-विमुन्स पौडेल, पोखरा, कास्की
विलय यो हुन जान्छ जिया पनि
गदरले लुटिलान्छ तिया पनि
मनहरूसँग दुःख सकिन्न है
समयका सँग जिस्किनु हुन्न है ।१।
पगहरू पथमा छ निरन्तर
पथ छ भ्रष्ट भने न छ अन्तर
कहर वीज पलाउनु हुन्न है
समय बेगर प्राप्त गरिन्न है ।२।
नद बगे पनि मर्छ कहाँ तर ?
समय मर्छ भविष्य चिनिन्छ र
विपरितार्थ बने फल दिन्न है
समयले फल दिन्छ अवश्य नै ।३।
हर सुखी मनमा छ व्यथाहरू
कठिन कष्ट थिए सपनाहरू
अधमले सुख किन्नु कहाँ अब
समय भित्र खुशी र व्यथा सब ।४।
छ परिवर्तनका शुभकामना
नियम भत्किन सक्छ विचार न
अमुक दोष दिएर सहिन्न है
समय यो नित बग्छ अडिन्न है ।५।
(छन्दः द्रुतविलम्बित)
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies