बिकाश काफ्ले / मध्यान्ह
पाल्पा, १२ मंसिर । सडकमा परेका खाल्डाखुल्डीले सास्ती खेपेका यात्रुहरूलाई केही राहत हुने भएको छ । सिद्धार्थ राजमार्गकाे झुम्सा-दाेभान सडकखण्डमा कालाेपत्रे गर्न लागिएपछी यात्रामा सहज हुने भएको हो ।
सडक डिभिजन कार्यालय पाल्पाका अनुसार सो खण्डमा २०७७ मंसीर १४ गतेदेखि मंसीर १८ गतेसम्म कालोपत्रेको काम हुने छ । कालोपत्रेका लागि दैनिक चार घण्टा सडक बन्द हुनेछ । जसका लागी बिहान१०:३० देखि १२: ३० सम्म र दिउँसो २:०० देखि ४:०० सम्म दुई सिफ्टमा राजमार्ग पूर्णरुपमा बन्द हुने कार्यालय प्रमुख एवं डिभिजन प्रमुख मुकुन्दराज अधिकारीले एक सार्वजनिक सूचनामार्फत जानकारी गराएका डछन् । यद्यपि ब्यस्त राजमार्ग बर्षै भरी बिभिन्न नाममा अवरुद्ध हुने गरेकोमा भने सर्वसाधारणले गुनासो गर्ने गरेका छन् ।
