जेनजी आन्दोलन र विध्वंशपछि बनेको अन्तरिम सरकारकी प्रधानमन्त्री सुशीला कार्कीले एक महिनापछि राजनीतिक दलहरूसँग संवाद गर्दैछिन् ।
विघटित संसदका दलहरुलाई भेट्न अनिच्छा जनाइरहेकी कार्की आफैले निर्वाचनको वातावरण बनाउन नचाहेको आरोप लागेपछि मंगलबार संवादमा बोलाएकी हुन् । संवादले २१ फागुनमै निर्वाचन गर्न दलहरुबीच दुरी घटाउने अपेक्षा गरिएको छ । कार्कीले मंगलबार अपरान्ह संसद्का राष्ट्रिय मान्यता प्राप्त दलहरूसँग छलफल गर्न लागेकी हुन् ।
प्रधानमन्त्रीले ७ वटा दलका नेताहरूसँग छलफल गर्न लागेको प्रधानमन्त्रीको सचिवालयले जनाएको छ । विघटित संसद्मा नेपाली कांग्रेस, नेकपा एमाले, माओवादी केन्द्र, रास्वपा, राप्रपा, जसपा र जनमत पार्टी मात्र राष्ट्रिय मान्यता प्राप्त दल थिए ।
.jpeg)
