काठमाडौ : महालक्ष्मी विकास बैंकले आगलागी पीडितलाई राहत वितरण गरेको छ । बैशाख १२ गते बुधबार महोत्तरीको मटिहानी नगरपालिका वडा नं ६ मा आगलागीका कारण घरबार विहीन भएका एक सय ५० घर परिवारका लगभग पाँच सय ४५ जनाका लागि राहत सामाग्री वितरण गरेको हो ।
बैंकले राहत वितरण गर्ने उद्देश्यले संस्थागत सामाजिक उत्तरदायित्व अन्तर्गत रहीे दुई लाख पचास हजार रुपैयाँ बराबरको सात सय ५० केजी आटा, सात सय ५० केजी चामल, ७५ केजी दाल, ७५ लिटर तेल, एक सय ५० प्याकेट नुन, चार सय ५० वटा नुहाउने र लुगाधुने साबुन र एक सय ५० कार्टुन चाउचाउ लगायतका खाद्यान्नहरु सहयोग गरेको हो ।
बुधबार मटिहानी नगरपालिका–६ मा लागेको उक्त आगोले एक सय भन्दा बढी घर पूर्णरुपमा जलेर खरानी भएका छन् भने ५० जति अन्य घरमा समेत क्षति पुगी १५ करोडभन्दा बढीको धनमाल क्षति भएको अनुमान गरिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies