एजेन्सी : अमेरिकाका पूर्वराष्ट्रपति डोनाल्ड ट्रम्पले महाभियोगबाट छुटकारा पाएका छन् । दोस्रो पटक लगाइएको महाभियोगबाट छुटकारा पाउनुलाई ट्रम्पको ठूलो जित मानिएको छ ।
शनिबार अमेरिकाको माथिल्लो सदन सिनेटमा उनीविरुद्धको महाभियोग सम्बन्धमा गरिएको मतदानमा बहुमत नपुगेको हो ।
त्यस क्रममा महाभियोगका पक्षमा ५७ तथा विपक्षमा ४३ सांसदले मतदान गरेका हुन् । प्रस्ताव परित हुन आवश्यक दुईतिहाइ अर्थात् ६७ मत आवश्यक नपुगेपछि उनी निर्दाेष साबित भएका हुन् । योसँगै उनी महाभियोगबाट मुक्त भएका हुन् ।
ट्रम्पविरुद्ध पेस महाभियोग प्रस्तावबारे सिनेटमा पाँचौं दिन शनिबार सुनुवाइ पूरा गरी मतदान गरिएको हो । महाभियोग प्रमाणित भएको भए ट्रम्प दोस्रो कार्यकाल राष्ट्रपतिको उम्मेदवार बन्न पाउने थिएनन् ।
जनवरी छ मा क्यापिटल भवनमा भएको हिंसासँग ट्रम्पको सम्बन्ध भएको दाबी डेमोक्रेटिक पार्टीले उनीविरुद्ध महाभियोग प्रस्ताव अघि बढाएको थियो । दुईपटक महाअभियोग लाग्ने ट्रम्प पहिलो अमेरिकी राष्ट्रपति हुन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies