काठमाडौं : गायक तथा संगीतकार कालिप्रसाद बासकोटा सन् २०२३ कै पहिलो सांगीतिक कार्यक्रमका रुपमा ‘स्पेसल नाइट विथ कालिप्रसाद बासकोटा’मा काठमाडौंका दर्शकमाझ गुञ्जिने भएका छन् ।
पछिल्लो फिल्म ‘फूलबारी’मा रहेको गीत ‘माया रैछ र’मा स्वर दिएका कालिप्रसाद ठमेलको सञ्चयकोष चोकमा खुलेको नयाँ क्लब ‘क्लब ओम्निया’मा आगामी चैत १७ गते अर्थात मार्च ३१ गते शुक्रबार गुञ्जिन लागेका हुन् ।
कार्यक्रममा कालिप्रसादले नयाँ व्याण्ड ‘साथी भाइ’सँग लाइभ गीत गाउनेछन् । कन्सर्टमा कालिले ‘अजम्बरी माया पिरती’, ‘निरा’, ‘ओखती’, ‘बाटुली’, ‘लप्पन छप्पन’, ‘इन्स्टाको फोटो’ र ‘पंक्षी’ लगायतका लोकप्रिय गीत गाउनेछन् । उनले ‘साथीभाइ’ व्याण्डसँग ‘माया रैछ र’ गीत पनि पहिलोपटक लाइभ गाउनेछन् ।
कार्यक्रम पीभीइ नेटवर्कको प्रस्तुती र डेभिल्स ग्रुपको सहकार्यमा हुन लागेको हो । कार्यक्रमको टिकट आफ्नोटिकटडटकममा उपलब्ध छ ।
गायक, गीतकार, संगीतकार कालिप्रसाद पछिल्लो समयमा विशेषत फिल्मी गीतमा रुचाइएका संगीतकारमा पर्छन् । यसबाहेक नेपाली सुगम संगीतमा पनि कालि रुचाइएका संगीतकारमा पर्छन् । कालि ‘सा रे ग म प’ तथा ‘नेपाल आइडल सिजन १,२,३ का निर्णायक पनि हुन् ।
२० भन्दा बढी गीतको कम्पोज र प्रस्तुती दिएका कालिका गीत युट्युब च्यानलमा ३ सय ५० मिलियन प्लस स्ट्रिमिङ भएका छन् । कालिका गीतको स्ट्रिमिङ हेर्दा नेपाली संगीत उद्योगमा सर्वाधिक स्ट्रिमिङ हुने उत्कृष्ट तीन गायकमा उनी पर्दछन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies