कुनै पनि अवस्थामा एमालेमा फर्किन्नँ : मन्त्री कुँवर

नेकपा एकीकृत समाजवादीका केन्द्रीय सदस्य तथा श्रम, रोजगार तथा सामाजिक सुरक्षा मन्त्री शेर बहादुर कुँवरले आफू कुनैपनि अवस्थामा नेकपा एमालेमा नफर्किने बताएका छन् । सोमबार केही अनलाइनले मन्त्री कुँवर नेकपा एमालेमा फर्किने तयारीमा रहेकोे समाचार सार्वजनिक गरेका थिए । 

सोमबार साँझ विज्ञप्ति जारी गर्दै मन्त्री कुँवरको निजी सचिवालयले मन्त्री कुँवरलाई एमालेमा फर्किने कुनै पनि रहर नभएको बताएको छ । मन्त्री कुँवरको निजी सचिवालयले भनेको छ, ‘आफूलाई लोकप्रिय ठान्ने केही अनलाइनले मन्त्री कुँवरको राजनीतिक जीवनमा आँच आउने किसिमले प्रकाशित गरेको समाचारप्रति गम्भीर ध्यानाकर्षण भएको छ । नियोजित तरिकाले प्रकाशित गरिएका कपोकल्पित समाचरमा कुनै सत्यता नभएको र यस्ता जनसमुदायमा भ्रम सिर्जना गर्ने खालका समाचारको पछि नलाग्न पनि हार्दिक अनुरोध गर्दछु ।’ 

मन्त्री कुँवर हालै सम्पन्न प्रतिनिधिसभा निर्वाचनमा अछाम क्षेत्र नं १ मा एकीकृत समाजवादीबाट उम्मेदवार भई १९ हजार ५३४ मत ल्याएर निर्वाचित भएका थिए । श्रममन्त्री  कुँवर अछामबाट लामो समयदेखि कम्युनिष्ट आन्दोलनमा सक्रिय नेता हुन् । मन्त्री कुँवर नेकपा एकीकृत समाजवादीका केन्द्रीय सदस्य, संगठन विभाग सदस्यका साथै सुदूरपश्चिम  प्रदेश कमिटी उपाध्यक्ष रहेका छन् ।

गठबन्धन बैठक : निर्वाचनले सत्तारुढ गठबन्धनको सान्दर्भिकता पुष्टि गरेको निष्कर्ष

काठमाडौं : सत्तारुढ गठबन्धनले हालै सम्पन्न निर्वाचनले गठबन्धनको आवश्यकता र सान्दर्भिकता पुष्टि गरेको निश्कर्ष निकालेको छ ।

प्रधानमन्त्री निवास बालुवाटारमा सोमबार बसेको गठबन्धनको बैठकले गठबन्धनको आवश्यकता र सान्दर्भिकता पुष्टि गरेको निश्कर्ष निकाल्दै आगामी दिनमा अझै गठबन्धनलाई अझै शसक्त बनाएर लैजाने निर्णय गरेको हो । 

तीनै तहको निर्वाचन सफलतापूर्वक सम्पन्न भएसँगै लोकतन्त्र थप सुदृढ हुदै संविधान अझ सुरक्षित भई मुलुक राजनीतिक स्थायित्व र समृद्धिको दिशातर्फ उन्मुख भएको भएको गठबन्धनले जनाएको छ ।  

मुलुकका सामु विद्यमान चुनौतीहरुको सामाना गर्नु पर्ने आवश्यकताले पनि गठबन्धनलाई निरन्तरता दिन जरुरी रहेको बैठकपछि कांग्रेस नेता एवं सञ्चारमन्त्री ज्ञानेन्द्र बहादुर कार्कीले बताए । उनले निर्वाचनको नतिजाले राजनीतिक स्थायित्व र आर्थिक समृद्धिको बाटोमा आपसी सहमति र सहकार्यका साथ मिलेर अघि बढ्नु पर्ने स्पष्टसन्देश दिएको धारणा राखे । 

निर्वाचनको दौरानमा गठबन्धनले केन्द्रबाट स्पष्ट निर्णय र निर्देशन गर्दागर्दै पनि कतिपय निर्वाचन क्षेत्रमा केही असहयोग र असमझदारीका घटना देखिएकाले असमझदारीहरुको पनि आगामी दिनमा उचित समिक्षा र सम्बोधन गरिने निर्णय भएको कार्कीले बताए । उनले गठबन्धनकै नेतृत्वमा सरकार बन्ने भन्दै सरकारमा अन्य दललाई पनि सहभागी गराउन प्रयत्न गर्ने उल्लेख गरे ।

त्यस्तै गठबन्धनले निर्वाचनमा सहभागी सम्पूर्ण मतदातालाई धन्यवाद ज्ञापन गर्दै प्रतिनिधि सभा र प्रदेश सभा सदस्यमा निर्वाचित सम्पूर्ण सदस्यहरुलाई सफल कार्यकालको शुभकामना दिएको छ भने शान्तिपूर्ण रुपले निर्वाचन सम्पन्न गरेकोमा सबैलाई धन्यवाद समेत दिएको छ । 

दीपक मनाङे एकीकृत समाजवादीमा प्रवेश

काठमाडौं : राजीव गुरुङ (दीपक मनाङे) नेकपा एकीकृत समाजवादी पार्टीमा प्रवेश गरेका छन् । गण्डकी प्रदेश सभा सदस्यमा निर्विरोध निर्वाचित भएका मनाङेले एक विज्ञप्ति जारी गर्दै एकीकृत समाजवादीमा प्रवेश गरेको जनाएका हुन् । आफ्नो विचार र शिद्बान्त मिल्ने भएकाले एकीकृत समाजवादीलाई रोजेको उनले बताएका छन् ।

पूर्व प्रदेश मन्त्री मनाङेले मनाङ–१ (ख) बाट स्वतन्त्र उम्मेदवारी दिएका थिए । अर्का उम्मेदवार दोर्जे लामा गुरुङले नाम फिर्ता लिएपछि मनाङे निर्विरोध निर्वाचित भएका थिए । 

नेकपा (एमाले), नेपाली कांग्रेस, नेकपा (माओवादी केन्द्र) लगायतका कुनै पनि दलले मनाङे विरुद्ध उम्मेदवारी दिएका थिएनन् ।

प्रचण्ड र गृहमन्त्री खाँणबीच भेटवार्ता

काठमाडौं : गृहमन्त्री बालकृष्ण खाँणले नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरेका छन् । 

प्रचण्ड निवास खुमलटारमा भएको भेटमा समसामयिक राजनीतिक विषयमा छलफल भएको हाे । 

भेटमा पाँचदलीय गठबन्धनलाई निरन्तरता दिनेबारे छलफल भएको र यसमा दुबै नेता गठबन्धनलाई निरन्तरता दिन सकारात्मक रहेको बताइएकाे छ ।

मंसिर ४ गते भएको निर्वाचनमा गृहमन्त्री खाँण पराजित भएका थिए । 

प्रदेशसभा मतपरिणाम : कांग्रेस ४ र एमाले २ प्रदेशमा ठूलो दल

काठमाडौं : प्रदेशसभातर्फ ३ सय ३० वटै निर्वाचन क्षेत्रको चुनावी परिणाम सार्वजनिक भएको छ। प्रदेशसभाको प्रत्यक्षतर्फ नेपाली कांग्रेस चार र नेकपा एमाले दुई प्रदेशमा ठूलो दल बनेको छ। 

मधेश, बागमती, गण्डकी र सुदूरपश्चिम प्रदेशमा कांग्रेस पहिलो पार्टी बन्दा एमाले प्रदेश १ र लुम्बिनी प्रदेशमा पहिलो बनेको छ। 

कर्णाली प्रदेशमा प्रत्यक्षतर्फ कांग्रेस र नेकपा माओवादी केन्द्र समान नौ नौ स्थानमा विजयी भएका छन् । 

प्रदेशसभामा एक सय ११ स्थानमा विजयी हुँदै नेपाली कांग्रेस ठूलो दल बनेको छ। नेकपा एमालेले ९१, नेकपा माओवादी केन्द्रले ५४, नेकपा एकीकृत समाजवादीले १५ सिट जितेका छन् । 

राष्ट्रिय प्रजातन्त्र पार्टी र जनता समाजवादी पार्टी नेपालले एघार/एघार, लोकतान्त्रिक समाजवादी पार्टीले नौ, जनमत पार्टी र नागरिक उन्मुक्ति पार्टीले सात/सात सिट जितेका छन् ।

नेपाल मजदुर किसान पार्टी र हाम्रो स्वाभिमान पार्टीले एक/एक स्थानमा जित हासिल गरेका छन्। प्रदेशसभामा १२ स्वतन्त्र उम्मेदवार विजयी भएको निर्वाचन आयोगले जनाएको छ ।

नवलपरासीमा नवनिर्वाचित सांसद चौधरीद्वारा सरकारी कार्यालयका प्रमुखहरुसँग छलफल

जगत ठाडा मगर/मध्यान्ह

नवलपरासी : नवनिर्वाचित संघीय सांसद विनोद चौधरीले पश्चिम नवलपरासीको समग्र विकासका लागि राष्ट्रसेवक कर्मचारीहरुसँग छलफल अघि बढाएका छन् । पश्चिम नवलपरासीको परासीमा चौधरीले सम्पूर्ण सरकारी कार्यालय प्रमुखहरुसँग छलफल गर्दै जिल्लामा कार्यान्वयनमा आउने सबै साना ठूला योजना तथा आयोजनाहरु सययमै र पारिदर्शीरुपमा निमार्ण सम्पन्न गर्नुपर्नेमा जोड दिए । 

सो क्रममा हाल जिल्लामा पालिकास्तरदेखि प्रदेश र संघीय सरकारको लगानी भइरहेका योजना तथा आयोजनाहरुको विस्तृत अवस्था र आगामी दिनमा गर्न सकिने प्रयासबारे वृहत छलफल गरिएको थियो । 

छलफलमा बोल्दै पश्चिम नवलपरासी निर्वाचन क्षेत्र नं १ बाट निर्वाचित सांसद चौधरीले समृद्ध नवलपरासीको विकासमा आफू राष्ट्र सेवक कर्मचारीहरुको सहयोग र साथबाट अघि बढ्न चाहेको विश्वास व्यक्त गरे ।

सो क्रममा चौधरीले विकासका लागि स्थानिय तह, प्रदेश सरकार र संघीय सरकारको सहजीकरणमा हाल जिल्लामा कार्यान्वयनमा रहेका विकास निमार्णका कामलाई तीव्ररुपमा अघि बढाउने बताए । 

छलफल कार्यक्रममा जिल्लामा हालसम्म सञ्चालनमा रहेका स्थानीय तहदेखि राष्ट्रिय गौरवको आयोजनाको अवस्था, समस्या तथा समाधानको दीर्घकालीन उपायबारे छलफल भएको थियो ।

बाबुराम भट्टराई र सीके राउतबीच भेटवार्ता

काठमाडौं : नेपाल समाजवादी पार्टीका अध्यक्ष डा. बाबुराम भट्टराई र जनमत पार्टीका अध्यक्ष डा.सीके राउतबिच भेटवार्ता भएको छ । 

पूर्वप्रधानमन्त्री भट्टराई र नवनिर्वाचित प्रतिनिधिसभा सदस्य राउतबिच आज भेटवार्ता भएको हो । भेटमा नयाँ सरकार गठन र पछिल्लो राजनीतिक अवस्थाबारे कुरा भएको बताइएको छ ।

राउतले यसअघि प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लगायतका शीर्षस्थ नेताहरूलाई भेटिसकेका छन् । 

प्रधानमन्त्री देउवासँगको वार्तापछि राउत गठबन्धनसँग सहकार्य गर्न सकारात्मक देखिएका छन् ।

प्रतिनिधिसभातर्फ १६५ क्षेत्रकै मतपरिणाम सार्वजनिक, कुन पार्टीको कति सिट ? (सूचीसहित)

काठमाडौं : प्रतिनिधिसभा सदस्य निर्वाचनको पत्यक्षतर्फ १ सय ६५ क्षेत्रकै अन्तिम मत परिणाम सार्वजनिक भएको छ ।

प्रतिनिधिसभा प्रत्यक्षतर्फ पहिलो दल नेपाली कांग्रेस बन्यो । कांग्रेसले सबैभन्दा बढी ५७ निर्वाचन क्षेत्रमा जित हात पार्‍यो ।

दोस्रो बनेको नेकपा एमालेले एमालेले ४४ सिट जित्यो । तेस्रो स्थानमा रहेको नकेपा माओवादी केन्द्रले १८ सिट जित्यो । यस्तै नेकपा एकीकृत समाजवादीले १० तथा राष्ट्रिय स्वतन्त्र पार्टी र राप्रपाले सात/सात सिट जिते ।

त्यस्तै लोकतान्त्रिक समाजवादी पार्टीले चार र नागरिक उन्मुक्ति पार्टीले तीन सिट जित्यो । राष्ट्रिय जनमोर्चा, नेपाल मजदुर किसान पार्टी र जनमत पार्टीले एक/एक सिट जिते । पाँच निर्वाचन क्षेत्रमा भने स्वतन्त्र उम्मेदवार निर्वाचित भए ।

कहाँ कसले जिते ?

नेपाली कांग्रेस

(१) मुस्ताङ – योगेश शेरचन
(२) मनाङ – टेकबहादुर गुरुङ
(३) काठमाडौं १ – प्रकाशमान सिंह
(४) काठमाडौं ३ – सन्तोष चालिसे
(५) काठमाडौं ४ – गगनकुमार थापा
(६) काठमाडौं ५ – प्रदीप पौडेल
(७) रसुवा – मोहन आचार्य
(८) ललितपुर १ – उदय शमशेर जबरा
(९) तनहुँ २ – शंकर भण्डारी
(१०) डडेल्धुरा – शेरबहादुर देउवा
(११) काठमाडौं १० – राजेन्द्रकुमार केसी
(१२) पर्सा ४ – रमेशकुमार रिजाल
(१३) सुर्खेत २ – हृदयराम थानी
(१४) ओखलढुंगा – रामहरि खतिवडा
(१५) झापा १ – विश्वप्रकाश शर्मा
(१६) पर्सा १ – अजयकुमार चौरसिया
(१७) गोरखा १ – राजेन्द्र बजगाँई
(१८) म्याग्दी – खमबहादुर गर्बुजा
(१९) अछाम २ – पुष्पबहादुर शाह
(२०) कैलाली ४ – वीरबहादुर बलायर
(२१) दार्चुला – दिलेन्द्र प्रसाद बडू
(२२) कञ्चनपुर ३ – रमेश लेखक
(२३) कञ्चनपुर २ – एनपी साउद
(२४) दैलेख २ – दिक्पालकुमार शाही
(२५) भक्तपुर २ – दुर्लभ थापा
(२६) नवलपरासी पूर्व १ – शशांक कोइराला
(२७) तनहुँ १ – रामचन्द्र पौडेल
(२८) बाँके ३ – किशोरसिंह राठोर
(२९) रौतहट ४ – देवप्रकाश तिमल्सिना
(३०) सप्तरी ३ – दिनेश कुमार यादव
(३१) धादिङ २ – राम नाथ अधिकारी
(३२) सुर्खेत १- पूर्णबहादुर खड्का
(३३) नवलपुर २- विष्णु कुमार कार्की
(३४) सिन्धुली १- श्‍यामकुमार घिमिरे
(३५) दाङ ३ – दीपक गिरी
(३६) बर्दिया १ – सञ्जय गौतम
(३७) नवलपरासी पश्चिम १ – विनोद चौधरी
(३८) धनुषा २ – रामकृष्ण यादव
(३९) सिन्धुपाल्चोक २ – मोहनबहादुर बस्नेत
(४०) मोरङ ६ – शेखर कोइराला
(४१) कैलाली ५ – डिल्लीराज पन्त
(४२) गुल्मी १ – चन्द्र भण्डारी
(४३) स्याङ्जा १ – राजु थापा
(४४) संखुवासभा – दीपक खड्का
(४५) कपिलवस्तु २ – सुरेन्द्र राज आचार्य
(४६) तेह्रथुम – सीता गुरुङ
(४७) मोरङ ३ – सुनिलकुमार शर्मा
(४८) नुवाकोट २ – अर्जुननरसिंह केसी
(४९) सप्तरी ४ – तेजुलाल चौधरी
(५०) मुगु – ऐनबहादुर शाही
(५१) महोत्तरी ४ – महेन्द्रकुमार राय
(५२) मोरङ १ – डिगबहादुर लिम्बू
(५३) रामेछाप- पुर्णबहादुर तामाङ
(५४) उदयपुर १ – डा. नारायण खड्का
(५५) सुनसरी ४ – ज्ञानेन्द्रबहादुर कार्की
(५६) स्याङ्जा २ – धनराज गुरुङ
(५७) बाजुरा – बद्री पाण्डे

नेकपा एमाले

(१) उदयपुर २ – अम्बरबहादुर रायमाझी
(२) काठमाडौं ९ – कृष्णगोपाल श्रेष्ठ
(३) ललितपुर २ – प्रेमबहादुर महर्जन
(४) गुल्मी २ – गोकर्ण विष्ट
(५) झापा २ – देवराज घिमिरे
(६) झापा ५ – केपी शर्मा ओली
(७) ताप्लेजुङ – योगेश भट्टराई
(८) पर्सा ३ – राजकुमार गुप्ता
(९) अर्घाखाँची – टोपबहादुर रायमाझी
(१०) प्युठान – सूर्य थापा
(११) लमजुङ – पृथ्वीसुब्बा गुरुङ
(१२) मकवानपुर २ – महेश बर्तौला
(१३) सोलुखुम्बु – मानवीर राई
(१४) पर्वत – पदम गिरी
(१५) झापा ४ – लालप्रसाद साँवा लिम्बु
(१६) रूपन्देही ५ – वासुदेव घिमिरे
(१७) धनकुटा – राजेन्द्रकुमार राई
(१८) कास्की २ – विद्या भट्टराई
(१९) बाँके १ – सूर्य प्रसाद ढकाल
(२०) सिराहा १ – राम शंकर यादव
(२१) बैतडी- दामोदर भण्डारी
(२२) कञ्चनपुर १ – तारा लामा तामाङ
(२३) कपिलवस्तु १ – बलराम अधिकारी
(२४) पाँचथर – वसन्तकुमार नेम्वाङ
(२५) कास्की ३ – दामोदर पौडेल ‘वैरागी’
(२६) सर्लाही ३ – हरिप्रसाद उप्रेती
(२७) बारा ३ – ज्वालाकुमारी साह
(२८) बारा १ – अच्युतप्रसाद मैनाली
(२९) धनुषा ३ – जुली महतो
(३०) कास्की १ – मनबहादुर गुरूङ
(३१) सिरहा ३ – लीलानाथ श्रेष्ठ
(३२) पाल्पा २ – ठाकुरप्रसाद गैरे
(३३) मोरङ २ – ऋषिकेश पोखरेल
(३४) कपिलवस्तु ३ – मंगलप्रसाद गुप्ता
(३५) रूपन्देही २ – विष्णु पौडेल
(३६) काभ्रेपलाञ्चोक २ – गोकुल बाँस्कोटा
(३७) पाल्पा १ – नारायणप्रसाद आचार्य
(३८) रूपन्देही १ – छविलाल विश्वकर्मा
(३९) सुनसरी २ – भीम आचार्य
(४०) इलाम २ – सुवास नेम्वाङ
(४१) महोत्तरी १- लक्ष्मी महतो कोइरी
(४२) इलाम १ – महेश बस्नेत
(४३) धनुषा ४ – रघुबीर महासेठ
(४४) सुनसरी ३ – भगवति चौधरी

नेकपा माओवादी केन्द्र

(१) सिन्धुली २ – लेखनाथ दाहाल
(२) सिन्धुपाल्चोक १ – माधव सापकोटा
(३) बाग्लुङ २ – देवेन्द्र पौडेल
(४) रोल्पा – वर्षमान पुन
(५) रुकुम पूर्व १ – पूर्णबहादुर घर्तीमगर
(६) जाजरकोट – शक्तिबहादुर बस्नेत
(७) गोरखा २ – पुष्पकमल दाहाल ‘प्रचण्ड’
(८) दाङ २ – रेखा शर्मा
(९) खोटाङ – रामकुमार राई
(१०) भोजपुर – सुदन किराँती
(११) मोरङ ४ – अमनलाल मोदी
(१२) रूकुम पश्चिम – जनार्दन शर्मा
(१३) कालिकोट – महेन्द्रबहादुर शाही
(१४) नुवाकोट १ – हितबहादुर तामाङ
(१५) हुम्ला – छिरिङ डम्डुल लामा (कार्चेन)
(१६) काभ्रे १- सूर्यमान तामाङ (दोङ)
(१७) सर्लाही २- महिन्द्र राय यादव
(१८) दोलखा– गंगा कार्की

नेकपा एकीकृत समाजवादी

(१) अछाम १ – शेरबहादुर कुँवर
(२) बारा ४ – कृष्णकुमार श्रेष्ठ
(३) बझाङ – भानुभक्त जोशी
(४) दैलेख १ – अम्मरबहादुर थापा
(५) डोटी – प्रेम आले
(६) सल्यान – प्रकाश ज्वाला
(७) रौतहट १ – माधवकुमार नेपाल
(८) डोल्पा – धनबहादुर बुढा
(९) धादिङ १- राजेन्द्र पाण्डे
(१०) दाङ १ – मेटमणि चौधरी

राष्ट्रिय स्वतन्त्र पार्टी

(१) काठमाडौं ७ – गणेश पराजुली
(२) काठमाडौं ८ – विराजभक्त श्रेष्ठ
(३) काठमाडौं २ – सोबिता गौतम
(४) काठमाडौं ६ – शिशिर खनाल
(५) चितवन २ – रवि लामिछाने
(६) ललितपुर ३ – डा. तोसिमा कार्की
(७) चितवन १ – हरि ढकाल

राष्ट्रिय प्रजातन्त्र पार्टी (राप्रपा)

(१) बाँके २ – धवलसमशेर जबरा
(२) जुम्ला – ज्ञानेन्द्रबहादुर शाही
(३) मकवानपुर १ – दीपकबहादुर सिंह
(४) झापा ३ – राजेन्द्र लिङ्देन
(५) नवलपरासी २ – ध्रुवबहादुर प्रधान
(६) चितवन ३ – विक्रम पाण्डे
(७) रूपन्देही ३- दीपक बोहोरा

जनता समाजवादी पार्टी (जसपा)

(१) पर्सा १ – प्रदीप यादव
(२) सप्तरी १ – नवलकिशोर साह सुडी
(३) सिरहा ४ – वीरेन्द्रप्रसाद महतो
(४) बारा २- राम सहाय प्रसाद यादव
(५) सिराहा २ – राजकिशोर यादव
(६) धनुषा १ – दीपक कार्की
(७) सुनसरी १- अशोक राई

लोकतान्त्रिक समाजवादी पार्टी

(१) रूपन्देही ४ – सर्वेन्द्रनाथ शुक्ला
(२) सर्लाही १ – रामप्रकाश चौधरी
(३) महोत्तरी २ – शरतसिंह भण्डारी
(४) महोत्तरी ३ – महन्थ ठाकुर

नागरिक उन्मुक्ति पार्टी

(१) कैलाली १ – गंगाराम चौधरी
(२) कैलाली – १ रञ्जिता श्रेष्ठ
(३) कैलाली २ – अरूनकुमार चौधरी

नेपाल मजदुर किसान पार्टी (नेमकिपा)

(१) भक्तपुर १ – प्रेम सुवाल

राष्ट्रिय जनमोर्चा

(१) बाग्लुङ – चित्रबहादुर केसी

जनमत पार्टी

(१) सप्तरी २ – सीके राउत

स्वतन्त्र

(१) बर्दिया २ – लालवीर चौधरी
(२) मोरङ ५ – योगेन्द्र मण्डल
(३) रौतहट ३ – प्रभु साह
(४) सर्लाही ४ – अमरेश सिंह
(५) रौतहट २ – किरणकुमार साह

सत्ता गठबन्धनको बैठक आज बस्दै

काठमाडौं : चुनावी परिणामको समीक्षा र सरकार गठनको सम्भावनाबारे छलफल गर्न सत्ता गठबन्धनको बैठक आज बस्दै छ ।

प्रतिनिधिसभा र प्रदेशसभाको निर्वाचनपछिको समग्र अवस्था र भाबी सरकार गठनको विषयमा छलफल गर्न आज दिउँसो बालुवाटारमा सत्तारूढ गठबन्धनको बैठक बस्ने भएको हो ।

नयाँ सरकार गठनको विषयमा सत्ता गठबन्धभित्र एकमत छैन । कांग्रेस, माओवादी र एकीकृत समाजवादीका नेताहरुले यही गठबन्धनलाई निरन्तरता दिने बताए पनि पहिले कसको नेतृत्वमा सरकार गठन गर्ने र प्रधानमन्त्री को हुने भन्ने विवाद छ ।

सबथोक सत्ता !

काठमाडौं : नयाँ सरकार गठनको कसरत भइरहँदा जनता समाजवादी पार्टी (जसपा)ले अकस्मात् रुपमा नेकपा एमालेसँगको चुनावी तालमेल सकिएको घोषणा गरेको छ । चुनावको मुखैमा सत्ता गठबन्धन तोडेर एमालेसँग तालमेल गर्न गएको जसपाले एमालेले सरकार बनाउने सम्भावना कम देखेपछि सहकार्य नै तोडिएको घोषणा गरेको हो । 

अर्थात, चुनावी परिणाम पूर्णत नआउँदै जसपाले एमालेसँगको तालमेल सकिएको भनी सत्तागठबन्धनसँग नजिकिने चाहना प्रकट गरेको छ । आइतबार विराटनगर विमानस्थलमा पत्रकारसँग कुरा गर्दै जसपा अध्यक्ष उपेन्द्र यादवले एमालेसँगको चुनावी सहकार्य सकिएको बताएका हुन् । 

‘हामीले चुनावमा एमालेसँग केही क्षेत्रमा तालमेल गरेका थियौं, चुनावसँगै सहकार्यको कोर्स सकिएको छ’ अध्यक्ष यादवले भने । 

तर, अध्यक्ष यादवले सरकार गठनमा कसलाई समर्थन गर्ने वा नगर्ने विषयमा निर्णयमा पुगि नसकेको बताए । पार्टीले सरकारमा सहभागिताका सन्दर्भमा देशैभरि एउटै नीति लिने पनि उनको भनाइ छ । गत ४ मंसिरको चुनावमा यादव सप्तरी २ बाट जनमत पार्टीका अध्यक्ष डा. सीके राउतसँग पराजित भएका थिए । आफू पराजित भए पनि उनी नेतृत्वको पार्टीले ७ सिट प्रत्यक्षतर्फ जितेको छ । समानुपातिक तर्फबाट जसपाले ५ सिट जित्न सक्ने आँकलन छ । १२ सिट लिएर सरकारमा जान सकिने र यसका लागि अवसर पर्खिँदै यादवले एमालेसँगको सहकार्य तोडिएको घोषणा गरेका हुन् ।

उसो त, स्वार्थ स्वार्थकै लागि माओवादी केन्द्रले सरकार गठनका लागि सबै बाटो खुला गरेको सन्देश प्रवाह गरेको छ । तर, यो सन्देश प्रवाह गर्दा माओवादी केन्द्रका नेताहरु विभाजित भएका छन् । 

माओवादी उपाध्यक्ष कृष्णबहादुर महरा सरकार गठनका लागि सबै विकल्प खुला गरेको बताउँछन् । उनी भन्छन्, ‘बनाएको गठबन्धन छोड्ने निर्णय गरिएको छैन । तर, अन्य विकल्प पनि खुल्ला राख्ने निर्णय भएको छ ।’ 

माओवादीले पहिलो चरणमै आफूले सरकारको नेतृत्व गर्न पाउनुपर्ने दाबी गर्दै आएको छ । कतिपयले नेपाली कांग्रेस यसका लागि तयार नभए एमालेसँग पनि माओवादी मिल्नसक्ने आशंका गरेका छन् । यही बेला महराको यस्तो भनाइ आएको हो । 

तर, उपाध्यक्ष महराको भनाइ महासचिव देव गुरुङले काटेका छन् । ‘उनी भन्छन्, ‘सरकार गठन, विकल्पका बारेमा केही कुरा भएकै छैन ।’ अर्थात, कतिपयले माओवादीले बार्गेनिङका लागि यस्तो दुई थरी कुरा गरेको आरोप लगाएका छन् ।

सरकार गठनको गृहकार्य र सत्ता गठबन्धनमा रहेका दलहरुका बीचमा दरारको आशंका कतिपयले गरिरहेका बेला सत्ता गठबन्धनको बैठक सोमबार बस्दैछ । सोमबार दिउँसो ३ बजे बोलाइएको बैठकमा चुनावको समीक्षाका साथसाथै सरकार गठन र पावर सेयरिङका विषयमा छलफल गर्ने मुख्य एजेण्डा छ ।

सत्ता गठबन्धनमा आवद्ध दलहरुले देशभर चुनावी तालेमल गरेका थिए । कांग्रेसले ५७ सिट जितेको छ भने माओवादी केन्द्रले १७, एकीकृत समाजवादीले १०, लोकतान्त्रिक समाजवादी पार्टीले ४ र राष्ट्रिय जनमोर्चाले एक सिट जितेको छ । चुनावमा भोट ट्रान्सफर नभएको भन्दै माओवादी केन्द्र र नेकपा एकीकृत समाजवादीमा असन्तुष्टि देखिएका बेला चुनावपछि गठबन्धनको पहिलो बैठक बस्न लागेको हो ।

चुनावी परिणामले कांग्रेसलाई सरकार बनाउने बाटो खुला गरिदिएको छ । तर, दोस्रो भएको नेकपा एमालेले पनि सरकार बनाउने प्रयास गरेको छ । यसका लागि माओवादी केन्द्र सहितका दलहरुलाई आफ्नो पक्षमा पार्ने प्रयास गरेको छ । यही बेला माओवादीले पनि सरकार गठनका लागि सबै बाटो खुला गरेको सन्देश दिएको हो । 

बरु, यस पटकको चुनावबाट चौथो भएको राष्ट्रिय स्वतन्त्र पार्टी (रास्वपा), सिके राउत नेतृत्वको जनमत पार्टी, नागरिक उन्मुक्ति पार्टीहरुलाई मतदाताले अगाडि बढाउन चाहेको देखिन्छ । उनीहरुलाई लिएर पहिलो वा दोस्रो दलले सरकार बनाउन सक्छ । राष्ट्रिय प्रजातन्त्र पार्टी पनि बलियो रुपमा अगाडि आएको छ । चुनावबाट उदाएका र जनताले अगाडि बढाउन चाहेका दलहरुलाई साथमा लिएर पहिलो वा दोस्रो ठूलो दलले सरकार बनाउनुलाई प्राकृतिक रुपमा लिन सकिन्छ ।