काम चलाउ प्रधानमन्त्री केपी शर्मा ओली आमसञ्चार क्षेत्रप्रति लगातार आक्रोशित बन्दै देखिन्छन् । विहीबार राष्ट्रियसभा गृहमा भएको एक कार्यक्रमको अधिकांश सम्बोधन सञ्चार क्षेत्रमै केन्द्रीत बन्यो । आफू निकट पत्रकारहरुको भेलामा प्रमुख बक्ता रहेका ओलीले मिडिया क्षेत्रलाई पढाउनेगरी प्रस्तुत भए । विशेषगरी मिडिया क्षेत्रले प्रयोग गर्ने भाषा देखि अन्तर्वस्तुसम्म ओली केन्द्रीत भए । ओलीले भाषा प्रयोगमा राजतन्त्र कालीन समय सम्झेका थिए । उनले राजतन्त्रमा प्रयोग हुने भाषाको उदाहरण दिएका थिए । त्यसबेला राजा, दरबार, राजाकी श्रीमति, छोराछोरीका लागि प्रयोग शब्दको तह सम्झाएका थिए । खाना खानुहोस्को ठाउँमा ज्वुनार गरिबक्स्यो । जानुभयो भन्नु नपाइने सवारी भयो । जस्ता शब्द प्रयोग हुने गरेको भए पनि अहिले (गणतन्त्रमा) त्यो किसिमको भाषा प्रयोग नभएको ओलीको चित्त दुखाइ थियो । उनले अहिले सवैलाई तिमी भनेर नेपाली पत्रकारहरुले सभ्यता बिर्सिएको आरोप लगाए ।
बाआमा, हजुरआमालाई पनि तिमीको भाषा प्रयोग गर्नु मामुली कुरा नभएको तर्क गरे । यसअघि पनि ओलीले नेपाली पत्रकारहरुले तिमी भनेर हेप्ने भाषा प्रयोग गर्ने गरेको टिप्पणी गर्ने गरेका थिए । त्यसोत मिडिया क्षेत्रले नेगेटिभ मात्रै देख्ने र सरकारले गरेको राम्रो कामको पनि प्रशंसा नभएको ओलीको टिप्पणी हुने गरेको छ । विहीबार त ओलीले त्यस्ता पत्रकार नर्कमा जाने समेत भन्न छुटाएनन् । अर्थात्, ओलीले आफूलाई राजतन्त्रकालीन शब्दले सम्बोधन गरियोस् भन्ने प्रष्ट सन्देश दिन खोजेका सन्देश दिए । तर ओलीले गणतन्त्रमा जनतामै सार्वभौम भएकाले व्यक्ति विशेषलाई राजामहाराजालाई जसरी सम्मान आवश्यक नपर्ने चाहिँ भुलेको देखिन्छ ।
यदि, त्यस्तो सन्देह नगर्ने हो भने पनि ओलीको मनोविज्ञान तानाशाहतिर केन्द्रीत गर्दै लगेको समेत पुष्टि गर्ने खोजेको देखिन्छ । यो त संविधानकै भावना बिपरीत हो । किनभने, लोकतान्त्रिक गणतन्त्रलाई अवलम्बन गर्ने नेपालको संविधानको दृष्टिमा कोही पनि ठूलोसानो छैनन्, सबै बराबर हुन् । ओलीले भने आफूलाई यसरी पोट्रेड गर्दैछन् कि उनको राजा भन्दा कम ठानेका देखिदैन । मिडिया मात्रै नभएर आफ्नो विरोध गर्ने कसैलाई पनि नछोड्ने जस्तो प्रवृत्ति ओलीले प्रस्तुत गर्दैछन्, यसले व्यवस्था विरोधी मनोविज्ञान उनमा सवार भएको प्रमाणित हुन्छ । लोकतान्त्रिक गणतन्त्रको संस्कारको चरम अभाव देखिन्छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies