भारत : भारतमा एकै दिन झण्डै बीस हजार कोरोना भाइरसका संक्रमित थपिएका छन् । पछिल्लो २४ घण्टामा भारतमा कोरोना भाइरसका १९ हजार ९०६ नयाँ संक्रमित थपिएका हुन् ।
योसँगै भारतमा कोरोना संक्रमितको संख्या पाँच लाख २८ हजार ८ सय ५९ पुगेको छ । भारतमा नौ दिनदेखि दिनहुँ १५ हजारको हाराहारीमा नयाँ संक्रमित थपिदै गएका छन् । भारतमा कोरोना संक्रमणबाट मृत्यु हुनेको संख्या पनि १६ हजार नाघेको छ ।
भारतमा हालसम्म १६ हजार ९५ जनाको मृत्यु भएको त्यहाको स्वास्थ्य मन्त्रालयले जनाएको छ । कोरोनावाट भारतको महाराष्ट्र सबैभन्दा प्रभावित छ । महाराष्ट्रमा मात्रै ७ हजार २ सय भन्दा बढीको मृत्यु भएको छ । एक लाख ५९ हजार भन्दा बढी संक्रमित भएका छन् ।
त्यस्तै दिल्लीमा ८० हजार, तामिलनाडुमा पनि ७८ हजार, उत्तर प्रदेशमा २१ हजारमा संक्रमण पुष्टि भएको छ । संक्रमितमध्ये तीन लाख नौ हजार निको भएर घर फर्केका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies