नवलपरासी पश्चिमको सीमाबाट अवैध मालसामान नियन्त्रण

रबिन्द्र यादव / मध्यान्ह

नवलपरासी पश्चिम, २५ असार । नवलपरासी पश्चिम जिल्लाको सीमावर्ती क्षेत्रबाट करिब २ लाख ६५ हजार रुपैयॉ बराबरको अवैध मालसामान बरामद गरेको छ ।बिहिवार बिहान ४:१५ बजेको समयमा गस्ती गर्दै जाने क्रममा नेपालबाट भारततर्फ भन्सार छली अवैधरुपमा लादै गरेको ७ बोरा क्यानेडियन (मटर) जिल्लाको प्रतापपुर गाउपालिका वडा नं. ५ स्थित भारतीय सीमा नजिकै ईलाका प्रहरी कार्यालय बेलाटारीबाट खटिएको प्रहरी टोलीले बरामद गरेको छ भने बिहीबार बिहान ५ बजेको समयमा प्रहरी चौकी बसहियाबाट खटिएको प्रहरी टोलीले गस्ती गर्दै जाने क्रममा भारतबाट नेपालतर्फ अवैध भन्सार छली युपी ५६ एए २७२९ नं. को भारतीय मोटरसाईकलमा ल्याउदै गरेको २ गाठ ( काचो कपडा र लेडिज सुट ) कपडाहरु प्रतापपुर गाउँपालिका वडा नं. ५ जन्नाथपुरबाट बरामद गरिएको छ । उक्त कपडा मोटरसाईकलमा ल्याउदै गरेको अवस्थामा प्रहरी टोलीलाई देखि मोटरसाईकल र कपडा बेवारिसे छाडि मानिस भागेका थिए ।

वरामद भएको ७ बोरा केराउ, कपडा तथा मोटरसाईकलको मुल्य दुई लाख पैसठ्ठी हजार रहेको छ । उक्त सामान आवश्यक कार्यवाहीको लागि महेशपुर भन्सार कार्यालय बुझाइएको नवलपरासी पश्चिमका प्रहरी नायब उपरीक्षक एव सूचना अधिकारी राजु लामाले जानकारी दिए । सीमा क्षेत्रमा तस्करी भएको गुनासो अाएपछि प्रहरीले आफ्नो सक्रियता बढाएको हो ।

नवलपरासी पश्चिमको सीमाबाट अवैध मालसामान नियन्त्रण

रबिन्द्र यादव / मध्यान्ह

नवलपरासी पश्चिम, २५ असार । नवलपरासी पश्चिम जिल्लाको सीमावर्ती क्षेत्रबाट करिब २ लाख ६५ हजार रुपैयॉ बराबरको अवैध मालसामान बरामद गरेको छ ।बिहिवार बिहान ४:१५ बजेको समयमा गस्ती गर्दै जाने क्रममा नेपालबाट भारततर्फ भन्सार छली अवैधरुपमा लादै गरेको ७ बोरा क्यानेडियन (मटर) जिल्लाको प्रतापपुर गाउपालिका वडा नं. ५ स्थित भारतीय सीमा नजिकै ईलाका प्रहरी कार्यालय बेलाटारीबाट खटिएको प्रहरी टोलीले बरामद गरेको छ भने बिहीबार बिहान ५ बजेको समयमा प्रहरी चौकी बसहियाबाट खटिएको प्रहरी टोलीले गस्ती गर्दै जाने क्रममा भारतबाट नेपालतर्फ अवैध भन्सार छली युपी ५६ एए २७२९ नं. को भारतीय मोटरसाईकलमा ल्याउदै गरेको २ गाठ ( काचो कपडा र लेडिज सुट ) कपडाहरु प्रतापपुर गाउँपालिका वडा नं. ५ जन्नाथपुरबाट बरामद गरिएको छ । उक्त कपडा मोटरसाईकलमा ल्याउदै गरेको अवस्थामा प्रहरी टोलीलाई देखि मोटरसाईकल र कपडा बेवारिसे छाडि मानिस भागेका थिए ।

वरामद भएको ७ बोरा केराउ, कपडा तथा मोटरसाईकलको मुल्य दुई लाख पैसठ्ठी हजार रहेको छ । उक्त सामान आवश्यक कार्यवाहीको लागि महेशपुर भन्सार कार्यालय बुझाइएको नवलपरासी पश्चिमका प्रहरी नायब उपरीक्षक एव सूचना अधिकारी राजु लामाले जानकारी दिए । सीमा क्षेत्रमा तस्करी भएको गुनासो अाएपछि प्रहरीले आफ्नो सक्रियता बढाएको हो ।

भारतीय न्यूज च्यानलहरु नेपालमा बन्द

काठमाडौं : भारतीय न्यूज च्यानलहरु नेपालमा बन्द भएका छन् । केही समययता नेपालकाविरुद्ध जथाभावी प्रचारबाजी गरिरहेका भारतीय न्यूज च्यानलहरुको प्रसारण नेपालमा बन्द गरिएको हो ।

विदेशी च्यानल वितरक मल्टी सिस्टम अपरेटर (एमएसओ)ले बिहीबार साँझदेखि दूरदर्शनबाहेक सबै भारतीय न्युज च्यानलको प्रसारण रोकेको बताएको छ ।

सार्वजनिक यातायात चल्न दिने सरकारको निर्णय, भाडा ५० प्रतिशत बढाएर लिन पाउने

काठमाडौं : सरकारले लकडाउन थप खुकुलो बनाउदै भाडाका सवारी साधन सञ्चालन गर्ने अनुमति दिने निर्णय गरेको छ । सञ्चार मन्त्रालयमा आयोजित नियमित पत्रकार सम्मेलनमा सरकारका प्रवक्ता युवराज खतिवडाले काठमाडौं उपत्यकाभित्रका तीन जिल्लामा सार्वजनिक सवारी चलाउन दिने निर्णय भएको जानकारी दिएका हुन् । उनका अनुसार अन्य जिल्लाहरुमा पनि जिल्लाभित्र सार्वजनिक सवारी साधन चल्न दिने निर्णय भएको छ ।

लामो दूरीमा चल्ने र काठमाडौं उपत्यका बाहिर अन्तरजिल्ला चल्ने सार्वजनिक सवारीलाई भने चल्न लगाइएको रोक यथावत छ । यात्रुबाहक सार्वजनिक यातायातमा सिट क्षमताको बढीमा पचास प्रतिशतसम्म हुने गरी मात्रै यात्रु चढाउन पाउने ब्यवस्था गरिएको छ । क्षमता भन्दा कम यात्रु बोक्नुपर्ने भएकाले ट्याक्सी बाहेक अन्य सवारी साधनले प्रचलित भाडादरमा ५० प्रतिशत भाडा थप गरेर लिन पाउने व्यवस्था पनि मन्त्रीपरिषदले गरेको छ ।

भाडाका सवारी साधनमा एक पंक्तिमा सामाजिक दूरी कायम हुने गरी यात्रु राख्ने र सबै यात्रुले अनिवार्य रुपमा मास्कको प्रयोग गर्ने, सवारी साधनको ढोकामा र भित्र सेनिटाइजरको व्यवस्था गर्नुपर्ने नियम लागू गरिएको छ । त्यस्तै चालक तथा सहचालकले अनिवार्यरुपमा मास्क, भाइजर र पञ्जा लगाउने र दैनिकरुपमा सवारी साधन निसंक्रमित गर्ने गरी सवारी साधन सञ्चालन गर्नुपर्ने निर्णय सरकारले गरेको हो ।

मोटरसाइकल सहित निजी सवारी साधनले पनि चालक बाहेक थप दुई जना बोक्न पाउने व्यवस्था गरिएको छ । एकै परिवारको भए ५ वर्षसम्मको बालबालिका चढ्न पाउने निर्णय गरिएको छ । त्यसैगरी ट्याक्सीमा चालकबाहेक बढीमा २ जनासम्म र परिवारभित्रको भए ५ वर्षसम्मको बालबालिकालाई पनि चढ्न दिने निर्णय भएको छ ।

नेपालमा थपिए १०८ कोरोना संक्रमित, संक्रमितको संख्या १६ हजार ५३१ पुग्यो

काठमाडौं : नेपालमा थप १०८ जनामा कोरोना संक्रमण पुष्टि भएको छ । देशका विभिन्न प्रयोगशालामा गरिएको परीक्षणमा थप १०८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

योसँगै नेपालमा कोरोना संक्रमितको संख्या १६ हजार ५३१ पुगेको मन्त्रालयले बताएको छ ।

नेपालको नयाँ नक्साको विरोध गर्दै भारतले कूटनीतिक नोट पठाएको खुलासा

काठमाडौं : नेपालले लिम्पियाधुरा–लिपुलेक–कालापानीसहितको नयाँ नक्सा प्रकाशित गरेकोमा भारतले असन्तुष्टि जनाउँदै कूटनीतिक नोट पठाएको तथ्य खुलेको छ। आज राष्ट्रिय सभाको प्रत्यायोजित व्यवस्थापन तथा सरकारी आश्वासन समितिको वैठकमा सो कुरा खुलेको हो ।

समितिका सभापति रामनारायण बिडारीले नेपालले नयाँ नक्सा जारी गरेकोमा असहमति जनाउँदै भारतले असार १० गते कूटनीतिक नोट पठाएको जानकारी दिएका हुन् । भारतले कूटनीतिक नोट पठाएको बारे परराष्ट्र मन्त्रालयले समितिलाई जानकारी गराएको उनले बताए ।

नेपालले नक्सा जारी गरेपछि भारतले कूटनीतिक नोट पठाएको विवरण परराष्ट्र मन्त्रालयले भने सार्वजनिक गरेको छैन । नेपालले नयाँ नक्सा सार्वजनिक गरि त्यस अनुसार निशान छाप परिमार्जन गर्नका लागि संविधान संशोधन गरेको थियो । सीमा विवाद समाधानका लागि नेपालले लगातार वार्ताका लागि प्रस्ताव गरे पनि भारतले आलटाल गर्दै आएको छ।

नवनियुक्त आईजीपी थापाले लगाए दर्ज्यानी चिन्ह

काठमाडौं : नवनियुक्त प्रहरी महानिरीक्षक शैलेश थापा क्षेत्रीले दर्ज्यानी चिन्ह लगाएका छन् । गृहमन्त्रालयमा आज आयोजित एक कार्यक्रममा गृहसचिव महेश्वर न्यौपानेले थापालाई दज्र्यानी चिन्ह प्रदान गरेका हुन् । दर्ज्यानी चिन्ह प्रदान गर्दै गृहसचिव न्यौपानेले कानूनको पालनाका सन्दर्भमा निर्मम हुन र गलत प्रवृत्ति अन्य गर्न सक्रियता देखाउन प्रहरी प्रमुख क्षेत्रीलाई आग्रह गरे ।

नवनियुक्त प्रहरी महानिरीक्षक क्षेत्रीले देश, जनता र सरकारको निःस्वार्थ सेवाका लागि प्रतिबद्ध रहेको बताए । उनले कानूनले तोकिएको जिम्मेवारी इमान्दारितापूर्वक निभाउने पनि बताए ।

उनले जीवनमै नसिकेको स्वास्थ्य महामारीको चपेटामा मुलुक रहेकाले सङ्क्रमण रोक्न सिक्दै अघि बढ्ने बताए । प्रहरी समायोजनलाई सही निष्कर्षमा पु¥याउनेसमेत उनले प्रतिबद्धता जनाएका छन् । क्षेत्रीले आजै प्रहरी प्रधान कार्यालय नक्साल पुगेर कार्यभार ग्रहण गरेका छन । थापा मंगलबार नेपाल प्रहरीको २८ औं प्रहरी महानिरीक्षकमा नियुक्त भएका हुन् ।

आईजीपी ठाकुरप्रसाद ज्ञवाली ३० वर्षे सेवा हदका कारण बुधबारदेखि अनिवार्य अवकाशमा जाने भएपछि सरकारले थापालाई वरिष्ठताका आधारमा प्रहरी महानिरीक्षकमा बढुवा गर्ने निर्णय गरेको हो । २०४९ साल वैशाख १९ गते प्रहरी निरीक्षकबाट सेवा प्रवेश गरेका थापाले २०७९ वैशाख १८ गते सम्म प्रहरीको नेतृत्व गर्नेछन् ।

सुदूरपश्चिममा कोरोनाको संक्रमित चार हजार

धनगढी : सुदूरपश्चिम प्रदेशमा बुधबार थप ६७ जनमा कोरोना भाइरस सङ्क्रमणको पुष्टि भएपछि प्रदेशमा कूल सङ्क्रमित तीन हजार ७१७ पुगेको छ । सामाजिक विकास मन्त्रालय स्वास्थ्य महाशाखाका प्रमुख नरेन्द्रसिंह कार्कीका अनुसार बुधबार राष्ट्रिय जनस्वास्थ्य प्रयोगशाला र सेती प्रादेशिक अस्पतालमा गरिएको नमूना परीक्षणमा कैलाली, कञ्चनपुर, अछाम, बझाङ, बैतडी, दार्चुला र डोटी जिल्लाका गरी थप ६७ जनामा कोरोना भइरसको सङ्क्रमण भएको पुष्टि भएको बताए ।

प्रदेशको राजधानी जिल्ला कैलालीमा सबैभन्दा बढी ९८६ सङ्क्रमित पुगेका छन् । योसँगै कैलाली जिल्ला देशभरमै सम्भतः सबैभन्दा बढी कोरोना सङ्क्रमित जिल्लाका रूपमा देखिएको छ । यसैगरी बुधबारसम्म कञ्चनपुरमा ४४०, डोटीमा ५३३, डडेलधुरामा २६९, बाजुरामा ४४४, बैतडीमा २९७, बझाङमा १४३, अछाममा ५८७ र दार्चुलामा १८ सङ्क्रमित पुगेका छन् । बुधबार मात्रै अछामबाट ५५ डिस्चार्ज भई घर फर्किएका छन् । यो समेत गरेर प्रदेशमा हालसम्म ९९३ डिस्चार्ज भई घर फर्किसकेका छन् ।

कोभिड–१९को सङ्क्रमणका कारण सुदूरपश्चिम प्रदेशमा हालसम्म सात जनाको मृत्यु भएको छ । पछिल्ला केही दिनयता प्रदेशमा सङ्क्रमित हुनेको सङ्ख्या दैनिक घट्दै गएको देखिएको छ । समाजिक विकास मन्त्रालय स्वास्थ्य महाशाखाका अनुसार असार १९ गते सबैभन्दा बढी ४८४ जनामा र असार १८ गते ३३३ जनामा सङ्क्रमण देखिएको पुष्टि भएकामा त्यसयताका दिनमा सङ्क्रमित फेला पर्ने सङ्ख्या घट्दै गएको छ ।

जबकि असार २० देखि २४ गतेसम्मको चार दिनको अवधिमा जम्मा ३०४ मा कोरोनाको सङ्क्रमण भएको पुष्टि भएको छ । सङ्क्रमित हुनेमध्ये सबैभन्दा बढी २० देखि २९ वर्ष उमेरका युवायुवती एक हजार २६९ पुगेका छन् । यस्तै नौ वर्षसम्मका १६९ बालबालिक सङ्क्रमित भएका छन् । यद्यपि कोरोना सङ्क्रमणको जोखिम अझै यथावत रहेको स्वास्थ्यकर्मीको भनाइ छ ।

प्रदेशमा पहिलोपटक गएको चैत १४ गते पहिलो कोरोना सङ्क्रमित भेटिएका थिए । वैशाख महिना शुरु हुँदासम्म पाँच सङ्क्रमित फेला परेकामा त्यसपछि झण्डै एक महिनासम्म नयाँ सङ्क्रमणको दर स्थिर देखिएको थियो । हालसम्म पिसीआर पद्धतिबाट २४ हजार ८८४ को स्वाबको नमूना जाँच भइसकेकामा एक हजार २०३ नमूनाको नतिजा आउन बाँकी छ । यस्तै आरडिटी पद्धतिबाट हालसम्म एक लाख १७ हजार १६८ नमूनाको जाँच भइसकेको छ । बन्दबन्दी खुकुलो पारिएसँगै सर्वसाधारणको चहलपहल र भीडभाड बढ्दै जाँदा रोगको जोखिम पनि बढ्ने देखिएको कतिपयको बुझाइ छ ।

आजदेखि चार दिनसम्म ठूलो पानी पर्ने सम्भावना, देशैभर बाढी, पहिरोको जोखिम

काठमाडौं : आजदेखि चार दिनसम्म ठूलो पानी पर्ने सम्भावना भएकाले सतर्क रहन सरकारले आग्रह गरेको छ । गृह मन्त्रालय अन्तर्गतको राष्ट्रिय विपद् जोखिम न्यूनीकरण तथा व्यवस्थापन प्राधिकरणले चार दिनसम्म ठूलो पानी पर्ने भएकाले बाढी, पहिरो र डुबानको जोखिम हुने भन्दै सतर्कता अपनाउन आग्रह गरेको हो ।

आजदेखि आइतबारसम्म प्रदेश १, २, बागमती र गण्डकी प्रदेशमा धेरै पानी पर्ने अनुमान गरिएको छ । पहाडी क्षेत्रमा साना खोला, खहरे, नदी र तालमा बाढी आउने सम्भावना छ । कतिपय ठाउँमा पहिरो पनि जान सक्ने भन्दै सतर्क रहन आग्रह गरिएको छ ।

आइतबारसम्म कन्काई, कोशी, कमला, वाग्मती, नारायणी र यसका सहायक नदीमा पानीको सतह बढ्ने अनुमान गरिएको छ । प्रदेश १ र २ का चुरे तथा तराई भएर बस्ने खोला तथा नदीहरुमा ठूलो बाढी आउनसक्ने हुनाले यस क्षेत्रका बासिन्दाहरुलाई थप सर्तक रहन आग्रह गरिएको छ ।

