काठमाडौं: बाराको कलैया उपमहानगरपालिका–१ भवानीपुरस्थित नव जन्म पुनर्स्थापना केन्द्रमा कुटपिट हुँदा एक जनाको मृत्यु भएको छ । मृत्यु हुनेमा कलैया उपमहानगरपालिका–९ का धिरेन्द्र भनिने प्रदिप प्रसाद मण्डल रहेको जिल्ला प्रहरी कार्यालय बाराले जनाएको छ ।
प्रहरीका अनुसार मण्डलको राति २ बजेतिर केन्द्रका अन्य व्यक्तिसँग वादविवाद पछि कुटाकुट भएको थियाे । कुटपिटपछि घाइते भएका उनलाई उपचारका लागि प्रादेशिक अस्पताल कलैया लगिएकोमा चिकित्सकले मृत्यु घोषणा गरेका थिए ।
कुटपिटमा संलग्न अन्य ७ जनालाई प्रहरीले पक्राउ गरेको छ । मृतक मण्डल सुधार केन्द्रमा १५ दिनअघि मात्रै भर्ना भएका थिए । उनको शव पोस्टमार्टमका लागि अस्पतालमै राखिएको प्रहरीले जनाएको छ ।
