–गणेश लोहनी
१.
नयनको बाटो पस्यौ भन्यौ मुस्कुराइरहेँ
मन मन्दिरमा बस्यौ भन्यौ मुस्कुराइरहेँ
बदलिएकी त तिमी हौ म होइन प्रिया
मेरो दृष्टिबाट खस्यौ भन्यौ मुस्कुराइरहेँ ।।
२.
ढुँग्रो भित्र राखिएको पुच्छर समान माने हुन्छ
सँधैभरि हातालाग्यो सुन्य भन्ने जाने हुन्छ
हिँस्रक जन्तु सदाएर कजाउन सकिन्छ बरु
विवेकहीनलाई सदाउनु असम्भव नै ठाने हुन्छ ।।
३.
जन्मेको युगको के कुरा बन्छन् सर्वकालिक पनि
सम्मानका लायकहरूको बनाउँछन् शालिक पनि
कुख्यातहरू मृत्युसँगै हराउँछन् विस्मृतिको गर्भमा
सच्चा लोकनायक सगर्व बन्छन् मनका मालिक पनि ।।
४.
कोइलीसँग भाका चोरी गीत गाएँ मैले
जुनीभरलाई दीगो ठानि मित लाएँ मैले
आफुले मुढो ताकेँ बन्चराले घुँडो ताक्यो
जूनेलीको साथ खोज्दा शीत पाएँ मैले ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies