सरु भुसाल/मध्यान्ह
गुल्मी : गर्मीयाम शुरु भएसँगै डढेलोको प्रकोप देशका विभिन्न भागहरुमा देखा परेको छ । डढेलो नियन्त्रण गर्ने क्रममा गुल्मीको एक जंगलमा लडेर एक जनाको मृत्यु भएको छ भने एक जना घाइते भएका छन् ।
गुल्मीको मुसिकोट नगरपालिका वडा नम्बर १ तल्लो पौदीस्थित सर्वोदय माध्यमिक विद्यालय नजिक रहेको सल्लाघारीमा लागेको आगो निभाउने क्रममा स्थानीय ५८ वर्षीय महले घर्तीको मृत्यु भएको प्रहरीले जनाएको छ ।
सोमबार बिहानबाट लागेको आगो निभाउन गएका घर्ती आफूतर्फ आगोको ठूलो मुस्लो आएपछि भाग्दा लडेर गम्भीर घाइते भएका थिए । सल्लाघारी जंगलबाट झण्डै २०० मिटर तल खसेका घर्तीलाई तत्काल उद्धार गरी जिल्ला अस्पताल तम्घास पुर्याइएकोमा चिकित्सकले उनलाई मृत घोषणा गरेको जिल्ला प्रहरी कार्यालय गुल्मीका प्रहरी नायब उपरीक्षक शंकर पोखरेलले मध्यान्हलाई जानकारी दिए ।
घर्तीसँगै सल्लाघारीबाट लडेका स्थानीय ५२ वर्षीय रेशम थापा घाइते भएका छन् । थापाको तम्घास अस्पतालमा उपचार भइरहेको प्रहरी नायब उपरीक्षक पोखरेलले बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies