काठमाडौं : दाङको लमहीमा जारी प्रधानमन्त्री कप महिला राष्ट्रिय क्रिकेटमा आज सेमिफाइनलको खेल हुँदै छ । बिहीबार समूह चरणका खेल सकिएपछि शुक्रबार एक दिन रेस्ट दिइएको थियो ।
आठ टिम सहभागी यस प्रतियोगितामा विभागीय क्लब एपीएफ, प्रदेश एक, लुम्बिनी र सुदूरपश्चिम सेमिफाइनलमा पुगेका छन् । आज हुने पहिलो खेलमा समूह ए को विजेताको हैसियतले एपीएफले समूह बीको उप विजेता सुदूरपश्चिमसँग प्रतिस्पर्धा गर्ने छ ।
यसैगरी दिउँसो हुने अर्को खेलमा समूह बीको विजेता प्रदेश एकले समूह ए को उप विजेता लुम्बिनीसँग प्रतिस्पर्धा गर्ने छ । पहिलो खेल विहान साढे ९ तथा दोस्रो खेल दिउँसो सवा एक बजेदेखि शुरुहुने छ ।
आजको विजेता टिमले आइतबार उपाधिका लागि प्रतिस्पर्धा गर्ने छन् । राष्ट्रिय खेलकुद परिषद् राखेपको आयोजना तथा नेपाल क्रिकेट संघ क्यानको प्रादेशिक संरचना लुम्बिनी प्रदेशको व्यवस्थापनमा भएको प्रतियोगिताको विजेताले नगद ५ लाख प्राप्त गर्ने छ ।
उप विजेताले तीन लाखमा चित्त बुझाउँदा सेमिफाइनलमा पराजित हुने दुई टिमले २५–२५ हजार प्राप्त गर्ने छन् । प्रतियोगितालाई सगरमाथा सिमेन्ट प्रा.लिले प्रयोजन गरेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies