सुभेन्द्र दास/मध्यान्ह
लहान : सिरहाको सखुवानन्कारकट्टी गाउँपालिका वडा नम्बर – ३ मा मंगलवार टदेखि सुरु भएको खेलकुद प्रतियोगिता जारी छ । मंगलबार भएको खेलमा भवनी युथ कल्व भवानिपुर सिरहा टिम विजय भएको थियो ।
खेलको निर्धारित समयमा प्रतिस्प्रधी सहभागी कुनै टिमले गोल गर्न नसकेपछी पेनाल्टीमा भवानिपुर टीमलेले विजय हासिल गरेको नेपाल बिधार्थी संघका केन्द्रीय सदस्य एवं समाजसेवी गोपालकृष्ण यादवले जनकारी दिए । पेनाल्टीमा भवानीपुर ५ र हर्दियाले ४ गोल गरेको थियो । सुरु दिनको खेलमा भवानीपुरका सुमन मगर म्यान अफ द म्याच घोषित भएका थिए ।
नेपाली काङ्गेसका जिल्ला सभापती एवं पूर्व सभासद रामचन्द्र यादवले खेलको उदघाटन गरेका थिए । कार्यक्रममा बोल्दै सभापती यादवले खेलकुदलाई सरकारले प्राथमिकतामा राख्नु पर्नेमा जोड दिए ।
प्रतिभा भएको खेलाडीहरुलाई सरकारले संरक्षण नदिएकोले उनीहरु विदेशमा काम गर्न बाध्य रहेको सभापती यादवले बताए । ‘म पनि कुनै समयमा खेलाडी थिएँ’, सभापती यादवले भने, ‘ अहिलेको सन्दर्भमा खेलकुद स्वास्थ्यको लागि अझ आवश्यक छ ।
बलान युवा फुटवल क्लव सखुवानन्कारकट्टी- ४ सिमराहा र श्री राजदेवी युवा क्लव सखुवानन्कारकट्टी गापा– ३ पोर्ताहाले आयोजना गरेको खेललाई नेपाली काङ्गेस सखुवानन्कारकट्टी सिरहाले प्रायोजन गरेको छ ।
८ वटा टिमको सहभागिता रहेको खेलको फाईनल मंसिर २ गते हुनेछ । प्रथम पुरस्कारमा नगद रु २१ हजार र द्धितीय पुरस्कार १२ हजार नगदसहित सिल्ड, पदक र प्रमाणपत्र बिजयी टिमका खेलाडीलाई प्रदान गरिने छ । सहभागी टिमहरुले आयोजकले बनाएको नियममा खेल खेल्नुपर्ने खेलको प्रतियोगिताका लागि विशेष सहयोग गरेका र स्थानीय समेत रहेका गोपालकृष्ण यादवले जनकारी दिए ।
तिहार र छठ पर्वको अवसरमा आयोजित प्रतियोगिकाको उद्घाटनका अवसरमा शुभकामना आदान प्रदान समेत भएको थियो । कार्यक्रममा नेपाली काङ्ग्रेसका केन्द्रीय नेता प्रमेश्वर साह , जिल्ला लगायत स्थानीय नेता कार्यकर्तारुको उपस्थिति रहेको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies