सुर्य प्रसाद भुसाल/मध्यान्ह
दाङ : नेपाली कांग्रेसका नेता डा.शेखर कोइरालाले अहिले मुलुक दुर्घटनाको संघारमा पुगेकाले पार्टीभन्दा माथि उठेर आफूले देश बचाउने अभियान शुरु गरेको बताएका छन् ।
नेपाली कांग्रेस दाङको दोस्रो जिल्ला सम्मेलनलाई सम्बोधन गर्दै नेता कोइरालाले देश बचाउनका लागि संसदमा रहेका पहिलो र दोस्रो दल मिल्नुपर्ने बताए । राजनीतिक दलहरूले देश पहिलो भन्ने कुरालाई प्राथमिकतामा नराखेसम्म राष्ट्र नबन्ने भन्दै उनले छिटोभन्दा छिटो दुई ठूला दल एक ठाउँमा उभिएर देशलाई निकास दिनुपर्ने भनाइ राखे ।
राजनीतिक दलहरूले राष्ट्रभन्दा पदलाई प्राथमिकतामा राखेकै कारण जनतामा निराशा छाएकाले ठूला दलहरु मिल्नु बाहेक अन्य विकल्प नभएको कोइरालाले बताए ।
नेता कोइरालाले कांग्रेसलाई एक्लै चुनाव लडेर बहुमत ल्याउन सक्ने अवस्थामा नपुर्याएसम्म आफ्नो यात्रा नरोकिने बताउँदै कांग्रेस अब सबै दलहरुसँग छलफल गर्न तयार रहेको बताए । कोइराला बुधबारदेखि लुम्बिनी प्रदेशका विभिन्न जिल्लाको भ्रमणमा छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies