भिम प्रसाद शर्मा/मध्यान्ह
सुर्खेत : भारतको बिभिन्न नाका हुँदै सुर्खेत आएर क्वारेण्टाइनमा राखिएकाहरुको संख्या १०२ पुगेको छ । ती मध्ये ७८ जनालाई स्थानीय अशोका होटलमा र बॉकी २४ जनालाई बीरेन्द्र नगर -१० स्थित अन्तर्निर्भय समाजको होष्टलमा राखिएको छ ।
उनीहरु मंगलबार राति २ बजेको समयमा भारतबाट नेपालका विभिन्न नाका हुँदै सुर्खेत भित्रिएका थिए । उनीहरुलाई प्रदेश ६ सरकारले बिरेन्द्रनगर खुल्ला मैदानमा बनाउन थालेको क्वारेन्टाइन निर्माणधिन अवस्थामै रहेकोले निजहरुलाई कर्णाली प्रदेश सरकारको आर्थिक सहयोगमा जिल्ला सुर्खेत वि.न.पा.१० दैलेखी चोकमा रहेको चिन्तामणि शर्माको होटल अशोका र बीरेन्द्रनगरस्थित होष्टल भवनमा राखिएको हो ।
भित्रिएका कर्णालीका नागरिकलाई स्वास्थ्य जाँच गरेर राखिएको थियो । प्रदेश ६ को सरकारले भारतबाट नेपाल भित्रिएका नागरिकलाई १४ दिनसम्म क्वारेन्टाइनमा राखिने समेत जनाएको छ ।
