काठमाडौं : विश्वका विभिन्न देशमा कोरोना संक्रमित भएका ९२ प्रतिशत नेपाली निको भएका छन् । गैरआवासीय नेपाली संघ एनआरएनएका अनुसार हालसम्म २७ हजार ३ सय ६२ जना नेपाली संक्रमणमुक्त भएका हुन् ।
अहिलेसम्म विदेशमा रहेका २९ हजार ६ सय २७ जनामा संक्रमण पुष्टि भएको छ । संघका अनुसार विदेशमा कोरोना भाइरसका कारण निधन हुनेको संख्या र संक्रमणको दर उल्लेख्य रूपमा कमी हुँदै गएको छ ।
हालसम्म १४ देशमा संख्या १ सय ४३ जना नेपालीको विदेशमा कोरोनाका कारणले ज्यान गएको छ । कोरोना भाइरसको संक्रमणका कारण विदेशमा यो साता कुनै पनि नेपालीको मृत्यु भएको छैन ।
अष्ट्रेलिया, पोल्याण्ड, कतार, साउदी अबर लगायतका देशमा रहेका नेपालीहरूमा सो साता कोरोना संक्रमण दर सामान्य रूपमा वृद्धि भएको देखिएको छ ।
विभिन्न २३ मुलुकमा अलपत्र परेका, भिसा अवधि सकिएका, आफन्त भेटघाटमा गई उतै रोकिएका र अन्य विविध कारणले समस्यामा परेका २६ हजार ३ सय ९६ जना नेपालीको उद्धार भएको छ । साथै १ सय ५७ वटा शव पनि नेपाल ल्याएर परिवारलाई बुझाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies