तेजबहादुर बन/मध्यान्ह
नेपाल टेलिकमले जमिनमुनि बिछ्याएको तारकाटेर चोरी गर्दै गर्दा दुई जनालाई इटहरी प्रहरीले नियन्त्रणमा लिएको छ ।
इटहरीको विभिन्न स्थानमा टेलिकमले बिछ्याएको तार काटेर चोरी गर्ने क्रममा इटहरी ५का ३१ वर्षीय इश्वर लिम्बु र उनको श्रीमति २४ वर्षीया रेनुका राईलाई प्रहरीले पक्राउ गरी सार्वजनिक गरेको हो ।
टेलिकमले लगाएको तार चोरीका मौखिक गुनासोहरू आउन थालेपछि इटहरी प्रहरीले सम्भावित क्षेत्रहरूमा विशेष निगरानी बढाएको थियो ।
सोेहि क्रममा गत चैत्र ९ गते पुर्वपश्चिम राजमार्ग अन्तर्गत खेती खोला पुलमा बिछ्याइएको १२ सय पिएर तार काट्दै गरेको अवस्थामा प्रहरीले उनीहरूलाई पक्राउ गर्न सफल बनेको हो ।
पक्राउ परेका दुवै जनाको साथबाट प्रहरीले तार काट्न प्रयोग भएको बञ्चरो एक थान, हेक्स ब्लेड एक थान र छिनो एक थान बरामद गरेको छ ।
प्रहरी नियन्त्रणमा रहेका दुवैजना विरुद्ध सुनसरी अदालतबाट म्याद थप गरी आवश्यक कारबाही प्रक्रिया अघि बढाइएको इलाका प्रहरी कार्यालय इटहरीले जनाएको छ ।
.jpg)
