काठमाडौं : सरकारले लकडाउनको समय थप गर्ने घोषणा गरेसँगै ट्याक्सी व्यवसायी आन्दोलित बनेका छन् । साउन सातसम्म लकडाउन थप गरेर सरकारले काम गर्न नदिएर भोकभोकै मार्न खोजेको भन्दै उनीहरुले आज काठमाडौंमा प्रदर्शन गरेका हुन् ।
ट्याक्सी चालकहरुले काठमाडौंको बानेश्वर तीनकुने सडकमा प्लेकार्ड सहित प्रदर्शन गरेका हुन् । उपत्यका ट्याक्सी विशेष समितिले सार्वजनिक यातायात सञ्चालन गर्नुपर्ने भन्दै यातायात व्यवस्था विभागलाई ज्ञापनपत्र समेत बुझाएको छ ।
ट्याक्सी ब्यवसायीले सुरक्षा अपनाएर निर्वाध काम गर्न दिनुपर्ने माग अघि सारेका छन् । कोरोना भाइरसको रोकथाम तथा नियन्त्रणका लागि भन्दै सरकारले सार्वजनिक यातायात सञ्चालनमा रोक लगाएको छ । जसका कारण चैत ११ गतेदेखि ट्याक्सी सञ्चालनमा आएका छैनन् ।
प्रदर्शनमा उत्रिएका ३ सय बढी ट्याक्सीलाई ट्राफिक प्रहरीले नियन्त्रणमा लिएको छ । केशरमहल, सिंहदरबार, जावलाखेल, कोटेश्वर, गौशाला, महाराजगञ्ज, गोंगबु लगायतका क्षेत्रबाट ती ट्यक्सीहरुलाई नियन्त्रणमा लिइएको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies