काठमाडौं : वैदेशिक रोजगार कार्यालय काठमाडौं ताहाचलबाट सरुवा भएका कार्यालय प्रमुख उमेश बस्नेतको विदाई गरिएको छ । अघिल्लो हप्ता भएको २६ जना सहसचिवको सरुवामा उनी पनि परेका हुन् । बिहीबार उक्त कार्यालयका कर्मचारीले सहसचिव बस्नेतको विदाई गरे ।
संघीय मामिला तथा सामान्य प्रशासन मन्त्रालयले बढुवा भएका नयाँ १० जना सहसचिवहरुको पदस्थापन र अन्य १६ जना गरी २६ जना सहसचिवहरुको एकैसाथ सरुवा गरेको थियो । उक्त सरुवामा काठमाडौं कार्यालयका प्रमुख बस्नेत गृह मन्त्रालयमा सरुवा भएर गएका हुन् । श्रम, रोजगार तथा सामाजिक सुरक्षा मन्त्रालयमा दुई नयाँ सहसचिव सरुवा भएका छन् ।
नयाँ आउनेहरुमा राष्ट्रिय सूचना आयोग, काठमाडौंका सहसचिव बिनु बज्राचार्य कुँवर र हेटौंडा उपमहानगरपालिका, मकवानपुरका सहसविचव राजेश पौडेल छन् ।
