ओबराज शाही/मध्यान्ह
हुम्ला : हुम्लाको सिमकोट गाउँपालिकाभित्रका दुई वटा वडाका गर्भवती महिलाको घरमै गएर अल्ट्रासाउण्ड र भिडियो एक्सरे गरिएको छ । सिमकोट गाउँपालिका स्वास्थ्य शाखाको आयोजनामा गर्भवती महिलाको गाउँमै पुगेर अल्ट्रासाउण्ड र भिडियो एक्सरे गरिएको स्वास्थ्य शाखाका वरिष्ठ अनमी मनमाया शाहीले बताइन् ।
शाहीका अनुसार सिमकोट गाउँपालिकाको वडा नं. ८ स्याँडा र वडा नं. ७ डाडाँफयाका विभिन्न गाउँ टोलमा गएर २० जना गर्भवती महिलाको अल्ट्रासाउण्ड र भिडियो एक्सरे गरेको बताइन् । अल्ट्रासाउण्ड र भिडियो एक्सरे एकै दिनमा गरिएको थियो ।
आइतबार वडा नं.८ को स्याँडाका ६ जना, सोही वडाको खोल्सी गाउँका ८ जना गर्भवती महिलाको एकैसाथ स्वास्थ्य चौकी र गर्भवती महिलाको घरमै गएर अल्ट्रासाउण्ड र भिडियो एक्सरे गरिएको हो ।
यस्तै वडा नं.७ डाडाँफया २ जना र सोही वडाको चौंगनफयमा ४ जना गर्भवती महिलाको अल्ट्रासाउण्ड र भिडियो एक्सरे गरेको सिमकोट स्वास्थ्य शाखा स्रोतले जनाएको छ ।
गाउँपालिका स्वास्थ्य शाखा प्रमुख नर भण्डारीले सिमकोट गाउँपालिका सबै वडामा यो कार्य गरिने बताए । गर्भवती महिलाको बच्चा कस्तो छ, कसरी चल्छ, अपांग छ कि छैन ?, उल्टो छ कि जस्ता जटिल समस्या हेर्नको लागि महिनाको एक पटक अल्ट्रासाउण्ड र भिडियो एक्सरे गरिएको प्रमुख भण्डारीले बताए ।
उनका अनुसार यो कार्य घरदैलोमा सञ्चालन हुँदा गर्भवती महिलाको समय बचत हुने, आर्थिक भार भेल्नु नपर्ने, न्यून आयस्रोत भएका महिलाहरुले पनि स्वास्थ्य लाभ लिन सक्ने हेतुले गाउँपालिकाले घरदैलोमै कार्यक्रम सञ्चालन गरेको हो । सिमकोट गाउँपालिकाका ८ वटै वडामा यो अभियान सञ्चालन हुँदै आएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies