काठमाडौं : वैदेशिक रोजगारीका लागि युरोपेली मुलुक पोर्चुगल पठाइदिन्छु भनि ठगी गरेको उजुरीका आधारमा प्रहरीले नुवाकोट लिखुका रोजिन न्यौपानेलाई पक्राउ गरेको छ । हाल काठमाडौंको तारकेश्वर नेपालटार बस्ने न्यौपानेले निरज धमलासमेत ७ जनालाई वैदेशिक रोजगारीका लागि पोर्चुगल पठाइदिने र त्यसका लागि प्रतिव्यक्ति दश लाख रुपैयाँ लाग्ने बताएर १२ लाख रुपैयाँ लिएको उजुरीको आधारमा उनलाई पक्राउ गरिएको प्रहरीले बताएको छ ।
न्यौपानेले धमलासमेत ७ जनालाई पोर्चुगल पुगेपछि प्रतिष्ठित कृषि कम्पनीमा काम लगाइदिन्छु, मासिक एक लाख २० हजार रुपैयाँ तलब हुन्छ भनि प्रलोभनमा पारी उनीहरूबाट पटक–पटक गरी १२ लाख रुपैयाँ लिएर सम्पर्कविहीन भएको पीडितहरूले जाहेरीमा उल्लेख गरेका छन् ।
काठमाडौंको माछापोखरीबाट पक्राउ परेका न्यौपानेलाई वैदेशिक रोजगार ऐनअनुसार थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको प्रहरीले बताएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies