काठमाडौं : नेपाली किक्रेटर सन्दीप लामिछानेको फेसबुक पोष्टले यतिबेला आम खेलप्रेमीबीच कौतुहलता जगाएको छ । मध्यराति आफ्नो आधिकारिक फेसबुक पेजमा एक पोस्ट लेख्दै उनले सबैप्रति धन्यवाद व्यक्त गरेका छन् ।
अंग्रेजी भाषामा सामाजिक सञ्जालमा गरिएको पोस्टमा उनले नेपालका आफ्ना समर्थकहरूप्रति कृतज्ञता प्रकट गरेका छन् । कतिपयले यसलाई सन्दीपले खेलबाट सन्यास लिन लागेको अड्कलबाजी पनि लगाएका छन् ।
नेपाली राष्ट्रिय क्रिकेट टोलीका पूर्वकप्तान लामिछानेले लेखेका छन्, 'यी सबै कुराका लागि सबैजनालाई धन्यवाद । यो देश र यहाँका क्रिकेट समर्थकहरुले सधैँ मेरो समर्थन गर्दै मेरो यात्रामा निरन्तर साथ दिनुभएको छ । तपाईंहरुको यो माया र हौसला मेरा लागि सबथोक हो । जसले सधैंभरि मेरो हृदयमा विशेष स्थान बनाइरहनेछ ।'