झापा, मोरङ, सुनसरी, सप्तरी, धनुषा, महोत्तरी, सिराहा, सर्लाही, बारा, पर्सा, रौतहट, चितवन लगायतका जिल्लाका होचा ठाउँमा डुबानको खतरा औल्याइएको छ । हाल दुधकोशी नदी रबुवाबजार, खोटाङ बाढी मापन केन्द्रमा जलसतहले सतर्कता तह पार गरेको र बढ्दो रहेको, खतरा तह आसपास समेत पुग्न सक्ने अनुमान गरिएको छ ।

संक्रमित सरकार, त्रसित सर्वसाधरण

काठमाडौं : बुधबार राजधानी उपत्यकामा २३ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयलका अनुसार, काठमाडौं १६ रर ललितपुरमा सात जनामा संक्रमण देखिएको छ । यो सँगै उपत्यकामा संक्रमित संख्या २९० पुगेको छ । 

मन्त्रालयका अनुसार, १७ हजार विदेशबाट आएका छन् । त्यस मध्ये ३५ प्रतिशतको मात्रै पीसीआर परीक्षण गरिएको छ । संक्रमित मध्ये तीन प्रतिशतको ट्राभल हिस्ट्री फेला पर्न सकेको छैन । अर्थात्, यसले पक्कै चिन्तित बनाएको छ । राजधानी उपत्यका सहित देशभर बुधबार २५५ जनामा संक्रमण पुष्टि भएको छ । 

बुधबार आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा देशभरिका २५ वटा प्रयोगशालामा चार हजार ६९६ जनाको नमूना परीक्षण गर्दा उक्त संखयामा कोरोना संक्रमण पुष्टि भएको जानकारी दिए । यो सँगै संक्रमितको संख्या १६ हजार ४२३ पुगेको छ । 

प्रवक्ता डा गौतमका अनुसार अहिलेसम्म दुई लाख ६६ हजार ४५७ जनाको नमूना परीक्षण भइसकेको छ । हाल क्वारेन्टिनमा २५ हजार ४० जना र आइसोलेशनमा आठ हजार ६३६ जना रहेका छन् । कोभिड–१९ बाट संक्रमित मुक्त भई गत २४ घण्टामा डिस्चार्ज हुनेको संख्या २५३ छ । हालसम्म डिस्चार्ज हुनेको संख्या सात हजार ७५२ रहेको छ । जम्मा संक्रमितमध्ये ४७ दशमलव दुई प्रतिशत निको भएको उनले बताए । 

सरकारले भने सार्क देश मध्ये कोरोना परीक्षण दर प्रति दश लाख जनसंख्यामा नेपाल अफगानिस्तान, पाकिस्तान, भारत, श्रीलंका र बंगलादेशभन्दा अगाडि रहेको दावी गर्दै आएको छ । सरकारी दावी अनुसार, एक ठाउँबाट शुरु भएको पीसीआर परीक्षण अहिले देशभर २५ वटा प्रयोगशालाबाट गरिन्छ । 

प्रवक्ता डा गौतमका अनुसार सार्क मुलुक मध्ये नेपालमा प्रति दश लाखमा एक जनाको मात्र मृत्यु भएको छ । बुधबारसम्म संक्रमणबाट ३५ जनाको मृत्यु भएको छ । कोभिड–१९ का कारण प्रति दश लाखमा अफगानिस्तानमा २४, बंगलादेशमा १३, श्रीलंकामा ०.५, पाकिस्तानमा २२ र भारतमा १५ जनाको मृत्यु भएको छ । 

तथ्यमा तुलनात्मक राम्रो गरेको यस्तो दावी सँगै राजधानी उपत्यका सहित देशभर संक्रमित भेटिन छोडेको छैन । विशेषगरी राजधानी उपत्यकामा भेटिएका संक्रमितका कारण सर्वसाधरण त्रसित छन् । किनभने, राजधानी उपत्यका बढी जनसंख्या भएको शहर हो । तर, सरकार भने नेकपाभित्रको आन्तरिक कलहमा फसेको छ । गएको असार १० गतेदेखि सरकारको ध्यान नेकपा विभाजन रोक्नेतिर देखिएका छन् । महामारी व्यवस्थापन गर्न बनेको उच्च स्तरीय समिति पूर्णतः निष्कृय छ भने सीसीएमसीको बैठक नबसेको एक हप्ता पुग्न लागेको छ ।