राहुल गुप्ता/मध्यान्ह
बारा : बाराको मटीअर्वा नाकाबाट सशस्त्र प्रहरीले ९ लाख ५० हजार भारतीय रुपैयाँसहित दुई नेपाली नागरिकलाई पक्राउ गरेको छ । विशेष सूचनाको अधारमा सशस्त्र प्रहरी नायव उपरीक्षक भवराज कटवालको कमाण्डमा खटिएको टोलीले ९ लाख ५० हजार भारतीय रुपैयाँसहित दुई नेपाली नागरिकलाई पक्राउ गरेको हो ।
कलैया उपमहानगरपालिका वडा नम्बर १० मटीअर्वामा मधेस प्रदेश ०३—०२५ प ३९३६ नम्बरको मोटरसाइकललाई शंका लागि चेकजाँच गर्दा स्रोत नखुलेको भारतीय रुपैयाँ बरामद गरिएको प्रहरीले जनाएको छ ।
पक्राउ पर्नेमा बारा श्रीनगर बैरिया वडा नम्बर ८ हाल पचरौता नगरपालिका वडा नम्बर ३ बस्ने ३२ वर्षीय श्यामबाबु सहनी र सोही ठाउँ बस्ने २२ वर्षीय भुलन पटेल रहेको प्रहरीले जनाएको छ । बरामद भएको ९ लाख ५० हजार भारतीय रुपैयाँसहित दुवै जनालाई अवाश्यक कारबाहीका लागि जिल्ला प्रहरी कार्यालयमा बुझाइएको सशस्त्र प्रहरीले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies