भीम प्रसाद शर्मा/मध्यान्ह
सुर्खेत : सुर्खेतको एक होटलबाट २ थान दुर्लभ बन्यजन्तु रेडपाण्डाको छाला प्रहरीले नियन्त्रणमा लिएको छ । बुधबार बिहान ११ बजेतिर सुर्खेत वीरेन्द्रनगर - ६ , गोदामलाइनस्थित पञ्चपुरी होटलमा कारोबारोको सिलसीलामा ४ जनालाई पक्राउ गरिएको हो ।
पक्राउ पर्नेमा दैलेख जिल्ला नौमुले गाउँपालिकाका मनोज वि.क, मन बहादुर सुनार ,पदम बहादुर सुनार र सोही जिल्लाकै नारायण नगरपालिकाका सबिता थापाको समूह रहेको पत्रकार सम्मेलनमा प्रहरीले बताएको छ । बिशेष सुचनाको आधारमा कर्णाली प्रदेश ब्युरो र जिल्ला प्रहरी कार्यालय सुर्खेतका प्रहरी निरीक्षक गोपाल रायमाझीको नेतृत्वमा खटिएको टोलीले खानतलासी गर्दा रेडपाण्डाको छाला भेटिएको हो ।
टाबेलमा बेरेर राखिएको ४ फीट लम्बाइ भएको एक थान र ३ कीट ६ इन्च लम्बाइ भएको अर्को थान गरी जम्मा २ थान दुर्लभ बन्यजन्तु रेडपाण्डाको छाला प्रहरीले नियन्त्रणमा लिएको जिल्ला प्रहरी कार्यालय सुर्खेतले पत्रकार सम्मेलन गरी बताएको हो । घटनाबारे प्रहरीले थप अनुसन्धानसहित आवश्यक कार्वाही अगाडि बढाएको जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies