काठमाडौं : काठमाडौं तराई द्रुतमार्गको विस्तृत आयोजना प्रतिवेदन ‘डीपीआर’ मन्त्रिपरिषद्बाट स्वीकृत भएको छ । डीपीआर स्वीकृत भएसँगै अब द्रुतमार्ग निर्माणको बाटो खुलेको छ । कोरियाको सुसुङ इन्जिनियरिङ कन्सल्टिङ कम्पनीले तयार गरेको डीपीआर मन्त्रीपरिषदले स्वीकृत गरेको हो ।
डीपीआर समयमा स्वीकृत नहुँदा गत आर्थिक वर्षमा विनियोजन गरिएको १५ अर्बमध्ये नौ अर्ब रुपियाँ सेनाले सरकारलाई फिर्ता गरेको थियो । स्वीकृत डीपीआरअनुसार सडक निर्माणको लागत एक खर्ब ५५ अर्ब तीन करोड ८५ लाख ६५ हजार रुपियाँ लाग्नेछ ।
नयाँ डीपीआरअनुसार द्रुतमार्गको लम्बाइ घटेको छ । पहिलेको डीपीआरमा लम्बाइ ७६ दशमलव दुई किलोमिटर थियो भने अब ७२ दशमलव पाँच किलोमिटर हुनेछ ।
दु्रतमार्गमा पुलको जम्मा सङ्ख्या ८७ वटा, तीनवटा सुरुङ र १६ वटा ‘हाइराइज ब्रिज’ अर्थात् आकासे पुलको निर्माण गरिनेछ । द्रुतमार्गमा महादेव डाँडा, धोद्रे डाँडा र लेन डाँडामा गरी तीनवटा सुरुङ मार्ग बन्नेछन । सुरुङको कुल लम्बाइ ६ दशमलव ४१ किलोमिटर हुनेछ ।
काठमाडौं : पशुपति पेन्ट्सले आफ्ना उपभोक्तामाझ कम्पनीको लोकप्रिय योजना ‘महापर्वको रङ्गोत्सव’ फेरि ल्याएको छ । सदाझैँ यस वर्ष पनि कम्पनीले चाडपर्वको समयलाई लक्षित गरी यस योजना ल्याएको हो ।
यस वर्षको योजना अन्तर्गत उपभोक्ताहरुले ५० हजार बराबरको पेन्ट्स खरिद गरी लक्की ड्र कुपन मार्फत सुन र चाँदीको उपहार जित्न सक्नेछन् । योजनाको अन्तमा लक्की ड्र मार्फत ४ जनाले तेश्रो पुरस्कारको रुपमा जित्नेछन् २०० ग्राम चाँदी, ४ जनाले दोश्रो पुरस्कारको रुपमा जित्नेछन् ५ ग्राम सुन र ४ जनाले पहिलो पुरस्कारको रुपमा जित्नेछन् १० ग्राम सुन ।
एकजना भाग्यशाली विजेताले भने बम्पर उपहारमा जित्नेछन् २० ग्राम सुन । त्यसैगरी १ लाख बराबरको पेन्ट्स खरिद गर्दा उपभोक्ताले एउटा आकर्षक भित्ते घडी पाउनेछन् तुरुन्तै । पशुपति पेन्ट्सले चाडपर्वलाई लक्षित गरी उपभोक्तामाझ यो योजना ल्याएको यो तेश्रो पटक हो । नेपालको सबैभन्दा पहिलो पेन्ट्सको रुपमा स्थापित पशुपति पेन्ट्सले हालै आफ्नो ३६औँ वार्षिकोत्सव पूरा गरेको छ ।
काठमाडौं : एभरेष्ट बैंक लिमिटेडले हालै नेशनल प्राइभेट एण्ड बोर्डिङ स्कुल एशोसियशन नेपाल (नेशनल प्याबशन) सँग सम्बन्ध विकास र विस्तार गर्दै इबीएलको सेवाहरु नेशनल प्याबशनको सदस्य स्कुलहरुमा प्रवद्र्धन गर्न साझेदारीपत्रमा हस्ताक्षर गरेको छ ।
सम्झौता अनुसार, नेशनल प्याबशनले सदस्य स्कुलहरुमा एभरेष्ट बैंक लिमिटेडको उत्पादन र सेवाहरु प्रवद्र्धन गर्न सहयोग पुर्याउनेछ । ईबीएलले पनि नेशनल प्याबशनको जिल्ला शाखाको सिफारिसमा नेशनल प्याबशनको सदस्य स्कुलहरुलाई (१०.६२५ (बेस रेट २.५०५) आरओआईमा एसएमई ऋण दिने सहमति जनाएको छ ।
साथै दुई संस्थाबीच दिर्घकालिन सहकार्यसम्बन्धी अन्य विभिन्न विषयहरु यस एमओयूमा उल्लेख गरिएको छ । “सर्भिस विथ स्माइल” नारा सहित एभरेष्ट बैंक सदैव ग्राहकहरुको फाइदा र सन्तुष्टिमा केन्द्रित रहेको छ ।
बैंकका सिईओ सोमेश्वर सेठ तथा नेशनल प्याबशनका अध्यक्ष रितु राज सापकोटाले एकआपसमा एमओयू साटा–साट गरेका छन् । एभरेष्ट बैंकले प्रदान गर्ने सेवा तथा सहकार्यका विषयमा नेशनल प्याबशनको वार्षिक अधिवेशनमा छलफल गरिएको थियो ।
काठमाडौं : भिजिट नेपाल २०२० लाई सफल पार्न कुमारी बैंक र ललितपुर वाणिज्य संघ पदयात्रामा निस्किएका छन् । कुमारी बैंक लिमिटेडले भिजिट नेपाल २०२० लाई सफल पार्न निजी क्षेत्रको पुर्वतयारीको रुपमा ललितपुर जिल्लामा अवस्थित नयाँ पर्यटकीय गन्तव्यहरुको पहिचान एवं प्रचारप्रसार गर्ने अभिप्रायका साथ करिब १९ कि.मि.को वार्मअप–वाल्कर्थन कार्यक्रमको आयोजक ललितपुर उद्योग वाणिज्य संघसँग सहकार्य गरेको हो ।
कुमारी बैंक मुख्य–प्रायोजक रहेको यस पदयात्रा कार्यक्रमबाट संकलित रकम भूकम्पले क्षतबिक्षत् भएको भीमसेन मन्दिर पुनर्निर्माण कार्यमा लगाईने पनि जनाइएको छ ।
पत्रकार सम्मेलनमार्फत बैंकका नायब प्रमुख कार्यकारी अधिकृत राजीव गिरीले पदयात्रामा सहभागिता जनाउनेहरूका लागि टि–सर्ट बाढ्न ललितपुर उद्योग वाणिज्य संघका अध्यक्ष कृष्ण लाल महर्जनलाई हस्तान्तरण गरे । सो कार्यक्रम ललितपुर पर्यटन क्षेत्र विकासका लागि कोसेढुंगा सावित हुनेमा वाणिज्य संघ विश्वस्त छ ।
काठमाडौं : प्रभु बैंकले सेवा विस्तार गर्ने क्रममा झापा जिल्लाको दमक नगरपालिकास्थित मालपोत कार्यालय र ईलाम मालपोत कार्यालयमा एक्स्टेन्सन काउण्टरहरु सञ्चालनमा ल्याएको छ ।
दमकस्थित मालपोत कार्यालयको परिसरमा स्थापित एक्स्टेन्सन काउण्टरको मिति २०७६ भदौ ०१ गते झापा मालपोत कार्यालयका कार्यालय प्रमुख चण्डिप्रसाद कोईलाज्यूले एक समारोहका विच समुद्घाट्न गरेको हो ।
त्यसैगरी ईलामस्थित मालपोत कार्यालय परिसरमा आज मिति २०७६ भदौ ०४ गतेका दिन ईलाम मालपोत कार्यालय प्रमुख केशब कुमार ढकाल र कोष तथा लेखा नियन्त्रण कार्यालयका निमित्त कार्यालय प्रमुख डिकेन्द्र बहादुर थापाले संयुक्त रुपमा प्रभु बैंकको एक्स्टेन्सन काउण्टरको उद्घाटन गरेको हो ।
झापा तथा ईलाम जिल्लास्थित मालपोत कार्यालयमा आउने सेवाग्राहीहरुले अब विना झण्झट प्रभु बैंकको एक्स्टेन्सन काउण्टरमा रहेको सम्बन्धित मालपोत कार्यालयको खातामा राजश्व रकम जम्मा गरी सरल र सहज रुपमा मालपोत कार्यालयको काम गर्न सक्नेछन् ।
नेपाल राष्ट्र बैंक तथा अन्य सम्बन्धित निकायसँग समन्वय गरी विभिन्न सरकारी निकायहरुको बैंकिङ्ग कारोबार प्रभावकारी रुपमा सञ्चालन गरिहेको प्रभु बैंकले मालपोत कार्यालयमा पनि आफ्नो सेवा विस्तार गर्न सफल भएको छ ।
प्रभु बैंकको एक्स्टेन्सन काउण्टरबाट सम्बन्धित मालपोत कार्यालयमा आउने सेवाग्राहीहरुलाई राजश्व जम्मा गर्न सहज हुनुका साथै दुवै मालपोत कार्यालयहरुको आर्थिक कारोबार बैंकिङ्ग प्रणालीमा प्रवेश गरेको छ । प्रभु बैंकले १९३ वटा शाखा कार्यालय, १५२ वटा एटीएम तथा २६ वटा एक्स्टेन्सन काउण्टरहरु मार्पmत् आधुनिक प्रविधियुक्त बैंकिङ्ग सेवा प्रवाह गरिरहेको छ ।
काठमाडौं : भारतीय विदेशमन्त्री एस जयशंकरको नेपाल भ्रमणको अवसर पारेर भारतले नेपाललाई ३ अर्ब २६ करोड ६५ लाख रुपैयाँ दिएको छ । भारतले भूकम्पपछिको पुननिर्माणका लागि २ अर्ब ४५ करोड ८८ लाख ५० हजार रुपैयाँ उपलब्ध गराएको हो ।
भारत सरकारको तर्फबाट नेपालका लागि भारतीय राजदूतले सो रकम पुर्न्निर्माण प्राधिकरणका सिइओ लाई हस्तान्तरण गरे । नेपाल भारत संयुक्त आयोगको पाचौं बैठकमा सहभागी हुन आएका भारतीय विदेश मन्त्री एस जयशंकर र परराष्ट्रमन्त्री प्रदीप ज्ञवालीको उपस्थितिमा सो रकम नेपाललाई हस्तान्तरण गरिएको हो ।
यसैगरी, हुलाकी राजमार्ग निर्माणका लागि भारतले यसअघि जनाएको प्रतिबद्धताअनुसार नेपाल सरकारलाई ८० करोड ७० लाख ७७ हजार रुपैयाँ दिएको छ । त्यसैगरी भारत सरकारले भुकम्पपछिको पुनर्निर्माणका लागि जनाएको प्रतिबद्धता अनुसार महालेखा नियन्त्रकको कार्यालयमार्फत २ अर्ब ४५ करोड ८८ लाख ५० हजार रुपैयाँ दिएको छ । दुबै रकम चेकमार्फत उपलब्ध गराइएको हो ।
नेपाल भारत संयुक्त आयोगको बैठक शुरु हुनुअघि एक कार्यक्रमबीच भारत सरकारले ती रकम नेपाललाई हस्तान्तरण गरेको हो । सहयोग हस्तान्तरण कार्यक्रमलगत्तै द्धिपक्षीय बैठक शुरु भएको छ ।
कञ्चनपुर : भीमदत्त नगरपालिका–८ तिलाचौरमा २८ करोड ५० लाख रुपैयाँको लागतमा खानेपानी आयोजना निर्माणको कार्य अगाडि बढाइएको छ । आयोजना निर्माणका लागि नगर विकास कोषबाट सात करोड १२ लाख ऋण रुपैयाँ र १९ करोड ९५ लाख रुपैयाँ रकम सरकारले अनुदानका रुपमा उपलब्ध गराउने गरी निर्माणकार्य अगाडि बढाइएको छ ।
उपभोक्ताको लागत सहभागिताबाट एक करोड ४२ लाख रुपैयाँ रकम संकलन गरिएको समितिका अध्यक्ष करवीरसिंह ऐरले बताए । तीन वडाका एक हजार ७३० घरपरिवारमा निजी धारा वितरण लाइन निर्माण गरिनेछन् । खानेपानी आयोजना निर्माणकार्य पूरा भएपछि नगरपालिकाका वडा नं ८, ६ र उक्त घरधुरीका १० हजार बासिन्दा लाभान्वित हुने नगरप्रमुख सुरेन्द्र विष्टले बताए । अठार महीनाभित्र सम्पन्न हुने आयोजना निर्माणकार्य दुई साताभित्रै सञ्चालन गरिने उनले बताए ।
आयोजनाका लागि उपभोक्ताबाट पाँच प्रतिशत, नगर विकास कोषको २५ प्रतिशत ऋण र बाँकी ७० प्रतिशत सरकारको अनुदान छ । बीस वर्षे अवधिका लागि डिजाइन गरिएको सो आयोजनाबाट सन् २०३९ मा २१ हजार बासिन्दा खानेपानी सेवाबाट लाभावान्वित हुने अनुमान गरिएको छ ।
वडावडामा सौर्यबत्ती
शुक्लाफाँटा नगरपालिकाले वडावडामा सौर्य ऊर्जा जडानकार्य अगाडि बढाउन थालेको छ । सौर्य ऊर्जामा आधारित बत्ती र सिँचाइका लागि सौर्य पम्प जडान गर्न ६३ लाख रुपैयाँ रकम विनियोजन गरी काम अगाडि बढाइएको छ । वडाको माग र आवश्यकताका आधारमा बजेट बाँडफाँड गरी काम अगाडि बढाइएको नगरपालिकाको ऊर्जा समितिका संयोजक कमल गिरीले बताए ।
वडाध्यक्षहरुसँग लामो छलफल गरी सहमति गर्ने प्रयास गरिए पनि सहमति हुन नसकेपछि आवश्यकताका आधारमा बजेट बाँडफाँड गरिएको उनले जानकारी दिए । गत आवमा नगरपालिकाले गोबरग्यास प्लान्ट निर्माण र सौर्यबत्ती जडानकै लागि १२ लाख रुपैयाँ बजेट खर्च गरेको छ । ऊर्जा शाखाका कर्मचारी सुरेन्द्र भट्टका अनुसार सात लाख रुपैयाँ रकम खर्चेर ४७ बायोग्यास प्लान्ट निर्माणका लागि अनुदान रकम दिइएको थियो । गोबरग्याँस प्लान्ट निर्माण गर्ने बासिन्दालाई प्रतिप्लान्ट १४ हजार ४०० रुपैयाँका दरले अनुदानको रकम दिइएको थियो ।
काठमाडौं : मेलम्ची खानेपानी आयोजनाको बाँकी कामको जिम्मा चिनियाँ कम्पनी सिनो हाइड्रोले पाएको छ । मेलम्चीमा बाँकी रहेको हेडबक्स र सुरुङ फिनिसिङको दुईवटा काम गर्न सिनो हाइड्रो र नेपाली कम्पनी हाइहिमालय रमन जेभीले प्रस्ताव हालेका थिए । मेलम्ची विकास समितिले दुवै कामको जिम्मा सिनो हाइड्रोलाई दिएको हो ।
सिनो हाइड्रोलाई सम्झौताका लागि २८ दिनभित्र आउन समितिले पत्र लेख्ने तयारी पनि गरेको छ । सिनो हाइड्रोलाई हेडबक्स र सुरुङ फिनिसिङ दुवै कामको जिम्मा दिइने भएको हो । हेडबक्सका लागि एक अर्ब २४ करोड रुपैयाँको टेन्डर आह्वान गरिएको थियो । यसका लागि सिनो हाइड्रोले करिब २८ प्रतिशत घटेर प्रस्ताव हालेको थियो ।
यस्तै, सुरुङ फिनिसिङका लागि ९५ करोड रुपैयाँको टेन्डर आह्वान गरेकोमा कम्पनीले करिब १५ प्रतिशत घटेर प्रस्ताव हालेको थियो । हेडबक्सको काम १५ महिना र सुरुङ फिनिसिङको काम १२ महिनामा सक्ने गरी टेन्डर आह्वान छ । इटालियन कम्पनी सिएमसी दी राभेनाले काम छोडेर गएपछि गत जेठमा मन्त्रिपरिषद्को बैठकले विशेष परिस्थितिको कानुनी आधारमा टेकेर बाँकी काम अघि बढाउने निर्णय गरेको थियो ।
एक महिनाभित्र सबै प्रक्रिया पूरा गरेर काम अघि बढाइने मेलम्ची विकास समितिको भनाइ छ । बाँकी काम सक्ने म्याद १५ महिना राखेर ठेक्का लगाइएको छ । यो ठेक्काअनुसार चालू आर्थिक वर्षभित्रै मेलम्चीको पानी काठमाडौं ल्याउने सरकारको घोषणा पूरा नहुने देखिन्छ ।
काठमाडौं : कृषि विकास बैंक क्षेत्रीय कार्यालय विराटनगरले आर्थिक वर्ष २०७५-७६ मा कूल ५७ करोड ५२ लाख १२ हजार रुपैयाँ नाफा आर्जन गरेको छ । बैंकले १४ अर्ब ७५ करोड ९२ लाख रुपैयाँ लगानी गर्ने लक्ष्य लिएकोमा उक्त अवधिमा १४ अर्ब ५२ करोड ३१ लाख रुपैयाँ लगानी गरी ९८ प्रतिशत प्रगति हासिल गरेको बैंकले जनाएको छ ।
अघिल्लो आवमा बैंकले १२ अर्ब ८९ करोड ९४ लाख ४७ हजार रुपैयाँ लगानी गरेको थियो । अघिल्लो वर्षको तुलनामा गत वर्ष एक अर्ब ६२ करोड ३६ लाख ६५ हजार रुपैयाँभन्दा बढी रकम लगानी गरेको बैंकका सूचना अधिकारी जीवन घिमिरेले जानकारी दिए ।
गत आर्थिक वर्षमा आठ अर्ब ४३ करोड ३४ लाख रुपैयाँ निक्षेप संकलन गर्ने लक्ष्य लिएको बैंकले सो अवधिमा सात अर्ब ४२ करोड ९६ लाख रुपैयाँ निक्षेप संकलन गरी ८८ प्रतिशत प्रगति हासिल गरेको छ । यो लक्ष्यको तुलनामा एक अर्ब तीन करोड ३८ लाख रुपैयाँ कमी हो । बैंकले गरेको लगानीमा शंकास्पद नेक्सानी व्यवस्थामा ३३ करोड ४९ लाख ८२ हजार रुपैयाँ रकम राखेको छ ।
बैंकले गत आर्थिक वर्ष कृषि कर्जातर्फ इलाममा चार अर्ब ३५ करोड ६५ लाख रुपैयाँ, झापामा आठ अर्ब ६५ लाख ८५ करोड रुपैयाँ, धनुकटा र तेह्रथुममा एक अर्ब ८९ करोड रुपैयाँ, सुनसरीमा एक अर्ब २० करोड रुपैयाँ र मोरङमा एक अर्ब २७ करोड रुपैयाँ लगानी गरेको छ । त्यस्तै उद्योगतर्फ इलाममा एक करोड १७ लाख रुपैयाँ, झापामा सात करोड ७७ लाख रुपैयाँ, धनकुटा र तेह्रथुममा ७१ लाख रुपैयाँ, सुनसरीमा सात करोड ९३ लाख रुपैयाँ र मोरङमा दुई करोड ६० लाख रुपैयाँ लगानी गरेको सो बैंकले जनाएको छ ।
कूल एक लाख ४६ हजार ४३० सेवाग्राही रहेको बैंकमा ५४ हजार १६७ जना सक्रिय छन् । मेची र कोशी अञ्चल कार्यक्षेत्र रहेको बैंकमा ३३ वटा शाखा, एक क्षेत्रीय कार्यालय र मोरङमा एक तालीम केन्द्र छन् । बैंकले खानी, कृषि, उद्योग, होटेल तथा पर्यटन, निर्माणसम्बन्धी, घरायसी कर्जा, आयात–निर्यात कर्जा, जलविद्युत्, चिया र अलैँची, नगदेबाली जस्ता क्षेत्रमा लगानी गर्नुका अतिरिक्त सरकारको अनुदानको काम, सरकारी कारोवार, स्थानीय निकायको खाता, सामाजिक सुरक्षा भत्ता वितरण, वन र विद्यालयमा संस्थागत उत्तरदायी निर्वाह गर्दै विदेशी मुद्रा खरीद– बिक्री गर्ने गर्दछन् ।
काठमाडौं : आईएमई लाइफ इन्स्योरेन्स कम्पनीको ब्यबसायिक कारोवार बिधिवतरुपमा सञ्चालन भएको दुई वर्ष पूरा भएको छ । कम्पनीले उक्त अवसरमा एक कार्यक्रमको आयोजना गरि दोस्रो वार्षिकोत्सब मनाएको छ ।
उक्त कार्यक्रममा सुभकामना मन्तब्य दिनुहुदै कम्पनीका सञ्चालक समितिका अध्यक्ष डा. रामहरि अर्यालले बीमा बजारमा कम्पनीले प्रतिस्पर्धात्मक उपस्थिति जनाएको बताए । चालु आ.व.२०७६-७७ मा थप शाखा बिस्तार गरि बीमित, अभिकर्ता एवं सेवाग्राहीको पहुँचलाई सर्वसुलभ, छिटो छरितो सेवा पुर्याउने, मानव संसाधनमा गुणात्मक तथा रचनात्मक अभिवृद्धिका लागि आवश्यक तालिमको ब्यबस्था तथा उत्प्रेरणा हुने खालको निति तर्जुमा गरिने उनले प्रतिबद्धतता जनाए ।
व्यवसाय सुचारु भएको दोस्रो वर्ष सम्ममा कम्पनीले देशका सातै प्रदेशका बिभिन्न ८५ स्थानमा शाखा कार्यालयहरु स्थापना गरि बीमा सेवा पुर्याउँदै आएको छ । कम्पनीले आर्थिक बर्ष २०७६-७७ मा थप शाखारउपशाखाहरु बिस्तार गरि बीमाको पहुँच तथा सेवा दिने योजना रहेको जानकारी गराएको छ । कम्पनीले आर्थिक बर्ष २०७५-७६ मा रु.९१ करोड बीमाशुल्क संकलन गर्न सफल भएको जानकारी पनि गराएको छ ।
Bagbazar Kathmandu
Phone : 014226366, 014228298
Mobile : 9841293261, 9841206411
Email : [email protected]
सूचना विभाग दर्ता नं. : 807/074/075
© 2019 मध्यान्ह सर्वाधिकार सुरक्षित | Managed by Bent Ray Technologies