काठमाडौं : सुदूरपश्चिममा चाड पर्वमा मनाइने लोककथाहरूको सँगालोमा आधारित नयाँ लोक देउडा गीत ‘जौमास’ सार्वजनिक भएको छ । सरोज खड्काको शब्द र देवेन्द्र खड्काको लय संगीतमा रहेको ‘जौमास’ गीतमा देवेन्द्र खड्का र संगीता थापाको स्वर रहेको छ ।
यो गीत ‘माँझ आँगन’ युट्युब च्यानलमार्फत सार्वजनिक गरिएको हो । सरोज खड्काले निर्देशन गरेको गीतमा स्थानीय संस्कृतिको प्रवर्द्धन गरिएको छ । केटा र कटीबीचको प्रेम देखाइएको यो गीतले अहिले प्रशंसा बटुलिरहेको छ ।
सुदूरपश्चिमको अछाम जिल्लामा छायाँकन गरिएको यो गीतले स्थानीय कुरालाई देखाएको छ भने संस्कृतिको जगेर्ना गर्ने उद्देश्यले यो गीत तयार पारिएको गायक देवेन्द्र खड्काले बताए । अछाम जिल्लामा जन्मेका देवेन्द्र खड्का आर आर क्याम्पसमा स्नातक गरेर अहिले कलानीधिमा संगीत सिकिरहेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies