काठमाडौं : नेपालले भारतको रणजी ट्रफी खेल्ने गुजरात र बरोडासँग टी–२० फ्रेन्डसिप कप खेल्ने भएको छ । नेपाल क्रिकेट संघ (क्यान)ले गुजरात र बरोडासँग भारतको गुजरातको भापीमा हुने टी–२० फ्रेन्डसिप कपको खेल तालिका सार्वजनिक गरेको हो ।
नेपालले आगामी टी–२० क्रिकेट विश्वकपको तयारी स्वरूप यो फ्रेन्डसिप कप खेल लागेको हो । मार्च ३१ देखि अप्रिल ७ सम्म हुने यस टी–२० कप त्रिकोणीय सिरिज हुने छ ।
मार्च ३१ मा गुजरातविरुद्ध खेल्दै नेपालले टी–२० सिरिजको शुरुवात गर्नेछ । डबल राउण्ड रोबिनका आधारमा शीर्ष दुई टिमले अप्रिल ७ मा फाइनल खेल्नेछन् । खेल तालिका अनुसार १ अप्रिलमा गुजरात र बरोडा, २ अप्रिलमा नेपाल र बरोडा, ३ अप्रिलमा नेपाल र गुजरात, ४ अप्रिलमा बरोडा र गुजरात, ५ अप्रिलमा नेपाल र बरोडा खेल्ने छन् ।
क्यानले नेपालको सिनियर टोलीसँगै स्टेट लेभल रणजी खेल्ने गुजरात र बरोडाको पहिलो रोजाईको टोली हुने बताएको छ । रणजी ट्रफी भारतको प्रिमियर घरेलु पहिलो क्लासको क्रिकेट प्रतियोगिता हो । जुन प्रतियोगिता भारतीय क्रिकेट बोर्डले हरेक वर्ष आयोजना गर्ने गर्छ । जसमा क्षेत्रीय र राज्य स्तरका क्रिकेट टिम सहभागी हुने गर्छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies