काठमाडौँ : नेपाली कांग्रेसका युवा नेता, महासमिति सदस्य, चलचित्र निर्माता तथा निर्देशक मदुकुमार श्रेष्ठले विश्वभर महामारीको रुपमा फैलिएको कोरोना भाइरस (कोभिड-१९) को चपेटामा पीडित धादिङका करिब २५० घर परिवारलाइ खाद्यान्न सामाग्री राहत स्वरुप वितरण गरेका छन् ।
दैनिक ज्याला मजदुरी गरेर आफ्नो परिवार पाल्दै आएका तथा अति न्यून आय भएका पिछडिएका चेपाङ्ग र दलितहरुको पहिचान गरि उनले चामल, दाल, नुन जस्ता अति आबश्यक खानेकुरा विभिन्न स्थानमा पुगेर आफैले वितरण गरेका हुन् ।
उनले यस भन्दा अगाडी पनि मास्क र साबुन उक्त क्षेत्रमा वितरण गरेका थिए । चुनाबको बेला मात्र नेताहरु गाउँ घरमा पुग्ने र आश्वासन दिने परिपाटी चल्दै आएको सन्दर्भमा युवा नेता श्रेष्ठ आफ्नै घर आँगनमा आएर यसरी राहत वितरण गरेकोमा स्थानीयबासिहरु हर्षित भएका थिए ।
आफ्नो क्षेत्रका जनताहरुले खानाको समस्या भोग्दै आएको खबर सुने पछि श्रेष्ठले स्थानीय जनता मार्फत पीडितहरुको पहिचान गरि विश्व स्वास्थ्य संगठनको आधारभूत नियमहरु पालनागरि सुरक्षित तबरबाट राहत सामग्री वितरण गरेका थिए । लकडाउनको अबस्थामा दैनिक मजदुरी गरेर गुजारा चलाइरहेका परिवारलाई कठिनाइ परेको हुँदा उनले जनताको घरदैलोमा पुगी राहत सामग्री हस्तान्तरण गरेका हुन् ।
नेपाल सरकारलेसमेत दैनिक ज्याला मजदुरी गर्ने निम्न आय भएका घर परिवार तथा व्यक्तिहरुको पहिचान गरि राहत सामग्री वितरण गर्न राहत प्याकेज घोषणा गरेको अबस्थामा स्थानीय सरकारले चाँडो भन्दा चाँडो पीडितहरुलाई राहत वितरण गर्न सहजीकरण गरोस भन्ने उदेश्यले स्थानीय सरकारलाई घच-घच्याउन पनि राहत वितरण गरेको युवा नेता श्रेष्ठले बताए ।
उक्त अवसरमा धादिङ क्षेत्र न १ मा पर्ने धुनबेसी नगरपालिका, थाक्रे गाउँपालिका, गल्छी गाउँपालिका, गजुरी गाउँपालिका, बेनिघाट रोराङ गाउँपालिकालगायत अन्य क्षेत्रका जननिर्वाचित स्थानीय प्रमुखहरुलाई भेटि उक्त क्षेत्रका जनताहरुले भोग्नु परेका साझा समस्याहरु अबगत गराउँदै यथासक्य पीडित परिवारलाई राहत सामग्री वितरण गर्न नेता श्रेष्ठले ज्ञापन पत्रमार्फत ध्यानाकर्षण समेत गराएका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies