भियानामा प्रिमियर सो गर्नुपरेकाले प्रदर्शनमा ल्याउन सकिएको थिएन ।
साहित्यकार घिमिरेले अपाङ्गता भएकै कारण बाल्यकालमा भोग्नुपरेको सामाजिक, पारिवारिक घृणा र तिस्कारको कहानीलाई चलचित्रमा प्रस्तुत गरिएको छ । घिमिरेको जन्मस्थान धनकुटा, धरानको बिपी मेमोरियल अस्पताल र काठमाडौँको रातो बङ्गलामा चलचित्र छायाँकन गरिएको छ । बच्चादेखि ज्येष्ठ नागरिकसम्मले मन पराउने अपेक्षा गरिएको चलचित्रमा घिमिरेको सङ्घर्षले धेरै मानिसलाई प्रेरणा दिने उद्देश्य राखेको निर्देशक विष्टले बताए ।
चलचित्रमा घिमिरेको बाल्यकालको भूमिकामा अवस्था थापा, युवावस्थामा रोजिता बुद्धचार्य र बहिनीको भूमिकामा सारिका घिमिरेको विशेष भूमिका छ । घिमिरेका पिताका भूमिकामा किशन सुनार, मातामा उमा गिरीले अभिनय गरेका छन् । अन्य कालकारमा स्वीकृति शर्मा, टीका सुवेदीलगायत ३० भन्दा बढीको अभिनय छ । यसअघि निर्देशक विष्टले ‘प्रेम प्रतिक्षा’, ‘रणसङ्ग्राम’ र ‘म कसरी भनुँ’ जस्ता चलचित्र निर्माण-निर्देशन गरेका छन् ।
शारीरिक तथा मानसिकरूपमा अशक्त मानिसले पनि सामाजिक विकासमा योगदान गर्न सक्छन् र उनीहरुलाई समाजले अपहेलित गर्नु हुँदैन भन्ने सन्देश दिनका लागि चलचित्रले दर्शकलाई प्रभाव पार्ने विश्वास गरिएको छ । शारीरिकरूपमा असामान्य भएका यस्ता मानिसलाई दैवी श्राप-पूर्वजन्मको पापका रूपमा लिने प्रचलन पनि छ । उनीहरुको घरका सदस्यलाई पर्ने असजिला पक्ष तथा ती सदस्यले राम्रो गर्दा गर्दै पनि पीडितलाई हुन जाने मनोविज्ञानलाई व्यवहारिकरूपमा समेटिएको चलचित्रको लागत करीब ८० लाख रुपैयाँ रहेको छ ।
विसं २०३७ असार २१ शुक्रबार धनकुटाको कचिडेमा बुबा कृष्णबहादुर घिमिरे र आमा आशादेवी घिमिरेका छोरीका रूपमा जन्मिएकी घिमिरेले रचना गरेका कृतिमा सङ्कल्प, आफ्नै चिता अग्निशिखातिर, मान्छेभित्रका योद्धाहरू, झमक घिमिरेका कविताहरू र क्वाँटी सङ्ग्रह कविता छन् भने उनले प्राप्त गरेका पुरस्कार राम बाल साहित्य प्रतिभा पुरस्कार २०५५, अस्वीकृत विचार साहित्य पुरस्कार २०५६, मदन पुरस्कार २०६७ र लैनसिंह वाङ्देल पुरस्कार २०७२ हो ।
मस्तिष्क पक्षघातले गर्दा उनका लुला हातगोडा भएकाले उनको जीवन अत्यन्तै कष्टकर तथा दुःखदायी छ । उनले कुनै पाठशाला र गुरुबाट औपचारिक शिक्षा लिन पाएकी थिइनन् । गोडाको बूढीऔँलाले कखरा सिक्दै प्राप्त गरेको सफलता सबैका लागि प्ररणादायी बनेको छ । रासस
काठमाडौं÷मस– ‘हामी यस्तै त हो नी ब्रो’ बोलको गीतमा अश्लील शब्दको प्रयोग गरी लागुऔषध गाँजा खान प्रोत्साहित गरेको आरोपमा प्रहरीले आज ¥यापर ‘भिटेन’ समीर लामा, घिसिङलाई पक्राउ गरेको छ । चन्द्रनिगाहापुर घर भई हाल ललितपुर बस्ने भिटेनलाई झम्सीखेलबाट पक्राउ गरी आवश्यक कारवाहीका लागि महानगरीय प्रहरी परिसर ललितपुर पठाइएको महानगरीय अपराध नियन्त्रण महाशाखाका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिए ।
उनले प्रहरीको युनिफर्म लगाई लागुऔषध सेवन गरिरहेको फोटो आफ्नो फेसबुकमा राखेर प्रहरी पोशाकको दुरुपयोगसमेत गरेको पाइएको छ । घिसिङविरुद्ध ललितपुर प्रहरीले सार्वजनिक हित तथा नैतिकताविरुद्धको अपराधमा अदालतबाट सात दिनको म्याद थप गरी अनुसन्धान गरिरहेको ललितपुरका प्रहरी वरिष्ठ उपरीक्षक टेकप्रसाद राईले बताए ।
कसुर पुष्टि भए एक वर्ष कैद वा १० हजार रुपैयाँ जरिवाना वा दुवै सजाय हुने व्यवस्था छ । दुई दिन अघि मात्रै उच्छृंखल गीत गाएको आरोपमा पक्राउ परेका गायक दुर्गेस थापाले गल्ती स्वीकार गरी माफी मागेपछि उनलाई छाडिएको थियो । गृह मन्त्रालयले उच्छृंखल र समाजलाई भड्काउने खालका गीत गाए तथा उत्पादन गरे कारवाही गर्ने विज्ञप्तिमार्फत सूचना जारी गरेको थियो ।
काठमाडौं : पप गायक एवं र्यापर समीर घिसिङ ‘भिटेन’ पक्राउ परेका छन् । महानगरीय अपराध महाशाखाको टोलीले उनलाई ललितपुरवाट नियन्त्रणमा लिएको हो । समाजलाई अपाच्य हुने गीत गाएको भन्दै प्रहरीले उनलाई नियन्त्रणमा लिएको हो ।
उनी पछिल्लो समय ’हामी यस्तै त हो नी ब्रो गीतवाट चर्चामा आएका थिए । गीतमा प्रहरीलाई अश्लील गाली गरिएको छ । त्यस्तै प्रहरीचौकीमै रक्सी खाएर मस्ती गर्ने लगायतका शब्द पनि प्रयोग गरिएका छन् ।
भिटेनले हामी यस्तै त हो नी ब्रो नामक गीत भने युट्युबबाट हटाइसकेका छन् । यसअघि प्रहरीले सोही आरोपमा गायक दुर्गेश थापालाई पनि पक्राउ गरेको थियो । गीत युट्युववाट हटाउनुका साथै माफी मागेपछि प्रहरीले छाडेको थियो ।
राष्ट्रिय साँस्कृतिक पहिचान र गौरब बोकेको नेपालीको महत्वपूर्ण चाड यमपञ्चक (तिहार)लाई अनुशाशित, मर्यादित, सभ्य र मितव्यायी रुपमा मनाउन गृह मन्त्रालयले सबैमा अनुरोध गरेको छ ।
वैमनश्य र तिक्तता त्यागेर आपसी सद्भाव, समन्वय तथा मित्रता अभिवृद्धि गरी चाड मनाउन अनुरोध गर्दै मन्त्रालयले विकृतिपूर्ण क्रियाकलाप भए गरेमा कानून अनुसार कारवाही गर्ने चेतावनी दिएको छ ।
मन्त्रालयले आज एक विज्ञप्ति जारी गर्दै स्थानीय प्रशासनबाट तोकिएको समयवधि र प्रक्रियाको परिपालना गरी देउसी–भैलो कार्यक्रमलाई मनोरञ्जनात्मक रुपमा मात्र लिएर आयोजना गर्न आग्रह गर्दै कुनै अनुचित दबाबमूलक माग राखेर पत्राचार नगर्न भनेको छ ।
लागुपदार्थ निषेध र मदिरा नियन्त्रण अभियानलाई उच्च प्राथमिकतामा राखेर विविध कार्यक्रम सञ्चालनमा ल्याएको सन्दर्भमा त्यसको परिपालना गर्न अग्रह गर्दै मन्त्रालयका प्रवक्ता रामकृष्ण सुवेदीद्वारा आज जारी विज्ञप्तिमा भनिएको छ, “नेपाली भाषा, धर्म संस्कृति र सभ्यतालाई विकृत तुल्याई समाजमा नकारात्मक असर पर्ने खालका गीत–सङ्गीत तथा श्रव्यदृष्य सामग्री उत्पादन, गायन, प्रसारण र बिक्री वितरण नगर्न नगराउन अनुरोध गर्दछौँ ।”
सो गतिविधि गरेमा प्रचलित कानून अनुसार कारवाही गर्ने व्यवस्था गर्न मातहताका निकायलाई निर्देशन दिइएको मन्त्रालयले जनाएको छ । यमपञ्चक तिहारको समयमा यात्रुहरुको सहज आवागमनका लागि र सुपथ मूल्यमा गुणस्तरयुक्त खाद्यान्नको सहज उपलब्धता तथा शान्ति र सुव्यवस्था कायम गर्न गृह मन्त्रालयले मातहतका निकायलाई २४सै घण्टा परिचालन गरिएको जनाएको छ ।
जिल्लागत रुपमा चाडवाड केन्द्रित विशेष सुरक्षा योजना बनाइ लागू गरिसकिएको भन्दै मन्त्रालयले उक्त कार्यमा यातायात व्यवसायी, सञ्चारकर्मीलगायत सबैले सामाजिक उत्तरादायित्व अन्तरर्गत आ–आफ्नो तर्फबाट सेवा पु¥याउन आग्रह गरेको छ ।
प्रज्वलनशील पदार्थ प्रयोग र उत्पादनमा कडाइ
गृह मन्त्रालयले प्रज्वलनशील पदार्थ प्रयोग, आयात तथा उत्पादनमा पूर्ण प्रतिबन्ध लगाएको जनाउँदै यस्ता गतिविधि गरे कारवाही हुने जनाएको छ ।
दिपावली मनाउने क्रममा भूइँचम्पा, पटाका, आतिसबाजी जस्ता विष्फोटक पदार्थको प्रयोगबाट सर्वसाधारण जनताको स्वास्थ्य र सुरक्षामा प्रतिकूल असर पर्ने, घाइते हुने र आगलागी भएर जनधनको क्षति हुने भएकाले त्यस्ता विष्फोटक र प्रज्वलनशील पदार्थको उत्पादन, आयात, खरीद, बिक्रीवितरण नगर्न र नगराउनसमेत मन्त्रालयले आग्रह गरेको छ । कसैले यस्तो गतिविधि गरेको पाइएमा कानून बमोजिम कारवाही हुने मन्त्रालयद्वारा आज जारी विज्ञप्तिमा उल्लेख छ ।
कुनै गुनासो वा कानून विपरीतको कार्य भएमा नजिकको सुरक्षा निकायमा खबर गर्न आग्रह गर्दै मन्त्रालयले अनुचित फाइदाका लागि हुने अवाञ्छित गतिविधिको निगरानी भइरहेको उल्लेख गरेको छ । ठगी गर्ने, कानून मिच्ने, लागुऔषको प्रयोग, प्रतिबन्धित मदिराको अवैध बिक्री जस्ता गतिविधि गरेको पाइएमा कानून अनुसार कारवाही हुनेसमेत मन्त्रालयले जनाएको छ ।
Bagbazar Kathmandu
Phone : 014226366, 014228298
Mobile : 9841293261, 9841206411
Email : [email protected]
सूचना विभाग दर्ता नं. : 807/074/075
© 2019 मध्यान्ह सर्वाधिकार सुरक्षित | Managed by Bent Ray Technologies