एजेन्सी : चीनका राष्ट्रपति सी जिनपिंग दुई दिने भारत भ्रमणमा जाने तयारी गरिरहेका बेलामा पाकिस्तानका प्रधानमन्त्री इमरान खान आज चीन भ्रमणमा जाँदैछन् । पाकिस्तानी प्रधानमन्त्री खानले चीनका राष्ट्रपति सी जिनपिंग र प्रधानमन्त्री ली केचियांगसँग भेटवार्ता गर्नेछन् ।
इमरान खानले चाइना–पाकिस्तान इकोनोमिक करिडोर परियोजनाबारे पनि कुरा गर्ने अन्तर्राष्ट्रिय संचारमाध्यमले जनाएका छन् । कश्मीरमा अनुच्छेद ३७० निष्प्रभावी भएपछि इमरान खानको यो पहिलो चीन भ्रमण हो ।
भारतको यो कदमको पाकिस्तानका साथसाथै चीनले पनि विरोध गरेको थियो । यसअघि पाकिस्तानका विदेशमन्त्री शाह महमूद कुरैशी चीन भ्रमणमा गउका थिए । चीनले भनेको थियो कि भारतले कश्मीरको स्थितिमाथि हस्तक्षेप गर्नु हुँदैन ।
राष्ट्रपति सी जिनपिंग शुक्रबार दिउँसो भारतको चेन्नाई पुग्नेछन् । अर्को दिन उनले भारतका प्रधानमन्त्री नरेन्द्र मोदीसँग भेटवार्ता गर्नेछन् । चिनियाँ राष्ट्रपति सी भारत हुँदै नेपाल भ्रमणमा आउनेछन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies