काठमाडौं : वैदेशिक रोजगार विभागले मलेसियाको केडीएन रद्ध गर्न बाँकी रहेको भए नेपाल वैदेशिक रोजगार विभागमार्फत मंसिर ६ गते भित्र विभागमा पेश गर्न भनेको छ । विभागले गत शुक्रबार वैदेशिक रोजगार व्यवसायीहरुका नाममा अत्यन्त जरुरी सूचना जारी गर्दै उक्त आग्रह गरेको हो ।
विभागले सूचनामा भनेको छ, ‘मलेसिया देशको लागि विगतमा केडीएन प्राप्त गरी केही संख्यामा वैदेशिक रोजगारीका लागी कामदार पठाएका वा पठाउँदै नपठाएको अवस्थामा उक्त केडीएनमा बाँकी रहेको संख्या रद्ध गर्नुपर्ने भए वैदेशिक रोजगार ऐन २०६४ को दफा ११(२), ११(३) बमोजिमको प्रावधान अवलम्वन नगरी विभागको एफइआएमएस वेबमा अध्यावधिक हुन नसकेका संस्थाहरु तथा उक्त केडीएन सँग सम्बन्धित मागपत्र भएका ईजाजतपत्रवालाले संस्थाको नाम, केडीएन नम्बर, रोजगारदाताको नाम, कामको प्रकृति वा पेशा, यसअघि पठाएको संख्या, बाँकी संख्या उल्लेख गरी मंसिर ६ गतेभित्र विभागमा पठाइदिनु होला ।’
