चितवन : चितवनमा एकजना पुरुषको शव फेला परेको छ । भरतपुर महानगरपालिकाको वडा न ३ नगरवन अगाडी एक पुरुषको शव फेला परेको हो । बिहान करिब सात बजे स्थानियले शव देखेर प्रहरीलाई खबर गरेका थिए ।
अन्दाजी करिब ४०-४२ बर्ष उमेरको पुरुषको शव फेला परेको वडा प्रहरी कार्यालय नारायणगढका प्रमुख प्रहरी निरिक्षक रघुसिहं बिष्टले जानकारी दिए ।
मृतकको सनाखत तथा मृत्युको कारण खुल्न सकेको छैन । शवको पोस्टमार्टम रिपोर्ट आएपछी मात्र केहि खुल्ने प्रहरी निरिक्षक बिष्टले बताए ।
