काठमाडौं : सरकारले घरेलु कामदारलाई पुनः श्रम स्वीकृति दिन सुरु गरेपछि रोजगार गन्तव्य मुलुकमा रहेका नेपाली नियोगहरुले विभिन्न कागजका आधारमा सिफारिस दिन सुरु गरेका छन् । संसदीय समितिको निर्देशनपछि श्रम, रोजगार तथा सामाजिक सुरक्षा मन्त्रालयले शुक्रवारबाट पुनः श्रम स्वीकृतिको प्रक्रिया सुरु गरेको हो ।
मन्त्रालयले प्रक्रिया सुरु गरेपछि खाडीस्थित विभिन्न देशमा रहेका नेपाली नियोगहरुले पुनः श्रम स्वीकृतिको प्रक्रिया सुरु गरेका छन् । संशोधित वैदेशिक रोजगार ऐन अनुसार वैदेशिक रोजगारीमा रहेका कामदारले बढीमा दुई पटक विदेशस्थित नेपाली नियोगबाट पुनः श्रम स्वीकृति पाउँछन् । त्यसका लागि उनीहरुले वीमा र नेपाली नियोगमार्फत वैदेशिक रोजगार बोर्डमा रहेको कल्याणकारी कोषमा तोकिएको रकम जम्मा गर्नुपर्ने व्यवस्था गरिएको छ ।
यूएईस्थित नेपाली दूतावासले अवधि कायम भएको भिसा, राहदानी र करार सम्झौतामा उल्लेख भएको प्रमाण पेश गर्ने घरेलु कामदारहरुलाई पुनः श्रम स्वीकृतिका लागि सिफरिश दिन थालिएको जनाएको छ ।
यसअघि अवैधानिक रुपमा गएका नेपालीलाई पनि निश्चित शुल्क लिएर नेपाली नियोगहरुले श्रम स्वीकृतिका लागि फटाफट सिफारिस गर्ने गरेकोमा यस पटक रोजगारदाताको राहदानीको प्रतिलिपी, घरेलु कामको रुपमा श्रम स्वीकृति लिई गएको प्रमाण र बिदामा नेपाल आई पुनः रोजगारीमा फर्कँदा पहिले काम गरेकै रोजगारदाताकोमा जाने सुनिश्चित हुने कागजात खुल्नपर्ने अनिवार्य गरिएको छ । यसले श्रम स्वीकृति नलिई अवैध रुपमा गई दूतावासलाई केही रकम तिरेर वैधनानिकीकरणको स्वीकृति लिने गरेकाहरुकको सजिलो बाटो तत्काललाई बन्द भएको छ ।
नेपालमा वैदेशिक रोजगार ऐन २०६४ ले तोकेको प्रक्रिया पुरा नगरी रोजगाररी गर्न भिजिटमा गएका घरेलु कामदारहरुले दूतावासबाट पुनः श्रम स्वीकृतिको सिफारिस पाउने छैनन् । यूएईस्थित नेपाली दूतावासले पुनः श्रम स्वीकृति आवश्यक परेमा आवश्यक कागजातसहित सिफारिसका लागि निवेदन दिन सूचना प्रकाशित गरेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies