भारतीय विदेशमन्त्री एस जयशंकरले गएको भदौ ४ गते नेपालको दुई दिने भ्रमण गरे । उनको भ्रमण कश्मीर प्रकरणको तातो बहस चलिरहँदा भएको थियो । चिनियाँ भ्रमण सकेर जयशंकर काठमाडौं आएका थिए । गत २० साउनमा संविधान धारा ३७० खारेज गर्दै कश्मीरको विशेषाधिकार खोस्ने भारत सरकारको निर्णय लगत्तै भारतीय प्रधानमन्त्री र विदेशमन्त्रीले छिमेकी मुलुकहरुसहित शक्ति राष्ट्रहरुसँग सम्वाद गरिसकेको छ । कश्मीर प्रकरणकै फेरोमा भारतीय विदेश मन्त्री शंकरले नेपाल भ्रमण गरेका थिए । उनको भ्रमणपछि नेपालले नेपाल–मैत्री सम्बन्ध १९५० संशोधनबारे प्रबुद्ध बौद्धिक समूह (ईपीजी)को प्रतिवेदनबारे ठोस् प्रगति हुने अनुमान गरिएको थियो । तर, अहिलेसम्म देखिनेगरी उपलब्धी सुनिएको छैन ।
भारतीय विदेशमन्त्रीको नेपाल भ्रमणको १८ दिनपछि फेरि चिनियाँ विदेशमन्त्री वाङ यी तीन दिने नेपाल भ्रमणका लागि आइतबार साँझ काठमाडौं आइपुगेका छन् । १९ सदस्यीय टोलीको नेतृत्व गर्दै विदेशमन्त्री वाङ काठमाडौं आइपुगेका हुन् । विदेशमन्त्री वाङलाई स्वागत गर्न त्रिभुवन अन्तर्राष्ट्रिय विमानस्थलमा परराष्ट्र सचिव शंकरदास बैरागी पुगेका थिए । विदेश मन्त्री वाङको भ्रमणलाई चिनियाँ राष्ट्रपति सी जिङफिङको आशन्न भ्रमणसँग जोडेर हेरिएको छ । नेपालमा रहँदा विदेशमन्त्री वाङले राष्ट्रपति विद्यादेवी भण्डारी, प्रधानमन्त्री केपी शर्मा ओली र परराष्ट्रमन्त्री ज्ञवालीसँग भेटवार्ता गर्ने कार्यसूची तयार भएको छ ।
यसपटकको चिनियाँ विदेशमन्त्रीको नेपाल भ्रमणमा मुख्यगरी चीन सरकारले अगाडि बढाएको बेल्ट एण्ड रोड इनिसियटिभ (बीआरआई) र चिनियाँ सहयोगमा निर्माणाधीन परियोजनाहरुबारे छलफल हुने बताइएको छ । नेपाल कम्युनिष्ट पार्टी (नेकपा) का अध्यक्ष केपी शर्मा ओली नेतृत्वको सरकार बनेपछि भएको यो चिनियाँ सरकारको उच्च स्तरीय भ्रमण हो । त्यसैले यो भ्रमणलाई निकै महत्वका साथ हेरिएको छ । राष्ट्रपति सीकै अघिल्लो कार्यकाल अर्थात् २०१४ मा विदेशमन्त्री वाङले नेपाल भ्रमण गरेका थिए । त्यसको पाँच वर्षपछि फेरि उनै विदेशमन्त्री वाङ नेपाल आएका छन् ।
विदेशमन्त्री वाङको भ्रमणसँग शान्त कुटनीतिका पर्याय चीनका राष्ट्रपतिका सी चिङपिङको भ्रमण समेत जोडिएको यो उच्च स्तरीय भ्रमणको अझ बढी अर्थ राख्छ । किनभने, सन् २०१२ पछि चिनियाँ राष्ट्र प्रमुख नेपाल आएका छैनन् । नेकपा नेतृत्वले चिनियाँसँग बढाएको निकटतासँग समेत यसपटकको भ्रमणलाई लिइएको छ ।
नेपालजस्तो विकास उन्मुख देशका लागि आर्थिक लगानी र अनुदानमा आफैंमा महत्व छ । त्यसमा पनि भारत निर्भर हुँदै आएको
नेपालले आफ्ना पारबहनबारे विषेश महत्व दिन थालेको छ । धेरैको अनुमान भने यो भ्रमणले काठमाडौंसम्म चिनियाँ रेलको कुरा उठ्ने विश्लेषण गरेका छन् ।
