काठमाडौं : नेपाल लोकतान्त्रिक वैदेशिक रोजगार व्यवसायी एसोसिएसनले रिक्त रहेको कार्यसमितिको तृतीय उपाध्यक्षमा प्रुडेन्सियल ओभरसीज प्रा.लि.का सञ्चालक नारायण पराजुली र डाइनामिक ग्लोवल एच आर प्रा.लि.का संचालक मछिन्द्रनाथ शेर्मालाई सह सचिव पदमा मनोनित गरेको छ । एसोसिएसनको गत साधारणसभामा भएको विधान संशोधनले संस्थाको नाम परिवर्तनसहित पदाधिकारीमा दुई पद सिर्जना गरेको थियो ।
एसोसिएसनले अधिवक्ता दुर्गा दत्त पाण्डेलाई कानूनी सल्लाहकारमा मनोनित गरेको छ । त्यसैगरी एसोसिएसनले संस्था स्थापना दिवसको उपलक्ष्यमा उपयुक्त समय मिलाएर रक्तदान लगायतका कार्यक्रम गर्ने निर्णय गरेको महासचिव भवानी निरौलाले जानकारी दिए ।
